ଦାରିଙ୍ଗବାଡି,୧୩।୧ (ଅରୁଣ ସାହୁ): କନ୍ଧମାଳ ଜିଲା ଦାରିଙ୍ଗବାଡି ବ୍ଲକ ଭ୍ରମରବାଡ଼ି ପିଏମ ଶ୍ରୀ ସରକାରୀ ଉଚ୍ଚ ବିଦ୍ୟାଳୟରେ ପ୍ରଥମ ଉତ୍ସବ ଅନୁଷ୍ଠିତ ହୋଇଯାଇଛି। ଏହାକୁ ବିଦ୍ୟାଳୟର ପ୍ରଧାନ ଶିକ୍ଷକ ରାଜକିରଣ ପ୍ରଧାନଙ୍କ ଅଧ୍ୟକ୍ଷତା ଓ ସଂସ୍କୃତ ଶିକ୍ଷକ ସୁମନ ପାଢ଼ୀଙ୍କ ମଞ୍ଚ ପରିଚାଳନା କାର୍ଯ୍ୟକ୍ରମରେ ଦାରିଙ୍ଗବାଡି ବିଡ଼ିଓ ପ୍ରୀତିରଞ୍ଜନ ରଥ ମୁଖ୍ୟ ଅତିଥିଭାବେ ଯୋଗଦାନ କରିଥିବା ବେଳେ ମୁଖ୍ୟବକ୍ତା ଭାବେ ବିଇଓ ମହେଶ୍ୱର ମାଝୀ, ଅନ୍ୟତମ ଅତିଥିଙ୍କ ମଧ୍ୟରେ ସ୍ଥାନୀୟ ସରପଞ୍ଚ ନରୋତ୍ତମ ପ୍ରଧାନ, ସମିତିସଭ୍ୟା ମିତା ପ୍ରଧାନ, ବ୍ଲକ ମଙ୍ଗଳ ସମ୍ପ୍ରସାରଣ ଅଧିକାରୀ ବିଶ୍ୱଜିତ ଜାଲି, ପିଏମଶ୍ରୀର କମିଟି ଅଧ୍ୟକ୍ଷ ପ୍ରଶାନ୍ତ ନାୟକ, ବିଦ୍ୟାଳୟ ପରିଚାଳନା କମିଟି ର ଅଧ୍ୟକ୍ଷ ଭୀଷ୍ମ ଚରଣ ପୂଜାରୀ, ପୂର୍ବତନ ୨ ସରପଞ୍ଚ ତଥା ତିଲମା ପ୍ରଧାନ ଏବଂ ଆକାଶ ପ୍ରଧାନ ପ୍ରମୁଖ ଯୋଗଦାନ କରିଥିଲେ।
ଏହି ଉତ୍ସବକୁ ବିଡ଼ିଓ ଉଦଘାଟନ କରିବା ସହ ଛାତ୍ରୀଛାତ୍ରଙ୍କ ଦ୍ୱାରା କରାଯାଇଥିବା ବିଭିନ୍ନ ପ୍ରକଳ୍ପକୁ ମଧ୍ୟ ଉଦଘାଟନ କରିଥିଲେ। ପ୍ରକଳ୍ପ ମଧ୍ୟରେ ଜିଜ୍ଞାସା, ସାହିତ୍ୟ ସୃଜନୀ, କୌଶଳୀ, ଟ୍ୟାଲେଣ୍ଟ ଗ୍ୟାଲେରୀ, ଇନ୍ଷପାଏରିଙ୍ଗ ଓଡିଶା, ବିଜିନେସ ମିଟ ଭଳି ଷ୍ଟାଲ କୁ ଅତିଥି ମାନେ ଉଦଘାଟନ କରିବା ସହ ପରିଦର୍ଶନ କରିଥିଲେ। କେନ୍ଦ୍ର ଓ ଓଡିଶା ସରକାର ଉଚ୍ଚ ବିଦ୍ୟାଳୟକୁ ପିଏମଶ୍ରୀ ଉଚ୍ଚ ବିଦ୍ୟାଳୟ ଭାବେ ଘୋଷଣା କରାଯିବା ପରେ ଏହା ପ୍ରଥମ ଉତ୍ସବ ପାଳନ କରାଯାଉଥିବାରୁ ଛାତ୍ରୀଛାତ୍ର ଓ ଶିକ୍ଷୟିତ୍ରୀଶିକ୍ଷକଙ୍କ ମଧ୍ୟରେ ଉତ୍ସାହ ଦେଖାଯାଇଛି। ସେହିପରି ବିଦ୍ୟାଳୟକୁ ସରକାର ପିଏମଶ୍ରୀ ଘୋଷଣା କରିଥିଲେ ମଧ୍ୟ ଆଜି ପର୍ଯ୍ୟନ୍ତ ଶ୍ରେଣୀ କୋଠା ସମେତ ମୌଳିକ ସମସ୍ୟା ଦେଖାଯାଇଛି।
ସେହିପରି ଶୌଚାଳୟ, ପାଚେରୀ, ଭଳି ମୌଳିକ ସୁବିଧା ନଥିବା ଓ ତାକୁ ସରକାର ଶୀଘ୍ର ସମସ୍ୟାର ସମାଧାନ ପ୍ରତି ଗୁରୁତ୍ୱ ଦେବାକୁ ସମିତିସଭ୍ୟା ମିତା ପ୍ରଧାନ ଏବଂ ବିଦ୍ୟାଳୟ ପରିଚାଳନା କମିଟିର ଅଧ୍ୟକ୍ଷ ଭୀଷ୍ମ ଚରଣ ପୂଜାରୀ ପ୍ରମୁଖ ଦାବି ଜଣାଇଥିଲେ। ସେହିପରି ମଞ୍ଚାସୀନ ଅତିଥିମାନେ ଉପସ୍ଥିତ ଛାତ୍ରୀଛାତ୍ରମାନଙ୍କୁ ବିଭିନ୍ନ ପରାମର୍ଶ ଦେବା ସହ ବିଦ୍ୟା ବିନା ଜୀବନ ଅନ୍ଧକାର, ତେଣୁ ବିଦ୍ୟାଳୟକୁ ନିୟମିତ ଆସିବା ସହ ଦେଶ, ଗାଁ ଜିଲ୍ଲା ପାଇଁ ସୁନାମ ଆଣିବାକୁ ପରାମର୍ଶ ଦେଇଛନ୍ତି ସମସ୍ତେ ଭଲ ପାଠ ପଢିବା ସହ ଖେଳ କୁଦ ସହ ଲୁକ୍କାୟିତ ପ୍ରତିଭା ଲୋକ ଲୋଚନକୁ ଆସିବା ଦରକାର ବୋଲି କୁହାଯାଇଥିଲା।
ସେହିପରି ବିଦ୍ୟାଳୟର ଏକାଧିକ ସମସ୍ୟାକୁ ବିଡ଼ିଓ ପ୍ରୀତିରଞ୍ଜନ ରଥ ସମାଧାନ କରିଥିବା ମଞ୍ଚରେ ପ୍ରଧାନ ଶିକ୍ଷକ କହିଥିଲେ। ତେବେ ଶୌଚାଳୟ ନ ଥିବାରୁ ବିଦ୍ୟାଳୟର ଛାତ୍ରୀ ମାନେ ବହୁ ହଇରାଣ ଭୋଗୁଥିବା କହିବା ସହ ସମସ୍ୟାର ସମାଧାନ କରିବାକୁ ପ୍ରଧାନ ଶିକ୍ଷକ କହିଥିଲେ। ବିଦ୍ୟାଳୟର ରହିଥିବା ସମସ୍ୟାର ସମାଧାନ ଶୀଘ୍ର କରାଯିବ ଏହି ପ୍ରକ୍ରିୟା ଜାରି ରହିଛି ବୋଲି ବିଡ଼ିଓ କହିଥିଲେ। ମୋ ଦାୟିତ୍ୱ ବିଦ୍ୟାଳୟର ବିକାଶ କରିବି କିନ୍ତୁ ଶିକ୍ଷୟିତ୍ରୀଶିକ୍ଷକମାନେ ଛାତ୍ରୀଛାତ୍ରମାନଙ୍କୁ ଭଲ ଶିକ୍ଷାଦାନ କରନ୍ତୁ ଏବଂ ଛାତ୍ରୀଛାତ୍ରଙ୍କ ସାମଗ୍ରିକ ବିକାଶ କରିବା ବୋଲି ବିଡ଼ିଓ କହିଥିଲେ ଦଶମ ଛାତ୍ରୀଛାତ୍ରଙ୍କୁ ଭଲ ଗ୍ରେଡ଼ ରେ ଉର୍ତ୍ତୀର୍ଣ୍ଣ କରିବାକୁ ମମସ୍ତ ଛାତ୍ରୀଛାତ୍ରଙ୍କୁ ଗୁରୁତ୍ୱ ଦେବାକୁ ବିଡ଼ିଓ କହିଥିଲେ।
ଅଭିଭାବକ, ଛାତ୍ରୀଛାତ୍ର ଏବଂ ଶିକ୍ଷୟିତ୍ରୀଶିକ୍ଷକଙ୍କୁ ବିଭିନ୍ନ ପରାମର୍ଶ ଦେଇଥିଲେ। ବିଭିନ୍ନ ପ୍ରତିଯୋଗିତାରେ ଅଂଶ ଗ୍ରହଣ କରି କୃତିତ୍ୱ ଅର୍ଜନ କରିଥିବା ଛାତ୍ରୀଛାତ୍ରମାନଙ୍କୁ କାର୍ଯ୍ୟକ୍ରମରେ ମାନପତ୍ର ସହ ଟ୍ରଫି ଦେଇ ଉତ୍ସାହିତ କରାଯାଇଥିଲା। ଏହି କାର୍ଯ୍ୟକ୍ରମରେ ଅନ୍ୟ ଶିକ୍ଷୟିତ୍ରୀଶିକ୍ଷକଙ୍କ ମଧ୍ୟରେ ଜଳେନ୍ଦ୍ର ଦିଗାଲ, ଶ୍ରଦ୍ଧାଞ୍ଜଳି ପ୍ରଧାନ,ଦୀପକ କୁମାର ପ୍ରଧାନ, ସେବତୀ ପ୍ରଧାନ,ଶ୍ରୀନିବାସ ସ୍ବାଇଁ, ସନାତନ ନାୟକ, କୃପା ସିନ୍ଧୁ ନାୟକ, ଗୋବିନ୍ଦ ମାଣିକ,ସୁରେନ୍ଦ୍ର ନାଗ,ତନ୍ମୟ ବିଷୋୟୀ,ଜ୍ଞାନ ଭୂଷଣ ନାୟକ,ଅମିତ କୁମାର ପାତ୍ର, ଅଞ୍ଜଳି ବେହେରା, ଯୁନଶ ପ୍ରଧାନ ପ୍ରମୁଖ କାର୍ଯ୍ୟକ୍ରମକୁ ପରିଚାଳନା କରିଥିଲେ।
Dharitri – Odisha’s No.1 Odia Daily
