ମୁମ୍ବାଇ,୧୬।୪ : ଆଇପିଏଲ ସିରିଜ ୧୬ର ୨୨ତମ ମ୍ୟାଚ ରବିବାର ମୁମ୍ବାଇର ଓ୍ବାଙ୍ଖେଡେ ଷ୍ଟାଡିୟମରେ ପାଞ୍ଚ ଥର ଚାମ୍ପିଅନ ମୁମ୍ବାଇ ଇଣ୍ଡିଆନ୍ସ(ଏମଆଇ) ଏବଂ ଦୁଇଥର ଚାମ୍ପିଅନ କୋଲକାତା ନାଇଟ ରାଇଡର୍ସ(କେକେଆର୍) ମଧ୍ୟରେ ଖେଳାଯାଉଛି। ଏମଆଇ ଟସ ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। ଟିମ ଅଧିନାୟକ ରୋହିତ ଶର୍ମାଙ୍କ ନେତୃତ୍ୱରେ ଦଳ ବୋଲିଂ କରିବାକୁ ପଡ଼ିଆକୁ ଓହ୍ଲାଇଥିବାବେଳେ କେକେଆର୍ ଟିମ ଅଧିନାୟକ ନୀତୀଶ ରାଣାଙ୍କ ନେତୃତ୍ୱରେ ବ୍ୟାଟିଂ ଆରମ୍ଭ କରିଛି।
ଧାର୍ଯ୍ୟ ୨୦ ଓଭରରେ କେକେଆର ୬ ଓ୍ବିକେଟ ହରାଇ ୧୮୫ ରନ କରିଛି। ଫଳରେ ଏମଆଇ ପାଇଁ ବିଜୟ ଲକ୍ଷ୍ୟ ୧୮୬ ରନ ରହିଛି।
କେକେଆର ପକ୍ଷରୁ ରହମନୁଲ୍ଲା ଗୁରବାଜ ୮ ରନ କରିଥିବାବେଳେ ଭେଙ୍କେଟେଶ ଆୟାର ୧୦୪, ଶାର୍ଦ୍ଦୁଳ ଠାକୁର ୧୩, ରିଙ୍କୁ ସିଂ ୧୮ , ଆଣ୍ଡ୍ରେ ରସେଲ ୨୧ ରନ କରିଥିଲେ।