ନୂଆଦିଲ୍ଲୀ,୯।୯: ଉପରାଷ୍ଟ୍ରପତି ନିର୍ବାଚନ ପୂର୍ବରୁ ଇଣ୍ଡିଆ ମେଣ୍ଟର ଉପରାଷ୍ଟ୍ରପତି ପ୍ରାର୍ଥୀ ବି. ସୁଦର୍ଶନ ରେଡ୍ଡୀ ଗଣମାଧ୍ୟମ ସମ୍ମୁଖରେ ଏକ ବଡ଼ ବୟାନ ଦେଇଛନ୍ତି। ସେ କହିଛନ୍ତି, ତାଙ୍କ ଦଳ ଏବଂ ମେଣ୍ଟ ଏହି ନିର୍ବାଚନରେ ବିଜୟୀ ହେବ ବୋଲି ସେ ନିଶ୍ଚିତ।
ସୁଦର୍ଶନ ରେଡ୍ଡୀ ସ୍ପଷ୍ଟ କରିଛନ୍ତି,ତାଙ୍କର ପ୍ରୟାସ କେବଳ ଲୋକଙ୍କ ବିବେକକୁ ଜାଗ୍ରତ କରିବା ଏବଂ ତାଙ୍କର ଲକ୍ଷ୍ୟ ହେଉଛି ଭୋଟରମାନଙ୍କୁ ସଠିକ ଦିଗ ଦେଖାଇବା। କୌଣସି ପ୍ରକାରର କ୍ରସ ଭୋଟିଂ ବିଷୟରେ କଥା ହୋଇନାହାଁନ୍ତି ଏବଂ ଏପରି କିଛି କରିବାର କୌଣସି ଯୋଜନା ମଧ୍ୟ ନାହିଁ।
ସ୍ବରାଷ୍ଟ୍ର ମନ୍ତ୍ରୀ ଅମିତ ଶାହ ଆପଣଙ୍କ ବିଷୟରେ ବହୁତ କିଛି କହିଛନ୍ତି ବୋଲି ପଚରାଯିବାରୁ ସୁଦର୍ଶନ ରାଗିଯାଇ କହିଥିଲେ, ଆପଣ କ’ଣ ପଚାରୁଛନ୍ତି ଭାଇ! ଆପଣ କେତେ ଦିନ ପରେ ଏହି ପ୍ରଶ୍ନ ପଚାରୁଛନ୍ତି। ମୁଁ କ’ଣ ପ୍ରତିଦିନ ସମାନ କଥା କହିବି।
ଇଣ୍ଡିଆ ବ୍ଲକ ପୂର୍ବତନ ସୁପ୍ରିମକୋର୍ଟ ବିଚାରପତି ଜଷ୍ଟିସ ବି. ସୁଦର୍ଶନ ରେଡ୍ଡୀଙ୍କୁ ଉପରାଷ୍ଟ୍ରପତି ପ୍ରାର୍ଥୀ ଘୋଷଣା କରିଛି। ବିରୋଧୀ ଦଳ ଏହି ନିର୍ବାଚନକୁ ଏପରି ନେତା ଏବଂ ବିଚାରପତିଙ୍କ ମଧ୍ୟରେ ପ୍ରତିଯୋଗିତା ବୋଲି କହୁଛନ୍ତି, ଯେଉଁମାନେ ସମ୍ବିଧାନର ମୂଲ୍ୟବୋଧକୁ ରକ୍ଷା କରନ୍ତି ଏବଂ ଏଏସଏସର ବିଚାରଧାରାଠାରୁ ଭିନ୍ନ ଦୃଷ୍ଟିକୋଣ ରଖନ୍ତି। ଜଷ୍ଟିସ ରେଡ୍ଡୀ ପୂର୍ବରୁ ସୁପ୍ରିମକୋର୍ଟ ବିଚାରପତି ଏବଂ ଗୋଆର ଲୋକାୟୁକ୍ତ ରହିସାରିଛନ୍ତି।
ବର୍ତ୍ତମାନ ଲୋକସଭାରେ ୫୪୨ ଜଣ ଏବଂ ରାଜ୍ୟ ସଭାରେ ୨୩୯ ଜଣ ଏମ୍ପି ଅଛନ୍ତି, ଅର୍ଥାତ୍ ଉଭୟ ଗୃହର ମୋଟ ସଦସ୍ୟ ସଂଖ୍ୟା ୭୮୧। ଯେକୌଣସି ପ୍ରାର୍ଥୀଙ୍କୁ ଜିତିବା ପାଇଁ ୩୯୧ ଜଣ ଏମ୍ପିଙ୍କ ସମର୍ଥନ ଆବଶ୍ୟକ ହେବ। ଏହି ସମୟରେ, ନବୀନ ପଟ୍ଟନାୟକଙ୍କ ବିଜେଡି, ଚନ୍ଦ୍ରଶେଖର ରାଓଙ୍କ ବିଆରଏସ ଏବଂ ଶିରୋମଣି ଅକାଳି ଦଳ ଭୋଟ ଦେବାରୁ ଦୂରେଇ ରହିବାକୁ ନିଷ୍ପତ୍ତି ନେଇଛନ୍ତି। ଏହି ତିନୋଟି ଦଳର ମୋଟ ୧୨ ଜଣ ଏମ୍ପି ଅଛନ୍ତି, ଯାହା ବର୍ତ୍ତମାନ ମୋଟ ଏମ୍ପିଙ୍କ ସଂଖ୍ୟା ୬୬୯କୁ ହ୍ରାସ କରିଛି। ଏହି ଅନୁସାରେ, ରାଧାକୃଷ୍ଣନ କିମ୍ବା ସୁଦର୍ଶନ ରେଡ୍ଡୀଙ୍କୁ ଜିତିବା ପାଇଁ କେବଳ ୩୮୫ ଜଣ ଏମ୍ପିଙ୍କ ସମର୍ଥନ ଆବଶ୍ୟକ।
