ମୁମ୍ବାଇ: ଅଭୟ ଦେୱଲ ଓ କରନ ଦେୱଲଙ୍କ ଆଗାମୀ ଫିଲ୍ମ ‘ଭିଲେ’ର ଟ୍ରେଲର ରିଲିଜ୍ ହୋଇଛି । ଗୁରୁବାର ଏହା ରିଲିଜ୍ ହୋଇଥିବା ବେଳେ କମେଡିରେ ଭରପୁର ରହିଛି । ଦୁଇ ମିନିଟ ଅବଧିର ଏହି ଟ୍ରେଲର କରଣଙ୍କ ଅଭିନୟରୁ ଆରମ୍ଭ ହୋଇଛି । ସେ ଓ ତାଙ୍କର ସାଥି ସ୍କୁଲ ପରିସରରେ ରିୟା ନାମକ ଏକ ଯୁବତିଙ୍କ ସହ ଟକ୍କର ଖାଉଛନ୍ତି । ଏହାପରେ ୩ ଜଣଙ୍କ ମଧ୍ୟରେ ବନ୍ଧୁତା ହୋଇଯାଇଛି । ଏହାପରେ ସମସ୍ତେ ମିଶି କିଛି ଯୋଜନା ପ୍ରସ୍ତୁତ କରୁଛନ୍ତି । ଏହାପରେ ରିୟା ନିଜେ ନିଜର ଅପହରଣ କରି ଟଙ୍କା ମାଗୁଛନ୍ତି । ଏହିଭଳି ଭାବେ କାହାଣୀ ଗତିଶୀଳ ହୋଇଛି । ଟ୍ରେଲରରେ ଅଭୟଙ୍କୁ ମୌନି ରାୟ ଏହି କାହାଣୀ ଶୁଣାଉଥିବା ନଜର ଆସିଛି । ଭିଲେ ଏକ କ୍ରାଇମ କମେଡି ଫିଲ୍ମ । ଏଥିରେ ଅଭୟ ଦେୱଲ, କରନ ଦେୱଲ, ଅନନ୍ୟା ସିଂ, ରାୱନ୍ତ ସିଂ ପ୍ରେମୀ, ବିଶେଷ ତିୱାରୀ ଓ ମୌନି ରାୟ ବିଶେଷ ଭୂମିକାରେ ନଜର ଆସିବେ । କମେଡିରେ ଭରପୁର ଫିଲ୍ମ ଭିଲେ ଡିମେସ୍ୱର ୧୦ , ୨୦୨୧ରେ ରିଲିଜ୍ ହେବାର ଯୋଜନା ରହିଛି ।
