ନୂଆଦିଲ୍ଲୀ,୨୯।୯: ଦେଶର ପ୍ରମୁଖ ଘରୋଇ କମ୍ପାନୀ ବେଦାନ୍ତ ଆଲୁମିନିୟମ ନିକଟରେ ଏକ ସମ୍ମାନଜନକ ସ୍ବୀକୃତି ଲାଭ କରିଛି। ଏପରିକି ଜର୍ମାନୀର ଡ୍ୟୁସେଲ୍ଡର୍ଫଠାରେ ଆୟୋଜିତ ‘ଆଲୁମିନିୟମ-୨୦୨୨’ ବିଶ୍ୱ ବାଣିଜ୍ୟ ମେଳାରେ ବେଦାନ୍ତ ଆଲୁମିନିୟମର ମେଡ୍ ଇନ୍ ଇଣ୍ଡିଆ ଆଲୁମିନିୟମ ଚାମ୍ପିୟନ ହୋଇଛି।
ଏ ସମ୍ପର୍କରେ ବେଦାନ୍ତ ଆଲୁମିନିୟମ ଲିମିଟେଡ୍ର ସିଇଓ ରାହୁଲ ଶର୍ମା କହିଛନ୍ତି, ଆଲୁମିନିୟମର ଗୁଣବତ୍ତା ଏବଂ ଆମର ଉପତ୍ାଦନର କ୍ଷମତା ପାଇଁ ଏଭଳି ଏକ ସମ୍ମାନ ମିଳିଛି। ଏପରିକି ସମଗ୍ର ବିଶ୍ୱ ପାଇଁ ଭାରତରେ ତିଆରି ଉପତ୍ାଦ ପ୍ରଦର୍ଶନ କରିବା ଆମ ପାଇଁ ଏକ ଗୌରବର ବିଷୟ ଥିଲା। ସେହିଭଳି ପ୍ରଚଳିତ ଓ ସମ୍ଭାବ୍ୟ ପ୍ରଯୁକ୍ତବିଦ୍ୟାରେ ଏହାର ଭବିଷ୍ୟତର ବ୍ୟାପକତାକୁ ଦୃଷ୍ଟି ଦେଇ ଆଗାମୀ ଦଶନ୍ଧିରେ ଆଲୁମିନିୟମ ଦୁନିଆର ଏହା ସର୍ବାଧିକ ବିନିଯୋଗ ହେଉଥିବା ଧାତୁରେ ପରିଣତ ହେବ।
ଆମେ ବେଦାନ୍ତ ଆଲୁମିନିୟମରେ ଭବିଷ୍ୟତର ଧାତୁ ମାଧ୍ୟମରେ ଆମର ଗ୍ରାହକ ଓ ଦେଶ ପାଇଁ ନିରନ୍ତର ଅଭିବୃଦ୍ଧି ଆଣିବା ଲକ୍ଷ୍ୟରେ ଅଛୁ। ଏହା ଆମକୁ ଆମ ସମ୍ପତ୍ତିିର ପୂର୍ଣ୍ଣ ସମ୍ଭାବନାକୁ ଉପଯୋଗ କରିବାକୁ ସୁଯୋଗ ଦେବ। ସେହିପରି ନବସୃଜନ କ୍ଷମତାକୁ ଗଭୀର କରାଇବା ସହ ବିଶ୍ୱ ଭାଗୀଦାରି ବୃଦ୍ଧି କରିବାକୁ ଏବଂ ସ୍ବଳ୍ପ କାର୍ବନଯୁକ୍ତ ଉଚ୍ଚସ୍ତରୀୟ ଉପତ୍ାଦ ପ୍ରସ୍ତୁତି ପାଇଁ ମଧ୍ୟ ସୁଯୋଗ ଦେବ ବୋଲି ଶର୍ମା ମତବ୍ୟକ୍ତ କରିଛନ୍ତି।
