ଭୁବନେଶ୍ୱର,୧୪।୪(ଅଭୟ ଦାଶ): ଦେଶର ପ୍ରମୁଖ ଘରୋଇ ସଂସ୍ଥା ତଥା ବେଦାନ୍ତ ଗ୍ରୁପ୍ର ପ୍ରମୁଖ କମ୍ପାନୀ ବେଦାନ୍ତ ଆଲୁମିନିୟମ ସର୍ବଦା ଯୁବଗୋଷ୍ଠୀଙ୍କୁ ନୂତନ ପ୍ଲାଟ୍ଫର୍ମ ଯୋଗାଇ ଆସିଛି। ଏପରିକି କମ୍ପାନୀର ଓଡ଼ିଶା ୟୁନିଟ୍ ନିକଟରେ ରାୟଗଡ଼ା ଜିଲାର କାଶୀପୁର ଠାରେ ଆୟୋଜିତ କାଶୀପୁର ପ୍ରିମିୟର ଲିଗ୍ (କେପିଏଲ୍)କୁ ଆବଶ୍ୟକ ସମର୍ଥନ ସହ ସ୍ଥାନୀୟ କାଶୀପୁର ଅଞ୍ଚଳରେ ତୃଣମୂଳ କ୍ରିକେଟର ପ୍ରୋତ୍ସାହନ ଲାଗି ସହାୟତା ମଧ୍ୟ କରିଛି। ସମ୍ପୃକ୍ତ ଅଞ୍ଚଳରେ ଯୁବକମାନଙ୍କ ମଧ୍ୟରେ କ୍ରିକେଟ ଦକ୍ଷତା ବୃଦ୍ଧି ଓ ଖେଳରେ ଉତ୍କର୍ଷ ବୃଦ୍ଧି ପାଇଁ କମ୍ପାନୀ ପ୍ରୟାସ କରୁଛି। ଉଲ୍ଲେଖଯୋଗ୍ୟ, ୨୦୨୪ ମାର୍ଚ୍ଚ ୩ରୁ ଆରମ୍ଭ ହୋଇଥିଲା କେପିଏଲ୍ ନିକଟରେ ଶେଷ ହୋଇଛି। ଏ ସମ୍ପର୍କରେ ବେଦାନ୍ତ ଆଲୁମିନିୟମର ସିଇଓ (ମାଇନ୍ସ) ଭି . ଶ୍ରୀକାନ୍ତ କହିଛନ୍ତି, ଆମେ ଜାଣୁ କ୍ରୀଡ଼ା କେବଳ ଭବିଷ୍ୟତ ପଥକୁ ଆକୃଷ୍ଟ କରେ ନାହିଁ ବରଂ ଜୀବନକୁ ଗଭୀର ଭାବେ ପ୍ରଭାବିତ କରିଥାଏ। ଏପରିକି ଆମେ ଯୁବକଙ୍କ ପାଇଁ ସମର୍ପିତ, ଏଥିପାଇଁ ଆମେ ବିଭିନ୍ନ ସମୟରେ ତୃଣମୂଳ ଲିଗ୍ ଓ ଟୁର୍ନାମେଣ୍ଟ ଆୟୋଜନ କରିଥାଉ। ରାଜ୍ୟର କ୍ରୀଡ଼ା ଉତ୍କର୍ଷର ସମୃଦ୍ଧତାକୁ ଯୋଡ଼ି ସେମାନଙ୍କୁ କ୍ରୀଡ଼ାବିତ ହେବା ଦିଗରେ ଆଗେଇଯିବା ପାଇଁ ଆମେ ଏକ ପ୍ଲାଟ୍ଫର୍ମ ପ୍ରଦାନ କରୁଛୁ।
