ଭୁବନେଶ୍ୱର,୧୪।୪: ଦେଶର ପ୍ରମୁଖ ଘରୋଇ ଜୀବନ ବୀମା କମ୍ପାନୀ ‘ଟାଟା ଏଆଇଏ’ର ନୂତନ ସୁବିଧା (ସେବା) ବା ହ୍ବାଟ୍ସ୍ଆପ୍ ଜରିଆରେ ପ୍ରିମିୟମ୍ ପେମେଣ୍ଟ ସର୍ଭିସ୍ (ପିପିଏସ୍)ର ଶୁଭାରମ୍ଭ କରାଯାଇଛି। ଏପରିକି ବୀମା କ୍ଷେତ୍ରରେ କମ୍ପାନୀ ପ୍ରଥମ ଧରଣର ସେବା ନିକଟରେ ଆରମ୍ଭ କରିଛି। ପୂର୍ବରୁ କେବଳ ୟୁପିଆଇ ଜରିଆରେ ସୀମିତ ଥିବା ବେଳେ ବର୍ତ୍ତମାନ ଟାଟା ଏଆଇଏର ଗ୍ରାହକମାନେ ହ୍ବାଟ୍ଆପ୍ ଜରିଆରେ ବିଭିନ୍ନ ପେମେଣ୍ଟ ମାଧ୍ୟମ ବ୍ୟବହାର କରିପାରିବେ। ଏପରିକି ଗ୍ରାହକମାନେ ହ୍ବାଟ୍ଆପ୍ ବ୍ୟବହାର କରି କ୍ରେଡିଟ୍ କାର୍ଡ, ଡେବିଟ୍ କାର୍ଡ ଓ ନେଟ୍ ବ୍ୟାଙ୍କିଙ୍ଗ୍ ଜରିଆରେ ୧କୋଟି ଟଙ୍କା ପର୍ଯ୍ୟନ୍ତ ପେମେଣ୍ଟ କରିପାରିବେ। ପୂର୍ବରୁ ଏହି ସୀମା ୨ଲକ୍ଷ ଟଙ୍କା ଥିଲା।
