କଟକ,୪।୧୦: ଦେଶର ପ୍ରମୁଖ ଫ୍ୟାଶନ ସେଗ୍ମେଣ୍ଟ ‘ଭି-ବଜାର’ ପକ୍ଷରୁ ସ୍ଥାନୀୟ ବାଦାମବାଡ଼ିରେ ଆଉ ଏକ ଷ୍ଟୋରର ଶୁଭାରମ୍ଭ କରାଯାଇଛି। କଟକ ସହରରେ ଥିବା ଭି-ବଜାର ଷ୍ଟୋର ପ୍ରତି ଗ୍ରାହକଙ୍କ ଚାହିଦାକୁ ନଜରରେ ରଖି ଏହି ଷ୍ଟୋରର ଉଦ୍ଘାଟନ କରାଯାଇଛି। ଏ ସମ୍ପର୍କରେ ଭି-ବଜାରର ସିଏମ୍ଡି ହେମନ୍ତ ଅଗ୍ରଓ୍ବାଲ କହିଛନ୍ତି, କଟକ ସହରରେ ଗୋଟିଏ ଷ୍ଟୋର ଥିବାବେଳେ ଏଠାକାର ଗ୍ରାହକଙ୍କ ପାଇଁ ଆଉ ଗୋଟିଏ ଷ୍ଟୋର ଖୋଲିଥିବାରୁ ଆମେ ବେଶ୍ ଆନନ୍ଦିତ। କଟକରେ ଆମର ଏହି ଷ୍ଟୋର ସହ ଓଡ଼ିଶାରେ ମୋଟ ୬ଟି ଷ୍ଟୋର ଓ ବିଭିନ୍ନ ସ୍ଥାନରେ ୮୮ଟି ଷ୍ଟୋର ରହିଛି। ଆମେ ଗ୍ରାହକଙ୍କୁ ଉତ୍ତମ ମାନର ସେବା ଓ ଆନ୍ତର୍ଜାତିକ ଶପିଂ ଅନୁଭୂତି ପ୍ରଦାନ କରିବାକୁ ସର୍ବଦା ଚେଷ୍ଟା କରିବୁ। ଏଠାରେ ସବୁ ପ୍ରକାର ଅତ୍ୟାଧୁନିକ ଫ୍ୟାଶନ ସାମଗ୍ରୀ ସୁଲଭ ମୂଲ୍ୟରେ ଉପଲବ୍ଧ ହେବ ବୋଲି ସେ ମତବ୍ୟକ୍ତ କରିଛନ୍ତି। ଅପରପକ୍ଷରେ ୮୭୦୦ ବର୍ଗଫୁଟ ପରିମିତ ସ୍ଥାନରେ ଗଢ଼ି ଉଠିଥିବା ଏହି ଅତ୍ୟାଧୁନିକ ଷ୍ଟୋରରେ ବିଭିନ୍ନ ବ୍ରାଣ୍ଡର ପୋଷାକ ଯଥା ଶାର୍ଟ, ପ୍ୟାଣ୍ଟ, ଜିନ୍ସ, ଲେଗିନ୍ସ, ପାଇଜାମା, ଟ୍ରାକ୍ସୁଟ, କୁର୍ତ୍ତା, ପାଇଜାମା, ସେର୍ୱାନି, ଫ୍ୟାନ୍ସି ଶାଢ଼ି, ଡିଜାଇନର ସୁଟ୍, କଟନ୍ ସୁଟ୍, ଟି-ଶାର୍ଟ ଇତ୍ୟାଦି ଉପଲବ୍ଧ ରହିଛି। ଏପରିକି ୧୪୯୯ ଟଙ୍କାରେ କିଣାକିଣି ଉପରେ ୪୪୯ ଟଙ୍କାର ଏକ କଣ୍ଟେନର ସେଟ୍, ୩୪୯୯ ଟଙ୍କାର କିଣାକିଣି ଉପରେ ୭୯୯ ଟଙ୍କାର ଏକ ପୁଡିଂ ସେଟ ସହ ଶପିଂ ଭାଉଚର ଏବଂ ୪୯୯୯ ଟଙ୍କାର କ୍ରୟ ଉପରେ ୧୦୦୦ ଟଙ୍କାର ଏକ ଡବଲ୍ ବେଡ୍ଶିଟ ସହ ତକିଆ ଓ ୫୦୦ ଟଙ୍କାର ଏକ ଭାଉଚର ପାଇପାରିବେ। ଏହା ସହ ଆହୁରି ଅନେକ ଆକର୍ଷଣୀୟ ଅଫର ମଧ୍ୟ ଗ୍ରାହକଙ୍କ ପାଇଁ ରହିଛି।
