କଟକ,୪।୧୦: ଦେଶର ପ୍ରମୁଖ ଗାର୍ମେଣ୍ଟ ଉତ୍ପାଦକ କମ୍ପାନୀ କୋବ୍ ପକ୍ଷରୁ ନିକଟରେ ସ୍ଥାନୀୟ ସିଡିଏ-୧ସ୍ଥିତ ଏସ୍ଜିବିଏଲ୍ ମେଗା ମାର୍ଟରେ ଏକ ବୃହତ୍ ଷ୍ଟୋର ଉଦ୍ଘାଟିତ ହୋଇଯାଇଛି। ଏହି ଅବସରରେ କଟକ ମେୟର ସୁବାସ ସିଂହ ଏବଂ ମୋ କଲେଜ ଅଧ୍ୟକ୍ଷ ଆକାଶ ଦାସନାୟକ ସମ୍ମାନିତ ଅତିଥି ଭାବେ ଯୋଗ ଦେଇ ଏହାର ଉଦ୍ଘାଟନ କରିଥିଲେ। ଏଠାରେ ପୁରୁଷବର୍ଗଙ୍କ ପାଇଁ ଜିନ୍ସ ପ୍ୟାଣ୍ଟ, ଫର୍ମାଲ ପ୍ୟାଣ୍ଟ, ଶାର୍ଟ, ଟି-ଶାର୍ଟ, ବ୍ଲେଜର, ଜୋତା, ପର୍ସ ଇତ୍ୟାଦି ଉପଲବ୍ଧ ରହିଛି। ବିଶେଷକରି ଗ୍ରାହକଙ୍କ ବଜେଟକୁ ସୁହାଇଲା ଭଳି ନୂଆ ନୂଆ ଡିଜାଇନର ପୁରୁଷ ପୋଷାକ (ଜେନ୍ସ ଗାର୍ମେଣ୍ଟ)ର ସମ୍ଭାର ଉପଲବ୍ଧ ରହିଛି। ଏଥିସହିତ ପବିତ୍ର ଦଶହରାକୁ ଦୃଷ୍ଟିରେ ରଖି କମ୍ପାନୀ ପକ୍ଷରୁ ଆକର୍ଷଣୀୟ ଅଫର ଦିଆଯାଉଥିବା କୋବ୍ର ପ୍ରୋପ୍ରାଇଟର ଶ୍ରଦ୍ଧାନନ୍ଦ ତ୍ରିପାଠୀ କହିଛନ୍ତି। ସେହିଭଳି ଆସନ୍ତା ଶୀତଋତୁ ଅବସରରେ ଶୀତବସ୍ତ୍ର ଉପରେ ବାଏ ଟୁ ଗେଟ୍ ପାଇଭ୍ ଅଫର ପ୍ରଦାନ କରାଯାଉଛି। ସେହିପରି ଗ୍ରାହକମାନେ ଯେକୌଣସି ୩ଟି ପୋଷାକ କିଣିଲେ ଫ୍ଲାଟ୍ ୭୦% ଡିସ୍କାଉଣ୍ଟ ପାଇପାରିବେ। ଏପରିକି ସିଙ୍ଗଲ ଆଇଟମ୍ ଉପରେ ୫୦%ର ରିହାତି ମିଳୁଛି। ଅପରପକ୍ଷରେ ଜୋତା ଉପରେ ମଧ୍ୟ ଫ୍ଲାଟ ୭୦%ର ଡିସ୍କାଉଣ୍ଟ ଦିଆଯାଉଛି। ଏ ସମ୍ପର୍କରେ କୋବ୍ର ଡିଜିଏମ୍ ମହମ୍ମଦ ଶେଖ୍ ମହସିନ୍ କହିଛନ୍ତି ଓଡ଼ିଶା ବଜାରରେ କମ୍ପାନୀର ଏହା ୧୫ତମ ଷ୍ଟୋର ହୋଇଥିବା ବେଳେ କମ୍ପାନୀ ଆଗକୁ ରାଜ୍ୟର ବିଭିନ୍ନ ସ୍ଥାନରେ ଷ୍ଟୋର ଖୋଲିବାକୁ ଲକ୍ଷ୍ୟ ରଖିଛି ବୋଲି ସେ ମତବ୍ୟକ୍ତ କରିଛନ୍ତି।
