ଡେରାଡୁନ,୮ ।୭: ଉତ୍ତରାଖଣ୍ଡ ସରକାରଙ୍କ ଶକ୍ତି ମନ୍ତ୍ରୀ ହରକ ସିଂ ରାୱତ ଶକ୍ତି ବିଭାଗର ପ୍ରଥମ ବୈଠକରେ ଏକ ବଡ ଘୋଷଣା କରିଛନ୍ତି । ଏଣିକି ରାଜ୍ୟରେ ଘରୋଇ ବିଜୁଳୀ ଉପଭୋକ୍ତା ପ୍ରତି ମାସରେ ୧୦୦ ୟୁନିଟ ବିଜୁଳୀ ମାଗଣା ଜାଲିବା ସହ ୨୦୦ ୟୁନିଟ ପର୍ଯ୍ୟନ୍ତ ବିଜୁଳୀର ଅଧା ପଇସା ବା ୫୦ ପ୍ରତିଶତ ବିଲ୍ ଭରଣା କରିବେ । ଏହି ପ୍ରସ୍ତାବ ଖୁବଶୀଘ୍ର କ୍ୟାବିନେଟରେ ରଖାଯିବ ବୋଲି ସେ କହିଛନ୍ତି । ଏହାସହ ଡାୟରୀ, ହର୍ଟିକଲଚର, ଏଗ୍ରିକଲଚର ସେକ୍ଟରର କମର୍ସିଆଲ ଉପଭୋକ୍ତାଙ୍କୁ ଘରୋଇ ଶ୍ରେଣୀରେ ଅନ୍ତର୍ଭୁକ୍ତ କରିବା କଥା ଚିନ୍ତା କରାଯାଉଥିବା ଶକ୍ତି ମନ୍ତ୍ରୀ କହିଛନ୍ତି । ଏହାକୁ ନେଇ ଶକ୍ତି ବିଭାଗର ଅଧିକାରୀଙ୍କୁ ଏହି ବିଷୟର ପ୍ରସ୍ତାବକୁ ପ୍ରସ୍ତୁତ କରିବାକୁ କୁହାଯାଇଥିବା ବେଳେ ପରେ ଏହା କ୍ୟାବିନେଟକୁ ଯିବ ବୋଲି ସେ ସୂଚନା ଦେଇଛନ୍ତି ।
