କଲରାଡୋ,୬ ।୨: ଆମେରିକାରେ ଲଗାତାର ଗୁଳିକାଣ୍ଡ ଘଟଣା ଏବେ ସମସ୍ତଙ୍କୁ ଯେମିତି ଚିନ୍ତାରେ ପକାଇ ଦେଇଛି । କଲରାଡୋର ଫାଲକନ ଅଞ୍ଚଳରେ ରବିବାର ଅର୍ଥାତ୍ ୫ ଫେବୃୟାରୀରେ ଗୁଳି ଫୁଟିଥିବା ଖବର ଆସିଛି । ଏଥିରେ ଜଣଙ୍କର ମୃତ୍ୟୁ ହୋଇଥିବା ବେଳେ ୪ ଆହତ ହୋଇଥିବା କୁହାଯାଉଛି । ଏଲ ପାସୋ କାଉଣ୍ଟି ଶେରିଫ କାର୍ଯ୍ୟାଳୟ ପକ୍ଷରୁ ଏକ ବୟାନରେ କୁହାଯାଇଛି କି ଯାଞ୍ଚ ଅଧିକାରୀ ଘଟଣାସ୍ଥଳରେ ପହଞ୍ଚିଛନ୍ତି ଓ କେତେକ ଲୋକଙ୍କ ଦେହରେ ଗୁଳି ବାଜିଥିବା ଦେଖିଥିଲେ । ୫ ଜଣ ଗୁରୁତର ବ୍ୟକ୍ତିଙ୍କୁ ହସ୍ପିଟାଲ ପଠାଇ ଦିଆଯାଇଛି । ମିଡିଆ ରିପୋର୍ଟ ଅନୁଯାୟୀ, ହସ୍ପିଟାଲରେ ଜଣଙ୍କର ମୃତ୍ୟୁ ହୋଇଥିବା ବେଳେ ଅନ୍ୟମାନଙ୍କର ଏବେ ଚିକିତ୍ସା ଚାଲିଛି । ରବିବାର ରାତି ପ୍ରାୟ ୧୨ଟା ୫୦(ସ୍ଥାନୀୟ ସମୟ)ରେ ଏଲ ପାସୋ କାଉଣ୍ଟି ଶେରିଫର ଅଫିସ କମ୍ୟୁନିକେଶନ ସେଣ୍ଟରକୁ କିଛି ଫୋନ କଲ ଆସିଥିଲା, ଯେଉଁଥିରେ ଗୁଳି ଫୁଟିବାର ଶବ୍ଦ ଶୁଭିଥିଲା ।
ସୂଚନାଯୋଗ୍ୟ, ଏହା ପୂର୍ବରୁ ଚଳିତ ମାସରେ କାଲିଫର୍ନିଆରେ ହୋଇଥିବା ଗୁଳିକାଣ୍ଡରେ ୬ ଜଣଙ୍କ ମୃତ୍ୟୁ ହୋଇଥିଲା । ମୃତକଙ୍କ ମଧ୍ୟରେ ୬ ମାସର ଜଣେ ଶିଶୁ ବି ରହିଥିଲେ ।
