ଛତ୍ରପୁର,୭ା୫(ଦିଲ୍ଲୀପ ସାମଲ): ଦିନକୁ ଦିନ ଛତ୍ରପୁର ନିର୍ବାଚନ ମଣ୍ଡଳୀରେ ଭାରତୀୟ ଜନତା ପାର୍ଟି ଶକ୍ତିଶାଳୀ ହେବାରେ ଲାଗିଛି। ଛତ୍ରପୁର ବିଧାୟକ କୃଷ୍ଣଚନ୍ଦ୍ର ନାୟକଙ୍କ ଜନମଙ୍ଗଳ କାର୍ଯ୍ୟରେ ଅନୁପ୍ରାଣିତ ହୋଇ ବହୁ ଜନପ୍ରତିନିଧି ଅନ୍ୟ ଦଳ ଛାଡ଼ି ଭାଜପା ଦଳରେ ମିଶିବାରେ ଲାଗିପଡ଼ିଛନ୍ତି। ଆଗାମୀ ପଞ୍ଚାୟତ ନିର୍ବାଚନକୁ ଦୃଷ୍ଟିରେ ରଖି ବୁଧବାର ନିର୍ବାଚନ ମଣ୍ଡଳୀ ଅନ୍ତର୍ଗତ ଶ୍ରୀରାମଚନ୍ଦ୍ରପୁର ପଞ୍ଚାୟତରେ ମଧ୍ୟ ଭାଜପାର ଏକ ମିଶ୍ରଣପର୍ବ ଏ. ତୋଟାପଲ୍ଲୀସ୍ଥିତ ବ୍ୟାଘ୍ରଦେବୀ ମନ୍ଦିର ପରିସରରେ ଅନୁଷ୍ଠିତ ହୋଇଯାଇଛି। ଏଥିରେ ଛତ୍ରପୁର ବିଧାୟକ କୃଷ୍ଣଚନ୍ଦ୍ର ନାୟକଙ୍କ ନେତୃତ୍ୱରେ ଶ୍ରୀରାମଚନ୍ଦ୍ରପୁର ସରପଞ୍ଚ ଏସ୍. ସଂଜୀବ ରେଡ୍ଡୀ ଓ ଯୁବନେତା ଅମର ବେହେରାଙ୍କ ସମେତ ପଞ୍ଚାୟତର ବହୁ ଓ୍ବାର୍ଡ ସଭ୍ୟା/ସଭ୍ୟ, ବିଭିନ୍ନ ଗ୍ରାମ୍ୟ କମିଟି ସଭାପତି, ଆଗଧାଡ଼ି ନେତା ଏବଂ ବହୁ ଜନସାଧାରଣ ବିଭିନ୍ନ ଦଳ ଛାଡ଼ି ଭାଜପାରେ ସାମିଲ ହୋଇଛନ୍ତି। ଭାରତର ପ୍ରଧାନମନ୍ତ୍ରୀ ନରେନ୍ଦ୍ର ମୋଦୀଙ୍କ ସବ୍କା ସାଥ୍ ସବ୍କା ବିକାଶରେ ବିଶ୍ୱାସ କରି ଏବଂ ଛତ୍ରପୁର ବିଧାୟକ ବିକାଶ କାର୍ଯ୍ୟକୁ ଅନୁସରଣ କରି ସେମାନେ ଅନ୍ୟ ଦଳ ଛାଡ଼ି ଭାଜପାରେ ସାମିଲ ହୋଇଥିବା ସରପଞ୍ଚ ରେଡ୍ଡୀ କହିଥିଲେ। ବିଧାୟକ ନାୟକ ସେମାନଙ୍କୁ ଦଳୀୟ ଉତ୍ତରୀୟ ଓ ଟୋପି ପିନ୍ଧାଇ ଦଳରେ ସାମିଲ କରିଥିଲେ। ଆଗକୁ ଆହୁରି ଦଳ ମଜଭୁତ ହେବା ସହ ଏହି ଡବଲ ଇଞ୍ଜିନ ସରକାର ଯାହା କଥା ଦିଏ ତାହା କାମରେ କରାଇକି ଦେଖାଏ। ଏଭଳି ବିକାଶଧାରା ଚାଲୁ ରହିବ ବୋଲି ଟାଙ୍ଗଣାପଲ୍ଲୀ ମଣ୍ଡଳ ସଭାପତି ସମ୍ପଦ ନାହାକଙ୍କ ଅଧ୍ୟକ୍ଷତାରେ ଆୟୋଜିତ ମିଶ୍ରଣ ପର୍ବରେ ଗଞ୍ଜାମ ଜିଲା ବିଜେପି ସଭାପତି ସରୋଜ କୁମାର ସାବତ ଓ ଛତ୍ରପୁର କୃଷ୍ଣଚନ୍ଦ୍ର ନାୟକ କହିଥିଲେ। ଜିଲା ସମ୍ପାଦକ ଏନ. ଦୁର୍ଯ୍ୟୋଧନ ରେଡ୍ଡୀ ସଂଯୋଜନାରେ ମିଶ୍ରଣ ପର୍ବ ଅନୁଷ୍ଠିତ ହୋଇଥିଲା।
ଏହି କାର୍ଯ୍ୟକ୍ରମରେ ଅନ୍ୟମାନଙ୍କ ମଧ୍ୟରେ ଗଞ୍ଜାମ ଭାଜପା ସାଧାରଣ ସମ୍ପାଦକ ପଦ୍ମଚରଣ ସାହୁ, ସମ୍ପାଦକ ବସନ୍ତ କୁମାର ବେହେରା, ଭାଜପା ଯୁବମୋର୍ଚ୍ଚା ରାଜ୍ୟ ସଂଯୋଜକ ଡି. ସୁରେଶ ରେଡ୍ଡୀ, ଯୁବନେତା କେ. ରଘୁନାଥ ରେଡ୍ଡୀ, ୧୯ ନଂ ଜିଲାପରିଷଦ ସଭ୍ୟା ରଶ୍ମିତା ନାହାକ, ପୂର୍ବତନ ବ୍ଲକ ଅଧ୍ୟକ୍ଷ ଵି. ସୁଦାମ, ଆଇନଜୀବୀ ପି. ଧର୍ମା ରେଡ୍ଡୀ, ପୂର୍ବତନ ଛତ୍ରପୁର ମଣ୍ଡଳ ସଭାପତି ସଞ୍ଜିତ କୁମାର ରାଉଳଙ୍କ ସମେତ ଅନନ୍ୟା କର୍ମକର୍ତ୍ତାମାନେ ଉପସ୍ଥିତ ଥିଲେ। ପ୍ରାରମ୍ଭରେ ବିଧାୟକ ନାୟକଙ୍କୁ ଫୁଲଚନ୍ଦନ ଦେଇ ବିରାଟ ପଟୁଆରରେ ସଭାସ୍ଥଳକୁ ପାଛୋଟି ନେଇଥିଲେ। ସମସ୍ତ କାର୍ଯ୍ୟକ୍ରମକୁ କେ. ରଘୁନାଥ ରେଡ୍ଡୀ, ବନୋଜ ନାହାକ ଓ ପଞ୍ଚାୟତର ବହୁ ଛାମୁଆ ନେତା ଓ କର୍ମୀ ପରିଚାଳନାରେ ସହଯୋଗ କରିଥିଲେ।