ଓଟାୱା,୯ ।୯: କରୋନା ସଂକ୍ରମଣ ବୃଦ୍ଧିକୁ ଦେଖି ଏୟାର ଲାଇନ୍ସ ପକ୍ଷରୁ ଚେତାବନୀ ଜାରି କରାଯାଇଛି । କମ୍ପାନୀ କହିଛି ଯେଉଁ କର୍ମଚାରୀମାନେ ଏପର୍ଯ୍ୟନ୍ତ କରୋନା ଟିକା ନେଇ ନାହାନ୍ତି ସେମାନଙ୍କୁ ଚାକିରି ହରାଇବାକୁ ପଡିପାରେ । କିମ୍ବା ବିନା ଦରମାରେ ଛୁଟି ଦିଆଯାଇପାରେ । କାନାଡାର ଏୟାର ଲାଇନ୍ସ କମ୍ପାନୀ ୱେଷ୍ଟଜେଟ୍ ଓ ୟୁନାଇଟେଡ ଏୟାରଲାଇନ୍ସ କହିଛି ଯେଉଁ କର୍ମଚାର ଏପର୍ଯ୍ୟନ୍ତ କରୋନା ଟିକା ନେଇ ନାହାଁନ୍ତି ସେମାନଙ୍କୁ ଚାକିରି ହରାଇବାକୁ ପଡିପାରେ । ଏୟାର ଲାଇନ୍ସ କମ୍ପାନୀ ୱେଷ୍ଟ ଜେଟ୍ ସମସ୍ତ କର୍ମଚାରୀଙ୍କୁ ସେପ୍ଟେମ୍ବର ୨୪ ସୁଦ୍ଧା ଟିକାକରଣ ସମ୍ପର୍କରେ ସୂଚନା ଦେବାକୁ କହିଛି । ଏହାସହ ଅକ୍ଟୋବର ୩୦ ସୁଦ୍ଧା ସମସ୍ତ କର୍ମଚାରୀ ଟିକାର ସମସ୍ତ ଡୋଜ ନେଇସାରିଥିବା ଦରକାର । ସେହିପରି ୟୁନାଇଟେଡ ଏୟାର ଲାଇନ୍ସ ଟିକାକରଣ ସମୟ ୨୭ ସେପ୍ଟେମ୍ବର ପର୍ଯ୍ୟନ୍ତ ଦେଇଛି । ଧର୍ମ ଆଧାରରେ ଟିକାକରଣକୁ ନେଇ କୌଣସି ପ୍ରକାର କ୍ଷମା ଦିଆଯିବ ନାହିଁ ବୋଲି କମ୍ପାନୀ ପକ୍ଷରୁ ସ୍ପଷ୍ଟଭାବେ ଜଣାଇ ଦିଆଯାଇଛି । ଚିକିତ୍ସା କାରଣ ପାଇଁ ଅଧିକ ୫ ସପ୍ତାହ ମିଳିବ ବୋଲି କମ୍ପାନୀ ଜଣାଇଛି ।
