ନୂଆଦିଲ୍ଲୀ,୩।୧୦: କେନ୍ଦ୍ର ଇଲେକ୍ଟ୍ରୋନିକ୍ସ ଓ ଆଇଟି ମନ୍ତ୍ରୀ ଅଶ୍ୱିନୀ ବୈଷ୍ଣବ ଗୁରୁବାର NIELIT ଡିଜିଟାଲ୍ ବିଶ୍ୱବିଦ୍ୟାଳୟ (NDU) ପ୍ଲାଟଫର୍ମର ଉଦ୍ଘାଟନ କରିଛନ୍ତି। ଏହି ପ୍ଲାଟଫର୍ମ ଯୁବପିଢ଼ିଙ୍କୁ AI, ସାଇବର ସୁରକ୍ଷା, ଡାଟା ସାଇନ୍ସ, ସେମିକଣ୍ଡକ୍ଟର ଆଦି ଉନ୍ନତ ପ୍ରଯୁକ୍ତି କ୍ଷେତ୍ରରେ ଉଚ୍ଚମାନର ଶିକ୍ଷା ଓ ଦକ୍ଷତା ପ୍ରଦାନ କରିବ। ଏହା ସହିତ ମନ୍ତ୍ରୀ ଓଡ଼ିଶାର ବାଲେଶ୍ୱର ସମେତ ମୁଜାଫରପୁର (ବିହାର), ତିରୁପତି (ଆନ୍ଧ୍ରପ୍ରଦେଶ), ଦମନ (ଦାଦରା ଓ ନଗର ହାଭେଲି ଏବଂ ଡାମନ ଓ ଡିଉ) ଏବଂ ଲୁଙ୍ଗଲେଇ (ମିଜୋରାମ)ରେ ୫ଟି ନୂଆ NIELIT କେନ୍ଦ୍ରର ଭର୍ଚୁଆଲ ଉଦ୍ଘାଟନ କରିଛନ୍ତି।
ଏହି ଅବସରରେ ମାଇକ୍ରୋସଫ୍ଟ, ଜେଡ୍ସ୍କେଲର, CCRYN, ଡିକ୍ସନ ଟେକ୍ ଓ ଫ୍ୟୁଚର କ୍ରାଇମ ସହିତ ବୁଝାମଣାପତ୍ର (MoU) ସ୍ୱାକ୍ଷର ହୋଇଛି। ମନ୍ତ୍ରୀ ବୈଷ୍ଣବ କହିଛନ୍ତି ଯେ, NIELIT କେନ୍ଦ୍ରଗୁଡ଼ିକ ଦୁର୍ଗମ ଅଞ୍ଚଳରେ ମଧ୍ୟ ଉନ୍ନତ ଶିକ୍ଷା ଓ ପ୍ରଶିକ୍ଷଣ ପ୍ରଦାନ କରି ଭାରତର ଟେକ୍ନୋଲୋଜି ଭବିଷ୍ୟତକୁ ଗଢ଼ିବ। ସେ ଆହୁରି କହିଛନ୍ତି, “ଆମେ ୫୦୦ ଶିଳ୍ପ ଅଂଶୀଦାରଙ୍କ ସହ ଯୋଗାଯୋଗ କରି ପାଠ୍ୟକ୍ରମକୁ ଶିଳ୍ପର ଆବଶ୍ୟକତା ଅନୁଯାୟୀ ଗଢ଼ିବା ଦରକାର।” NDU ପ୍ଲାଟଫର୍ମ ଦକ୍ଷତା ଓ ନିଯୁକ୍ତି ମଧ୍ୟରେ ବ୍ୟବଧାନ ଦୂର କରିବାରେ ଗୁରୁତ୍ୱପୂର୍ଣ୍ଣ ଭୂମିକା ଗ୍ରହଣ କରିବ।
Democratising access to high-quality digital education!
5 new NIELIT Centres dedicated to the nation. 🇮🇳 pic.twitter.com/W7VywRcNlo
— Ashwini Vaishnaw (@AshwiniVaishnaw) October 2, 2025
