ନୂଆଦିଲ୍ଲୀ,୨୭/୧୦: ଭାରତରେ ଖୁବଶୀଘ୍ର ପ୍ରିମିୟମ ସେଗମେଣ୍ଟରେ ଆସୁଥିବା ଏକ ପ୍ରମୁଖ ବ୍ରାଣ୍ଡର ପ୍ରଡକ୍ଟ ଦାମ୍ ହ୍ରାସ ପାଇବାକୁ ଯାଉଛି। ହିନ୍ଦୁସ୍ତାନ ୟୂନିଲିଭର ପ୍ୟାରେଣ୍ଟ କମ୍ପାନୀ ୟୂନିଲିଭର ଆଗାମୀ ସମୟରେ ବିଭିନ୍ନ ବର୍ଗରେ ପ୍ରଡକ୍ଟ ଗୁଡିକର ଦାମ୍ ହ୍ରାସ କରିବାକୁ କମ୍ପାନୀ ଘୋଷଣା କରିଛି।
ୟୂନିଲିଭରର ମୁଖ୍ୟ ଫାଇନାସିଆଲ ଅଧିକାରୀ ଗ୍ରିମ ପେଟାକେଥଲି କହିଛନ୍ତି ଯେ, ଆଗାମୀ କିଛି ମାସ ମଧ୍ୟରେ ବିଶ୍ୱର ଆର୍ଥିକ ସ୍ଥିତିରେ ସୁଧାର ଆସିବା ଫଳରେ ଭାରତରେ କିଛି ପ୍ରଡକ୍ଟରେ ଦାମ୍ କମାଇବାକୁ ଚିନ୍ତା କରାଯାଉଛି। ତେବେ ୟୂନିଲିଭରର ସିଏଫଓ ଏହି କଥାକୁ ସ୍ପଷ୍ଟ କରିଛନ୍ତି ଯେ, କିଛି ପ୍ରଡକ୍ଟରେ ଦାମ୍ ହ୍ରାସ ହେବ। ଏହା ବ୍ୟତୀତ ଅନ୍ୟ ବର୍ଗ ଗୁଡିକରେ ଦାମ୍ ହ୍ରାସର କୌଣସି ସମ୍ଭାବନା ନାହିଁ।
ଇକୋନୋମିକ୍ ଟାଇମ୍ସ, ରିଉଟର୍ସ ଏବଂ ବିଜନେସ ଷ୍ଟାଣ୍ଡାର୍ଡ ଅନୁଯାୟୀ କପଡା ସଫା କରିବା ଏବଂ ବଡି ୱାସ୍ କରିବା ଦ୍ରବ୍ୟର ମୂଲ୍ୟ ହ୍ରାସ କରିବାକୁ ୟୁନିଲିଭରକୁ ଏକ ଯୋଜନା ଉପରେ କାର୍ଯ୍ୟ କରିବାକୁ ଯାଉଛି। ଏହା ପଛରେ ଦୁଇଟି କାରଣ ଅଛି – ପ୍ରଥମତଃ, ବିଶ୍ୱସ୍ତରୀୟ ଦ୍ରବ୍ୟ ମୂଲ୍ୟରେ ହ୍ରାସ ଦେଖାଯାଉଛି, ଯାହାର ଲାଭ ଗ୍ରାହକମାନଙ୍କୁ ଦେବାକୁ ପଡ଼ିବ। ଦ୍ୱିତୀୟତଃ, ସେମାନେ ପୁନର୍ବାର ବଜାରକୁ ପ୍ରବେଶ କରୁଛନ୍ତି ଏବଂ ବଜାର ଅଂଶ ବଢ଼ୁଥିବାରୁ ସ୍ଥାନୀୟ ବ୍ରାଣ୍ଡରୁ ପ୍ରତିଯୋଗିତାର ସମ୍ମୁଖୀନ ହେବା ଆବଶ୍ୟକ ହୋଇପଡିଛି।
ଏହା ବ୍ୟତୀତ ତୃତୀୟ ତ୍ରୈମାସିକରେ ଆୟ ସମ୍ପର୍କରେ ୟୂନିଲିଭର କମ୍ପାନୀର CFO Graeme Pitkethly କହିଛନ୍ତି ଯେ କମ୍ପାନୀ କେବଳ ଏହାର ଯୋଗାଣ ସ୍ଥିତି ଏବଂ ପ୍ରତିଯୋଗିତା ସହିତ ମେଳ ଖାଇବା ପାଇଁ ଏହାର ମୂଲ୍ୟ ସଂଶୋଧନ କରିବାକୁ ଚିନ୍ତା କରୁଛି ଯାହାଦ୍ୱାରା ଏହା ଲାଭକୁ ବଜାୟ ରଖିବ।
