ଭଦ୍ରକ, ୬/୧୦(ସନାତନ ରାଉତ)- ଭଦ୍ରକ ଜିଲା ଚାନ୍ଦବାଲି ଥାନା ଚଷାଖଣ୍ଡ ଗ୍ରାମ ସ୍ମଶାନରୁ ସୋମବାର ସକାଳେ ଜଣେ ଅଜଣା ଯୁବକର ମୃତଦେହ ପୋଲିସ ଉଦ୍ଧାର କରିଛି l
ସୂଚନା ମୁତାବକ, କଳା ରଙ୍ଗର ଶର୍ଟ ଓ ଫୁଲ ପ୍ୟାଣ୍ଟ ପିନ୍ଧିଥିବା ଜଣେ ଯୁବକର ମୃତଦେହ ଶ୍ମଶାନରେ ପଡ଼ିଥିବା ସ୍ଥାନୀୟ ଲୋକେ ସକାଳେ ଦେଖିବା ପରେ ପୋଲିସକୁ ଖବର ଦେଇଥିଲେ l ମୃତଦେହ ନିକରୁ ମିଳିଥିବା ମୋବାଇଲ କଭରରେ ଲୋଧା କମ୍ପାନୀର ଏକ ପରିଚୟ ପତ୍ର ମିଳିଛି l ସେହି କମ୍ପାନୀରେ ଜଣେ ମିସ୍ତ୍ରୀ ଭାବେ କରୁଥିବା ଏବଂ ତାହାର ନାମ ଆଲୋକ କୁମାର ବଳ ଲେଖା ଅଛି l ମୃତଦେହର ମୁହଁ ଓ ପେଟରେ ଚମଡା ବାହାରି ଯାଇଥିବାରୁ ଏସିଡ ମାଡ଼ ହୋଇଥିବା ସନ୍ଦେହ କରାଯାଉଛି l ରବିବାର ରାତିରେ କେହି ହତ୍ୟା କରି ଏଠାରେ ପକାଇଥିବା ସ୍ଥାନୀୟ ଅଞ୍ଚଳରେ ଚର୍ଚ୍ଚା ହେଉଛି l ପୋଲିସ ମୃତଦେହକୁ ବ୍ୟବଚ୍ଛେଦ ପାଇଁ ପଠାଇଛି l
