ନୂଆଦିଲ୍ଲୀ,୧୫ା୯: ଅମେରିକା ସହ ନାଟୋ ଦେଶମାନଙ୍କ ରୁଷିଆ ତେଲ ବାବଦରେ ଭାରତ ଉପରେ ଚର୍ଚ୍ଚା ଚାଲିଥିବା ବେଳେ ଯୁକ୍ରେନ୍ ଭାରତରୁ ଡିଜେଲ୍ ଆମଦାନୀ ଉପରେ ରୋକ୍ ଲଗାଇଛି। ଯୁକ୍ରେନ୍ର ଏନର୍ଜି କନ୍ସଲ୍ଟେନ୍ସି ଏନ୍କୋର୍ (ଏନ୍କୋର୍) ସୋମବାର (୧୫ ସେପ୍ଟେମ୍ବର ୨୦୨୫) ଘୋଷଣା କରିଛି ଯେ ୧ ଅକ୍ଟୋବର ୨୦୨୫ରୁ ଭାରତରୁ ଡିଜେଲ୍ କିଣିବା ଉପରେ ପ୍ରତିବନ୍ଧକ।
ରିପୋର୍ଟ ଅନୁଯାୟୀ, ଭାରତ ରୁଷିଆରୁ ବହୁଳ ଅଶୋଧିତ ତୈଳ କିଣୁଛି, ତେଣୁ ଯୁକ୍ରେନ୍ ଏହି ପଦକ୍ଷେପ ନେଉଛି। ରୁଷିଆ ଡ୍ରୋନ୍ ଓ ମିସାଇଲ୍ ଦ୍ୱାରା ଯୁକ୍ରେନ୍ର ତେଲ ରିଫାଇନରିକୁ ଲକ୍ଷ୍ୟ କରି ମଡ଼ା କରାଯାଉଛି। ଯୁକ୍ରେନ୍ର ସୁରକ୍ଷା ସଂସ୍ଥାମାନେ ଏନ୍କୋର୍କୁ ଆଦେଶ ଦେଇଛନ୍ତି ଯେ ଭାରତରୁ ଆସୁଥିବା ସମସ୍ତ ଡିଜେଲ୍ ରୁଷିଆରୁ ଆସୁଛି କି ନାହିଁ ତଦନ୍ତ କରାଯାଉ।
ଅନ୍ୟ ଏକ କନ୍ସଲ୍ଟେନ୍ସି ଏ-୯୫ କହିଛି ଯେ ଚଳିତ ବର୍ଷ ଗ୍ରୀଷ୍ମରେ ଯୁକ୍ରେନ୍ର ଏକ ପ୍ରମୁଖ ରିଫାଇନରି ଖରାପ ହୋଇଥିଲା, ତେଣୁ ବ୍ୟବସାୟୀମାନେ ଭାରତରୁ ଡିଜେଲ୍ କିଣି ପୂରଣ କରିଥିଲେ। ଯୁକ୍ରେନ୍ର ପ୍ରତିରକ୍ଷା ମନ୍ତ୍ରଣାଳୟ ମଧ୍ୟ ଭାରତୀୟ ଡିଜେଲ୍ କିଣିଥିଲା, କାରଣ ଏହା ସୋଭିୟେତ ମାନକ ସହ ମେଳ ଖାଉଥିଲା।
ଏନ୍କୋର୍ ଅନୁଯାୟୀ, ଅଗଷ୍ଟ ୨୦୨୫ରେ ଯୁକ୍ରେନ୍ ୧୧୯,୦୦୦ ଟନ୍ ଡିଜେଲ୍ ଭାରତରୁ କିଣିଥିଲା, ଯାହା ଏହାର ମୋଟ ଡିଜେଲ୍ ଆମଦାନୀର ୧୮%। ୨୦୨୨ରେ ଯୁଦ୍ଧ ଆରମ୍ଭ ପୂର୍ବରୁ ଯୁକ୍ରେନ୍ ବେଲାରୁସ୍ ଓ ରୁଷିଆରୁ ଡିଜେଲ୍ କିଣୁଥିଲା। ଏ-୯୫ର ଅନୁଯାୟୀ, ଚଳିତ ବର୍ଷର ପ୍ରଥମ ଭାଗରେ ଡିଜେଲ୍ ଆମଦାନୀ ୧୩% ହ୍ରାସ ପାଇ ୨.୭୪ ମିଲିୟନ୍ ମେଟ୍ରିକ୍ ଟନ୍ ହୋଇଛି।
