ଲଣ୍ଡନ,୨୩।୧୦:ପ୍ରସିଦ୍ଧ ଇସ୍ପାତ ବ୍ୟବସାୟୀ ଲକ୍ଷ୍ମୀ ମିତ୍ତଲଙ୍କ ସାନଭାଇ ପ୍ରମୋଦ ମିତ୍ତଲ ତାଙ୍କ ଝିଅର ବିବାହରେ ପ୍ରାୟ ୪୮୫ କୋଟି ଟଙ୍କା ଖର୍ଚ୍ଚ କରିଥିଲେ। କିନ୍ତୁ ଏବେ ସେ ବ୍ରିଟେନର ସବୁଠୁ ବଡ ଦେବାଳିଆ ହୋଇଯାଇଛନ୍ତି। ସେ କହିଛନ୍ତି ଯେ, ତାଙ୍କ ପାଖାପାଖି ୨୫୪ କୋଟି ଋଣ ଅଛି ଏବଂ ସେ ତାଙ୍କ ସ୍ତ୍ରୀଙ୍କ ଖର୍ଚ୍ଚରେ ଚଳୁଛନ୍ତି। ଲଣ୍ଡନର ଇନ୍ସସଭ୍ଲେନ୍ସି ଏବଂ କମ୍ପାନୀ କୋର୍ଟ ଦ୍ୱାରା ୬୪ ବର୍ଷିୟ ମିତ୍ତଲଙ୍କୁ ଏହି ଦେବାଳିଆ ଘୋଷଣା କରାଯାଇଛି। ସେ କହିଛନ୍ତି ଯେ ତାଙ୍କର ମୋଟ ଋଣ ୨୫୪ କୋଟି ପାଉଣ୍ଡ (ପ୍ରାୟ ୨୫ ହଜାର କୋଟି ଟଙ୍କା) ରହିଛି। ଏଥିରେ ୧୭ କୋଟି ପାଉଣ୍ଡ ଋଣ ମଧ୍ୟ ଅନ୍ତର୍ଭୁକ୍ତ, ଯାହା ସେ ତାଙ୍କ ୯୪ ବର୍ଷୀୟ ପିତାଙ୍କଠାରୁ ଋଣ ନେଇଥିଲେ। ସେହିଭଳି ସେ ସ୍ତ୍ରୀ ସଂଗୀତାଙ୍କ ଠାରୁ ୧୧ ଲକ୍ଷ ପାଉଣ୍ଡ, ପୁଅ ଦିବ୍ୟଶଙ୍କ ଠାରୁ ୨୪ ଲକ୍ଷ ପାଉଣ୍ଡ ଏବଂ ସମ୍ପର୍କୀୟ ଅମିତ ଲୋହିଆଙ୍କଠାରୁ ୧୧ ଲକ୍ଷ ପାଉଣ୍ଡ ଋଣ କରିଛନ୍ତି। ସେ କହିଛନ୍ତି ଯେ ବର୍ତ୍ତମାନ ତାଙ୍କ ପାଖରେ ମାତ୍ର ୧.୧୦ ଲକ୍ଷ ପାଉଣ୍ଡ ସମ୍ପତ୍ତି ବାକି ଅଛି ଏବଂ ତାଙ୍କର କୌଣସି ଆୟ ନାହିଁ। ମିତ୍ତଲ ତାଙ୍କ ଋଣଗ୍ରହୀମାନଙ୍କୁ ଏକ ଅଳ୍ପ ଅଂଶ ଦେବାକୁ ଇଚ୍ଛୁକ ଏବଂ ସେ ଆଶା କରିଛନ୍ତି ଯେ ସେ ଏହି ଦେବାଳିଆ ସମସ୍ୟାର ସମାଧାନ ପାଇବେ। ସେ ବ୍ରିଟିଶ ଭର୍ଜିନ ଆଇଲାଣ୍ଡର କମ୍ପାନୀ ଡାଇରେକ୍ଟ ଇନଭେଷ୍ଟମେଣ୍ଟ ଲିମିଟେଡରୁ ସର୍ବାଧିକ ଋଣ ନେଇଛନ୍ତି। ଏବେ ଏହି କାମ୍ପାନୀକୁ ତାଙ୍କୁ ପ୍ରାୟ ୧୦୦ ନିୟୁତ ପାଉଣ୍ଡ ପରିଶୋଧ କରିବାକୁ ପଡିବ।
ପ୍ରମୋଦ ମିତ୍ତଲ ତାଙ୍କ ଝିଅ ସୃଷ୍ଟିି ୨୦୧୩ ରେ ପୁଞ୍ଜିନିବେଶକାରୀ ଗୁଲରାଜ ବହଲଙ୍କୁ ବିବାହ କରିଥିଲେ। ଏହି ବିବାହରେ ସେ ତାଙ୍କ ଭାଇ ଲକ୍ଷ୍ମୀ ମିତ୍ତଲଙ୍କ ଝିଅ ଭାନିଶାଙ୍କ ବିବାହ ଅପେକ୍ଷା ୫ କୋଟି ପାଉଣ୍ଡରୁ ଅଧିକ (ପ୍ରାୟ ୪୮୫ କୋଟି) ଅଧିକ ଖର୍ଚ୍ଚ କରିଥିଲେ।
