ଆଜିକାଲି ଅଧିକାଂଶ ଜିନିଷ ଅନ୍ଲାଇନରେ ସହଜରେ ଉପଲବ୍ଧ।ଆମେ ସବୁବେଳେ ଭାବୁ ସହଜରେ ଜିନିଷ ଆମ ସାମ୍ନାକୁ ଆସୁ। ଖାଦ୍ୟପାନୀୟଠାରୁ ଆରମ୍ଭ କରି ଯାତାୟାତ ପର୍ଯ୍ୟନ୍ତ, ଅନ୍ଲାଇନ ଆବେଦନ ମାଧ୍ୟମରେ ଏହି ସୁବିଧା ଉପଲବ୍ଧ। ଯଦିଓ ଏହି କାରଣରୁ ଜୀବନ ସହଜ ହୋଇଯାଉଛି। କିନ୍ତୁ ବେଳେବେଳେ ଏପରି କିଛି ଘଟଣା ଘଟିଥାଏ, ଯାହା ଆମକୁ ଆଶ୍ଚର୍ଯ୍ୟ କରିଥାଏ।
ଦିଲ୍ଲୀ-ଏନ୍ସିଆରରେ ରହୁଥିବା ଜଣେ ବ୍ୟକ୍ତିଙ୍କୁ ଦିଲ୍ଲୀ ବିମାନବନ୍ଦରରୁ ନୋଏଡା ଯିବାକୁ ପଡ଼ିଲା। ଯେଉଁଥିପାଇଁ ସେ ଏକ ଉବର କ୍ୟାବ୍ ନେଇଥିଲେ। ଯେତେବେଳେ ଏହାର ଚାର୍ଜ କମ୍ପାନୀ ଦ୍ୱାରା କୁହାଯାଇଥିଲା, ସେହି ବ୍ୟକ୍ତିଙ୍କ ହୋସ୍ ଉଡ଼ିଗଲା। ସାଧାରଣତଃ ବର୍ଷା କିମ୍ବା ଟ୍ରାଫିକ୍ ସମସ୍ୟା ଯୋଗୁ ଦାମ୍ ଟିକେ ବଢ଼ିଥାଏ। ମାତ୍ର ୪୫ କିଲୋମିଟର ପାଇଁ ଯଦି ୩୦୦୦ ଟଙ୍କା ବିଲ୍ ଆସେ ତେବେ ଆଶ୍ଚର୍ଯ୍ୟ ହେବା ସ୍ବାଭାବିକ।
ବ୍ୟକ୍ତି ଜଣକ ଏକ୍ସପ୍ରେସ୍ରେ ଥିବା ତାଙ୍କ ଘରକୁ ଏକ ଉବର କ୍ୟାବ୍ ବୁକ୍ କରିଥିଲେ। ସେ କହିଛନ୍ତି, ସେଦିନ ପାଗ ମଧ୍ୟ ସ୍ବାଭାବିକ ଥିଲା, କିନ୍ତୁ ତାଙ୍କୁ ଉବର କ୍ୟାବ୍ରୁ ୪୫ କିଲୋମିଟର ଯାତ୍ରା ପାଇଁ ୩୦୦୦ ଟଙ୍କା ବିଲ୍ ଦେଖାଯାଇଥିଲା। ଦେବ ନାମକ ଜଣେ ୟୁଜର କହିଛନ୍ତି, ଅଗଷ୍ଟ ୫ରେ ଏହି ଯାତ୍ରା ପାଇଁ ୨,୯୩୫ ଟଙ୍କା ଭଡ଼ା ଦେଖାଯାଇଥିଲା। ବିମାନବନ୍ଦରରୁ ତାଙ୍କ ଘରର ଦୂରତା ୪୫ କିଲୋମିଟର। ତେବେ ଅନ୍ୟ କୌଣସି ଉପାୟ ନ ଥିବାରୁ ବ୍ୟକ୍ତି ଏହି ଯାତ୍ରା କରିଥିଲେ।
ସେ ଆହୁରି କହିଛନ୍ତି, ତାଙ୍କର ମୂଳ ବିଲ୍ ୧୧୪୩ ଟଙ୍କା ଥିଲା, କିନ୍ତୁ ଏହା ଉପରେ ଏକ ସର୍ଚାର୍ଜ ଲାଗୁ କରାଯାଇଥିଲା। ଉବର ତାଙ୍କୁ ଟଙ୍କା ଫେରସ୍ତ କରିବାକୁ ଏହି ଘଟଣାର ଦୃଷ୍ଟି ଦେବାକୁ ନିଶ୍ଚିତ କରିଥିଲେ, କିନ୍ତୁ ୧୦ ଦିନ ପରେ କୌଣସି ପଦକ୍ଷେପ ନିଆଯାଇ ନ ଥିଲା। ଏହି ପୋଷ୍ଟର ଜବାବରେ ଅନ୍ୟ ଲୋକ ମଧ୍ୟ ସେମାନଙ୍କ ସହିତ ଘଟିଥିବା ଘଟଣା ବିଷୟରେ କହିଥିଲେ। ଏହାପୂର୍ବରୁ ମୁମ୍ବାଇର ଜଣେ ବ୍ୟକ୍ତି ମଧ୍ୟ ଏଭଳି ଅଭିଯୋଗ କରିଥିଲେ ଯେଉଁଥିରେ ତାଙ୍କୁ ୫୦ କିଲୋମିଟର ପାଇଁ ୩୦୦୦ ଟଙ୍କା ବିଲ୍ ଆଦାୟ କରାଯାଇଥିଲା।
