ରାୟଗଡ଼ା,୨୭।୧୨(ସ୍ବ.ପ୍ର.): ରାୟଗଡ଼ା ସହରରେ ଥିବା ଏକ ହୋଟେଲ୍ରୁ ୨ ଜଣ ରୁଷ୍ ପର୍ଯ୍ୟଟକଙ୍କ ସନ୍ଦେହଜନକ ଭାବେ ମୃତଦେହ ଜବତ ହୋଇଥିଲା। ଏହି ଘଟଣାକୁ ନେଇ ସନ୍ଦେହ ବଢ଼ିବାରେ ଲାଗିଛି।
୨୨ ତାରିଖ ଭ୍ଲାଦିମର ବିଦାନୋଭ ଓ ୨୪ରେ ଆଣ୍ଟୋଭ ପାଭେଲଙ୍କ ମୃତ୍ୟୁ ହୋଇଥିଲା। ପାଭେଲ ରୁଷ୍ର ଜଣେ ପୂର୍ବତନ ଏମ୍ପି ବୋଲି ଜଣାପଡ଼ିଛି।
ଅପରପକ୍ଷରେ, ସେମାନଙ୍କ ସହିତ ଆସିଥିବା ଆଉ ଦୁଇଜଣ ପର୍ଯ୍ୟଟକ ତୁରୋଭ ମିଖାଇଲ ଓ ପାନାସେଙ୍କୋ ନତାଲିଆ ମଙ୍ଗଳବାର ଭୁବନେଶ୍ୱର ଫେରିଯାଇଛନ୍ତି। ପୋଲିସ ସେମାନଙ୍କୁ ଅତି ସୁରକ୍ଷା ଭିତରେ ରାୟଗଡ଼ା ପାରି କରାଇଛି। ଏଭଳି କି ତାଙ୍କର ଗାଇଡ୍ ଜିତେନ୍ଦ୍ର ସିଂଙ୍କ ପାଟି ମଧ୍ୟ ବନ୍ଦ କରି ଦେଇଥିଲେ। ଯେପରି କି ଜିତେନ୍ଦ୍ର ସିଂଙ୍କୁ କିଛି କହିବାକୁ ପୋଲିସ ପୂରା ମନା କରିଦେଇଛି। ପୋଲିସ ମଧ୍ୟ କିଛି ମତାମତ ଦେଇନାହିଁ। ଫଳରେ ମୃତ୍ୟୁ ନେଇ ରହସ୍ୟ ବଢ଼ିବାରେ ଲାଗିଛି। ମାତ୍ର ହୋଟେଲ ମ୍ୟାନେଜର କହିଛନ୍ତି ଯେ, ଦୁଇ ମୃତକଙ୍କୁ ଅନ୍ୟ କେହି ଭେଟି ନ ଥିଲେ। ସେମାନଙ୍କ ଭାଷା ମଧ୍ୟ ଆମେ କେହି ଜାଣି ନାହୁଁ। ଏଣେ ତୁରୋଭ ମିଖାଇଲ ମଧ୍ୟ ରୁଷିଆ ଭାଷା ଛଡ଼ା ଅନ୍ୟ କୌଣସି ଭାଷା ଜାଣି ନ ଥିବା କହି କିଛି କହିବା ପାଇଁ ମନା କରିଦେଇଛନ୍ତି।
