ନୂଆଦିଲ୍ଲୀ,୧୮।୬: ଟୋକିଓ ଅଲମ୍ପିକ୍ସ ପାଇଁ ଶୁକ୍ରବାର ଭାରତୀୟ ପୁରୁଷ ହକି ଟିମ୍ର ୧୬ଜଣିଆ ସ୍କ୍ବାଡ୍ ଘୋଷଣା କରାଯାଇଛି। ଏଥିରେ ସ୍ଥାନ ପାଇଛନ୍ତି ୨ ଓଡ଼ିଆ। ସେମାନେ ହେଲେ ବୀରେନ୍ଦ୍ର ଲାକ୍ରା ଏବଂ ଅମିତ ରୋହିଦାସ।
ଚଳିତ ଥର ଭାରତ ପାଇଁ ଅଲିମ୍ପିକ୍ସରେ ୧୦ ଖେଳାଳି ନିଜର ଡେବ୍ୟୁ କରିବେ। ବାକି ୬ ଖେଳାଳିଙ୍କ ମଧ୍ୟରେ ଗୋଲ କିପର ପିଆର ଶ୍ରୀଜେଶ, ଅଧିନାୟକ ମନପ୍ରୀତ ସିଂହ, ହରମନପ୍ରୀତ ସିଂହ, ରୁପିନ୍ଦରପାଲ ସିଂହ, ସୁରେନ୍ଦ୍ର କୁମାର ଓ ମଦଦୀପ ସିଂହ ପ୍ରମୁଖ ଅଭିଜ୍ଞ ଖେଳାଳି ଅଛନ୍ତି।
୨୦୧୬ରେ ଆଣ୍ଠୁ ଜନିତ ସମସ୍ୟା ଯୋଗୁ ବୀରେନ୍ଦ୍ର ଅଲିମ୍ପିକ୍ସ ଖେଳିପାରି ନ ଥିଲେ। ଏଥର ସେ ଡିଫେଣ୍ଡର ଭାବେ ଦଳକୁ କମ୍ବ୍ୟାକ୍ କରିଛନ୍ତି। ତାଙ୍କ ବ୍ୟତିତ ଅମିତ, ହାର୍ଦ୍ଦିକ ସିଂହ, ବିବେକ ସାଗର, ନୀଳକଣ୍ଠ ଶର୍ମା, ସୁମିତ,ଶଶମେର ସିଂହ, ଦୀଲପ୍ରୀତ ସିଂହ, ଗୁରଜନ୍ତ ସିଂହ ଓ ଲଳିତ କୁମାର ଉପାଧ୍ୟାୟ ନିଜ ନିଜର ପ୍ରଥମ ଅଲିମ୍ପିକ୍ସ ଖେଳିବେ।
Experience in the team + 🔟 Olympic debutants
The Men in Blue for #Tokyo2020 are revealed.
Read more 👉 https://t.co/TqfdxlNXGy#IndiaKaGame #HaiTayyar #StrongerTogether #HockeyInvites #WeAreTeamIndia #Hockey pic.twitter.com/U20Q2NOC2z
— Hockey India (@TheHockeyIndia) June 18, 2021
