ପ୍ୟୋଙ୍ଗୟାଙ୍ଗ,୧୯।୫: ଉତ୍ତର କୋରିଆରେ କରୋନା କାୟା ବିସ୍ତାର କରିଛି। ଗୋଟିଏ ସପ୍ତାହ ମଧ୍ୟରେ ଦେଶରେ କରୋନା ସଂକ୍ରମିତ ସଂଖ୍ୟା ପ୍ରାୟ ୨୦ ଲକ୍ଷରେ ପହଞ୍ଚିଛି। ଗତ ୨୪ ଘଣ୍ଟା ମଧ୍ୟରେ ପ୍ରାୟ ୨୬୨,୨୭୦ରୁ ଅଧିକ ନୂତନ ଆକ୍ରାନ୍ତ ଏଠାରେ ଚିହ୍ନଟ ହୋଇଛନ୍ତି। ୨୪ ଘଣ୍ଟାରେ କେବଳ ଜଣେ ରୋଗୀଙ୍କ ମୃତ୍ୟୁ ଘଟିଥିବା ଉତ୍ତର କୋରିଆର ଆଣ୍ଟି-ଭାଇରସ ମୁଖ୍ୟାଳୟ ପକ୍ଷରୁ ସୂଚନା ଦିଆଯାଇଛି। ଫଳରେ ମୋଟ ମୃତ୍ୟୁ ସଂଖ୍ୟା ୬୩କୁ ବୃଦ୍ଧି ପାଇଛି।
ଉତ୍ତର କୋରିଆରେ ପ୍ରତ୍ୟେକ ଦିନ ଲକ୍ଷାଧିକ କରୋନା ଆକ୍ରାନ୍ତ ଚିହ୍ନଟ ହେଉଥିଲେ ମଧ୍ୟ ମୃତ୍ୟୁ ସଂଖ୍ୟା ତୁଳନାତ୍ମକ ଭାବରେ ବହୁତ କମ ରହିଛି। ଏହାକୁ ନେଇ ବିଶ୍ୱର ଅନେକ କରୋନା ବିଶେଷଜ୍ଞମାନେ ରିପୋର୍ଟକୁ ନେଇ ସନ୍ଦେହ କରୁଛନ୍ତି। ଉତ୍ତର କୋରିଆର ଏବେ ଅତି କମରେ ୭୪୦,୧୬୦ ଲୋକ କ୍ୱାରାଣ୍ଟାଇନ୍ରେ ଅଛନ୍ତି।
