କଟକ,୧୯।୩(ଶିଳ୍ପା ପ୍ରିୟଦର୍ଶିନୀ): ଏସ୍ସିବି ମେଡିକାଲରେ ଗୁରୁତର ହୋଇ ଭର୍ତ୍ତି ହେଲେ ବାଲେଶ୍ୱର ଜିଲାର ଦୁଇ ବନ କର୍ମଚାରୀ । ସୋମବାର ବିଳମ୍ବିତ ରାତିରେ ପଞ୍ଚଲିଙ୍ଗେଶର ଅଭୟାରଣ୍ୟରେ ପାଟ୍ରୋଲିଂ କରିବା ସମୟରେ ଶିକାରୀ ଗୁଳି ଚଳାଇଥିଲେ । ଗୁଳି ଦୁଇ ବନ କର୍ମଚାରୀଙ୍କୁ ଗୋଡ଼ରେ ବାଜିଥିବାବେଳେ ପ୍ରଥମେ ତାଙ୍କୁ ବାଲେଶ୍ୱର ମୁଖ୍ୟଚିକିତ୍ସାଳୟ ପଠାଯାଇ ଚିକିତ୍ସା କରାଯାଇଥିଲା । ହେଲେ ଅବସ୍ଥା ଗୁରୁତର ହେବାରୁ ତାଙ୍କୁ ସୋମବାର ବିଳମ୍ବିତ ରାତିରେ ଏସସିବି ମେଡିକାଲ ସ୍ଥାନାନ୍ତର କରାଯାଇଛି । ଏସସିବି କାଜୁଆଲଟିରେ ଦୁଇ ବନ କର୍ମଚାରୀଙ୍କୁ ଭର୍ତ୍ତି କରାଯାଇ ପ୍ରାଥମକି ଚିକିତ୍ସା କରାଯିବା ପରେ ସର୍ଜରୀ ବିଭାଗକୁ ସ୍ଥାନାନ୍ତର କରାଯାଇଛି । ସେଠାରେ ଜଣେ ବନ କର୍ମଚାରୀଙ୍କ ଗୋଡ଼ରୁ ଗୁଳି କଢ଼ା ଯାଇଥିବାବେଳେ ଅନ୍ୟଜଣଙ୍କ ଗୋଡ଼ରେ ଗୁଳି କଢ଼ାଯାଇ ନାହିଁ । ଚିକିତ୍ସା ନେଇ ସର୍ଜରୀ ଓ ଅର୍ଥପେଡିକ ବିଭାଗର ଡାକ୍ତର ନିୟୋଜିତ ରହିଥିବା ମେଡିକାଲ ପକ୍ଷରୁ ସୂଚନା ରହିଛି । ଏ ନେଇ ଏସସିବି ମେଡିକାଲ ପ୍ରଶାସନିକ ଅଧିକାରୀ ଡ଼. ଅବିନାଶ ରାଉତ ସୂଚନା ଦେଇ କହିଛନ୍ତି ଯେ, ଦୁଇ ବନ କର୍ମଚାରୀଙ୍କ ମଧ୍ୟରୁ ଜଣଙ୍କ ଗୋଡ଼ରେ ଗୁଳି କଢ଼ା ଯାଇ ନାହିଁ। ସମସ୍ତ ପରୀକ୍ଷା ନିରୀକ୍ଷା କରାଯାଇଛି । ଏହାସହ ସର୍ଜରୀ ବିଭାଗରେ ସପ୍ତମ ୟୁନିଟରେ ଡା. ସସ୍ମିତା ସେଠୀଙ୍କ ନେତୃତ୍ୱରେ ଭର୍ତ୍ତି କରାଯାଇ ଚିକିତ୍ସା ଜାରି ରହିଛି । ବିଭାଗୀୟ ମୁଖ୍ୟଙ୍କ ସହ ଆଲୋଚନା କରାଯାଇ ଗୁଳି କାଯିବ । ଦୁଇ ବନ କର୍ମଚାରୀଙ୍କୁ ସ୍ବାସ୍ଥ୍ୟବସ୍ଥାସ୍ଥିର ରହିଥିବା ରାଉତ କହିଛନ୍ତ।
