ଷ୍ଟ୍ରାଇପ୍, ପୋଲ୍କା ଡଟ୍, ଆନିମଲ ପ୍ରିଣ୍ଟ, ଫ୍ଲୋରାଲ ପ୍ରିଣ୍ଟ ଭଳି ପ୍ୟାଟର୍ନର ପୋଷାକ ତ ସମସ୍ତେ ପିନ୍ଧନ୍ତି। ହେଲେ କାର୍ଟୁନ୍ ପ୍ରିଣ୍ଟର ପୋଷାକ ବହୁତ କମ୍ ପିନ୍ଧନ୍ତି। ଖାଲି ପୋଷାକ ନୁହେଁ ଏହି ପ୍ରିଣ୍ଟର ଫ୍ୟାଶନେବଲ ଆସେସରୀଜ୍ ବି ମିଳୁଛି। ଏହି ପ୍ରିଣ୍ଟକୁ ଟ୍ରାଏ କରନ୍ତୁ ଆଉ ଦେଖନ୍ତୁ ଲୁକ୍ କେମିତି ଖାସ୍ ଲାଗିବ….
ଟି-ସର୍ଟ: କାଜୁଆଲ ଲୁକ୍ରେ କାର୍ଟୁନ୍ ପ୍ରିଣ୍ଟକୁ ଷ୍ଟାଇଲ୍ କରିବାକୁ ଚାହୁଁଥିଲେ କାର୍ଟୁନ ପ୍ରିଣ୍ଟ ଟି-ସର୍ଟ ଆପଣେଇପାରିବେ। ଏହା ବହୁତ କମ୍ଫର୍ଟେବୁଲ ଓ ଷ୍ଟାଇଲିଶ୍ ଆଉଟ୍ଫିଟ୍ ଅଟେ। କାର୍ଟୁନ ପ୍ରିଣ୍ଟ ଟି-ସର୍ଟ ସହ ଶର୍ଟସ୍, ଜିନ୍ସ କିମ୍ବା ସ୍କର୍ଟକୁ ପେୟାର କରିପାରିବେ। ଏହି ଲୁକ୍ ସହ ହିଲ୍ସ ଭଲ ଲାଗେ। ଯଦି କମ୍ଫର୍ଟେବଲ ଓ ସ୍ପୋର୍ଟି ଲୁକ୍ ଚାହାନ୍ତି ତେବେ ସ୍ନିକର୍ ପିନ୍ଧିପାରିବେ।
ସାର୍ଟ: କାର୍ଟୁନ ପ୍ରିଣ୍ଟ ଟି-ସର୍ଟ ଭଳି କାର୍ଟୁନ୍ ପ୍ରିଣ୍ଟ ସାର୍ଟ ଷ୍ଟନିଂ ଲୁକ୍ ଦେଇଥାଏ। କହିବାକୁ ଗଲେ ଏହି ପ୍ରିଣ୍ଟର ସାର୍ଟ ଅଧିକ ଷ୍ଟାଇଲିଶ୍ ଲୁକ୍ ଦିଏ। ଆଉ ଦିନ ବେଳା ଆଉଟିଂ ପାଇଁ ଯାଉଥିଲେ ଫନ୍ ଲୁକ୍ ପାଇଁ କାର୍ଟୁନ ସାର୍ଟ ଟ୍ରାଏ କରିପାରିବେ। ଚାହିଁଲେ ସାର୍ଟର ତଳଭାଗକୁ ବାନ୍ଧି ନଟେଡ୍ ଲୁକ୍ ବି ଦେଇପାରିବେ। ଏହିଭଳି ସାର୍ଟ ସହ ଜିନ୍ସ କିମ୍ବା ରିପ୍୍ଡ ଜିନ୍ସ ପିନ୍ଧିପାରିବେ।
ଶାଢି: ପାରମ୍ପରିକ ଶାଢି ପିନ୍ଧି ବୋର୍ ହୋଇଯାଇଥିଲେ କାର୍ଟୁନ ପ୍ରିଣ୍ଟ ଶାଢି ଟ୍ରାଏ କରନ୍ତୁ। ଆଜିକାଲି ବିଭିନ୍ନ କଲର୍ ଓ ଷ୍ଟାଇଲ୍ର କାର୍ଟୁନ ପ୍ରିଣ୍ଟ ଶାଢି ଉପଲବ୍ଧ ହେଉଛି। ଯାହାକୁ କ୍ୟାରି କରି ଆପଣ ନିଜର ଲୁକ୍ ଖାସ୍ କରିପାରିବେ।ତେବେ କାର୍ଟୁନ ପ୍ରିଣ୍ଟ ଶାଢି ସହ ପ୍ଲେନ୍ ବ୍ଲାଉଜ୍ ପିନ୍ଧିବା ଭଲ। ଯଦ୍ୱାରା ଆପଣଙ୍କ ଶାଢି ଲୁକ୍ ଅଧିକ ସୁନ୍ଦର ଲାଗିବ। ଏମିତି ବି କରିପାରିବେ ଯଦି ପ୍ଲେନ୍ ଶାଢି ପିନ୍ଧୁଛନ୍ତି ତେବେ କାର୍ଟୁନ ପ୍ରିଣ୍ଟର ବ୍ଲାଉଜ୍ ପେୟାର୍ କରିପାରିବେ।
କାର୍ଟୁନ ପ୍ରିଣ୍ଟ ନାଇଟ୍ ଡ୍ରେସ୍: ଯଦି ଆପଣଙ୍କୁ କାର୍ଟୁନ୍ ପସନ୍ଦ କିନ୍ତୁ ତାକୁ ବାହାରକୁ ପିନ୍ଧି ଯିବାରେ କମ୍ଫର୍ଟେବୁଲ ଫିଲ୍ କରୁ ନାହାନ୍ତି ତେବେ ଘରେ କାର୍ଟୁନ୍ ପ୍ରିଣ୍ଟର ନାଇଟ୍ ସୁଟ୍, ନାଇଟ୍ ଡ୍ରେସ୍ ପିନ୍ଧିପାରିବେ। ଏହା ଯେତିକି କମ୍ଫର୍ଟେବୁଲ ସେତିକି କ୍ୟୁଟ୍ ଲୁକ୍ ବି ଦିଏ।
ଡଙ୍ଗରୀ: ଡଙ୍ଗରୀ ଷ୍ଟାଇଲ୍ ଡ୍ରେସ୍ ଅନେକଙ୍କୁ ପସନ୍ଦ ଥାଏ। ଏହା କମ୍ଫର୍ଟେବୁଲ ସହ କ୍ୟୁଟ୍ ଲୁକ୍ ବି ଦିଏ। ଆଉ ଯଦି କାର୍ଟୁନ ପ୍ରିଣ୍ଟର ଡଙ୍ଗରୀ ପିନ୍ଧିବେ ତେବେ ଲୁକ୍ ଆହୁରି ଖାସ୍ ଲାଗିବ।
ଆସେସରୀଜ୍: ଜରୁରୀ ନୁହେଁ କି ଆପଣ କେବଳ ଆଉଟ୍ ଫିଟ୍ରେ ହିଁ କାର୍ଟୁନ ପ୍ରିଣ୍ଟ କ୍ୟାରୀ କରିବେ। ଏହାକୁ ଆପଣ ଆସେସରୀଜ୍ ଭାବେ ମଧ୍ୟ କ୍ୟାରି କରିପାରିବେ। ଯେମିତିକି କାର୍ଟୁନ୍ ପ୍ରିଣ୍ଟ ଥିବା ହ୍ୟାଣ୍ଡ ବ୍ୟାଗ୍, ହେୟାର୍ ପିନ୍, ହେଡବ୍ୟାଣ୍ଡ ଓ ଓ୍ବାଚ୍ ବ୍ୟବହାର କରି ଲୁକ୍କୁ ଖାସ୍ କରିପାରିବେ।
