ଓ୍ବାଶିଂଟନ,୨୬।୫:ରୁଷିଆ ପୁଣି ଥରେ ୟୁକ୍ରେନକୁ ଟାର୍ଗେଟ କରିଛି। ଏପର୍ଯ୍ୟନ୍ତ ସବୁଠାରୁ ବଡ଼ ବିମାନ ଆକ୍ରମଣରେ ଏହା ମିଶାଇଲ୍ ଏବଂ ଡ୍ରୋନ ବ୍ୟବହାର କରି ଆକ୍ରମଣ କରିଛି। ଏହି ପ୍ରସଙ୍ଗରେ ଆମେରିକା ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ ପ୍ରତିକ୍ରିୟା ଦେଇଛନ୍ତି। ଟ୍ରମ୍ପ ରୁଷିଆ ରାଷ୍ଟ୍ରପତି ଭ୍ଲାଦିମିର ପୁଟିନଙ୍କ ଉପରେ ରାଗିଥିବା ନଜର ଆସିଛନ୍ତି। ସେ କଠୋର ଭାବରେ କହିଲେଳ ମୁଁ ପୁଟିନଙ୍କ ଉପରେ ଖୁସି ନାହିଁ। ରିପୋର୍ଟ ଅନୁସାରେ, ରୁଷିଆ ୟୁକ୍ରେନର ଅନେକ ସ୍ଥାନରେ ା ମିଶାଇଲ୍ ମାଡ଼ କରିଛି। ଏଥିରେ ୩୬୭ଟି ଡ୍ରୋନ ଏବଂ ମିଶାଇଲ୍ ବ୍ୟବହାର କରାଯାଇଛି।
ୟୁକ୍ରେନ ବିରୋଧରେ ରୁଷିଆର କାର୍ଯ୍ୟାନୁଷ୍ଠାନ ଉପରେ ଟ୍ରମ୍ପ ପ୍ରତିକ୍ରିୟା ଦେଇଥିଲେ। ମୁଁ ପୁଟିନଙ୍କ ଉପରେ ଆଦୌ ଖୁସି ନୁହେଁ। ଲୋକଙ୍କୁ ହତ୍ୟା କରାଯାଉଛି। ମୁଁ ତାଙ୍କୁ ବହୁତ ଦିନ ଧରି ଜାଣିଛି। ଆମର ଭଲ ସମ୍ପର୍କ ଥିଲା, କିନ୍ତୁ ଏବେ ସେମାନେ ରକେଟ ମାଡ଼ କରୁଛନ୍ତି। ମୁଁ ଏହାକୁ ଆଦୌ ପସନ୍ଦ କରେ ନାହିଁ। ସେ ଜଣେ ପାଗଳ ଲୋକ। ଏହା ଠିକ ନୁହେଁ ବୋଲି ଟ୍ରମ୍ପ କହିଛନ୍ତି। ଟ୍ରମ୍ପ ପୁଟିନଙ୍କ ପାଇଁ ‘ହ୍ବାଟ ଦି ହେଲ’ ଭଳି ଶବ୍ଦ ମଧ୍ୟ ବ୍ୟବହାର କରିଥିଲେ।
ୟୁକ୍ରେନରେ ହୋଇଥିବା ବିମାନ ଆକ୍ରମଣରେ ଅତି କମରେ ୧୨ ଜଣଙ୍କର ମୃତ୍ୟୁ ହୋଇଛି। ରୁଷିଆ ଆକ୍ରମଣ ପାଇଁ ୨୯୮ ଡ୍ରୋନ ଏବଂ ୬୯ ମିଶାଇଲ୍ ବ୍ୟବହାର କରିଥିଲା। ଏହାକୁ ନେଇ ସମଗ୍ର ୟୁକ୍ରେନରେ ଆତଙ୍କର ବାତାବରଣ ରହିଛି। ଏହାର ଅନେକ ଅଞ୍ଚଳରେ ଧ୍ୱଂସ ଘଟିଛି। ୟୁକ୍ରେନୀୟ ବାୟୁସେନା ଅନୁଯାୟୀ, ସେମାନେ ୪୫ଟି ମିଶାଇଲ୍ ଖସାଇ ଦେଇଛନ୍ତି। ୨୬୬ଟି ଡ୍ରୋନ ମଧ୍ୟ ନଷ୍ଟ କରାଯାଇଛି। କିଭ ସହର ବହୁତ କ୍ଷତି ସହିଛି। ରୁଷିଆ ପୂର୍ବରୁ ମଧ୍ୟ ୟୁକ୍ରେନକୁ ଟାର୍ଗେଟ କରିଥିଲା। ଏହି ଦୁଇଜଣଙ୍କ ମଧ୍ୟରେ ଚାଲିଥିବା ଯୁଦ୍ଧ ଏପର୍ଯ୍ୟନ୍ତ ଶେଷ ହୋଇନାହିଁ।
ଟ୍ରମ୍ପ ସୋସିଆଲ ମିଡିଆ ମାଧ୍ୟମରେ ୟୁକ୍ରେନ ରାଷ୍ଟ୍ରପତି ଭୋଲୋଡିମିର ଜେଲେନ୍ସକିଙ୍କୁ ମଧ୍ୟ ଟାର୍ଗେଟ କରିଥିଲେ। ସୋସିଆଲ ମିଡିଆରେ ଶେୟାର କରାଯାଇଥିବା ଏକ ପୋଷ୍ଟରେ ଟ୍ରମ୍ପ ଲେଖିଛନ୍ତି, ଜେଲେନସ୍କିଙ୍କ ଆଲୋଚନା କରିବାର ଉପାୟ ଦେଶର କୌଣସି ମଙ୍ଗଳ କରିପାରିବ ନାହିଁ। ତାଙ୍କ ମୁହଁରୁ ଯାହା ବାହାରୁଛି ତାହା ସବୁ ସମସ୍ୟା ସୃଷ୍ଟି କରୁଛି। ମୁଁ ଭାବୁନାହିଁ ଏହା ଠିକ। ଏହାକୁ ବନ୍ଦ କରାଯିବା ଉଚିତ।
