ଓ୍ବାଶିଂଟନ,୯ା୧୧: ଆମେରିକାର ନିର୍ବାଚିତ ରାଷ୍ଟ୍ରପତି ଡୋନାଲ୍ଡ ଟ୍ରମ୍ପ୍ ହ୍ବାଇଟ୍ ହାଉସ୍ର ଚିଫ୍ ଅଫ୍ ଷ୍ଟାଫ୍ ଭାବେ ସୁସି ଓ୍ବିଲ୍ସଙ୍କୁ ମନୋନୀତ କରିଛନ୍ତି। ଟ୍ରମ୍ପ୍ଙ୍କ ପ୍ରଚାରର ସଫଳ ପରିଚାଳନା କରିଥିଲେ ସୁସି। ସେ ଟ୍ରମ୍ପ୍ଙ୍କର ଘନିଷ୍ଠ ହୋଇଥିବାବେଳେ ଅତ୍ୟନ୍ତ ଶୃଙ୍ଖଳିତ ଏବଂ ଖୁବ୍ ଭଲ ଭାବେ ପ୍ରଚାର ପରିଚାଳନା କରିଥିଲେ। ବୁଧବାର ଟ୍ରମ୍ପ୍ ନିଜର ବିଜୟକୁ ସେଲିବ୍ରେଟ କରୁଥିବାବେଳେ ସୁସି ନିଜକୁ ଦୂରେଇ ରଖିବା ସହ ମାଇକରେ କିଛି କହିବାକୁ ମନା କରିଦେଇଥିଲେ। ସେ ବେଶ୍ ଦୃଢ଼ମନା, ସ୍ମାର୍ଟ ଏବଂ ଇନୋଭେଟିଭ୍ ହୋଇଥିବାବେଳେ ସମସ୍ତେ ତାଙ୍କୁ ପ୍ରଶଂସା ଓ ସମ୍ମାନ କରିଥାନ୍ତି। ଆମେରିକାକୁ ପୁଣିଥରେ ମହାନ୍ କରିବା ଦିଗରେ ସେ ଅକ୍ଳାନ୍ତ ଉଦ୍ୟମ ଜାରି ରଖିବେ ବୋଲି କହିଛନ୍ତି। ସେ ଆମେରିକା ଇତିହାସରେ ପ୍ରଥମ ମହିଳା ଚିଫ୍ ଅଫ୍ ଷ୍ଟାଫ୍ ହେବାକୁ ଯାଉଛନ୍ତି। ସେ ଆମ ଦେଶକୁ ଗର୍ବିତ କରିବେ ଏଥିରେ ତିଳେମାତ୍ର ସନ୍ଦେହ ନାହିଁ ବୋଲି ଟ୍ରମ୍ପ୍ କହିଛନ୍ତି।
