ମୁମ୍ବାଇ: ବଲିଉଡ୍ ଅଭିନେତ୍ରୀ ସନ୍ନି ଲିଓନି ତାଙ୍କ ବୋଲ୍ଡ୍ ଲୁକ୍ ପାଇଁ ସେ ବେଶ୍ ଜଣାଶୁଣା। ତାଙ୍କର ଏକ ଝଲକ ପାଇଁ ଫ୍ୟାନ୍ସମାନେ ଦିୱାନା ହୋଇଥାନ୍ତି। ଅଧିକାଂଶ ସମୟ ସେ ସୋସିଆଲ ମିଡିଆରେ ସକ୍ରିୟ ରୁହନ୍ତି। ସନ୍ନି ଇନ୍ଷ୍ଟାଗ୍ରାମ୍ରେ ଏକ ଭିଡିଓ ଶେୟାର କରି ଟ୍ରୋଲ୍ ହୋଇଛନ୍ତି। ଭିଡିଓରେ ସେ ଶଙ୍ଖ ଫୁଙ୍କୁଥିବାର ଦେଖିବାକୁ ମିଳିଛି। ଅନେକ ଚେଷ୍ଟା ପରେ ମଧ୍ୟ ସେ ଶଙ୍ଖ ଫୁଙ୍କିବାରେ ବିଫଳ ହେଉଛନ୍ତି। ଏଥିରେ ସେ ହସୁଥିବା ନଜରକୁ ଆସିଛନ୍ତି। ତାଙ୍କ ପଛରେ ଥିବା ଲୋକେ ମଧ୍ୟ ହସିବାକୁ ଲାଗୁଛନ୍ତି। ସନ୍ନି ଏପରି ଭିଡିଓ ଶେୟାର କରି କ୍ୟାପ୍ସନରେ ଲେଖିଛନ୍ତି, ‘ମୁଁ ଯେପରି ଭାବିଥିଲି, ସେପରି ହେଲାନାହିଁ। ମୋତେ ଶିଖିବାକୁ ପଡ଼ିବ।’ ଏହାକୁ ନେଇ ଅନେକ ୟୁଜର୍ସ ତିକ୍ତ ପ୍ରତିକ୍ରିୟା ରଖିଛନ୍ତି। ଜଣେ ୟୁଜର୍ସ ଲେଖିଛନ୍ତି, ‘ଆମେ ଶଙ୍ଖକୁ ପୂଜା କରୁ। ତେଣୁ ଶ୍ରଦ୍ଧା ଓ ବିଶ୍ୱାସର ସହ ଏହାକୁ ବଜେଇବାକୁ ପଡ଼େ। ଏଥିରେ ହସିବା ଉଚିତ୍ ନୁହେଁ। ଏପରି କରିବା ଶଙ୍ଖ ପ୍ରତି ଅପମାନ।’
