ଏମିତି ଅନେକ ରେଳପଥ ଅଛି ଯାହା ତାର ସୌନ୍ଦର୍ଯ୍ୟ ପାଇଁ ବେଶ୍ ଚର୍ଚ୍ଚିତ ଥାଏ। ସେଥିମଧ୍ୟରେ ଗୋଟିଏ ହେଉଛି ଆର୍ଜେଣ୍ଟିନାର ସାଲ୍ଟା ରେଳପଥ। ଏହି ରେଳପଥର ବିଶେଷତ୍ୱ ହେଉଛି ଯେ, ଏହା ସବୁଠାରୁ ଉଚ୍ଚତମ ରେଳପଥ ମଧ୍ୟରେ ଅନ୍ୟତମ। ଆଉ ଏହା ବାଦଲ ମଧ୍ୟ ଦେଇ ଯାଇଥାଏ। ଅର୍ଥାତ୍ ଯେଉଁମାନେ ଏହି ରେଳମାର୍ଗ ଦେଇ ଯାଆନ୍ତି ସେମାନେ ବାଦଲ ଭିତର ଦେଇ ଯାତ୍ରା କରନ୍ତି। ଫଳରେ ଯାତ୍ରା ବେଶ୍ ରୋମାଞ୍ଚକର ଲାଗେ। ଘନ ବାଦଲକୁ ଚିରି ଗଲାବେଳେ ତ ଭିନ୍ନ ଏକ ଦୁନିଆକୁ ଆସିଗଲା ପରି ଅନୁଭୂତ ହୁଏ। ସମୁଦ୍ର ପତନଠାରୁ ଏହି ରେଳମାର୍ଗ ୪୦୦୦ ମିଟର ଉଚ୍ଚତାରେ ଅଛି। ଆଉ ଏହା ଆଣ୍ଡିଜ ପର୍ବତମାଳା ମଧ୍ୟ ଦେଇ ଯାଇଛି। ଏହି ରେଳପଥ ଦେଇ ଗୋଟିଏ ଟ୍ରେନ ଯାଏ, ଯାହାର ନାମ ହେଉଛି ‘ଟ୍ରେନ ଟୁ ଦ କ୍ଲାଉଡ’। ଯାତ୍ରୀମାନେ ଏହି ଟ୍ରେନରେ ଘନ ବାଦଲକୁ ଚିରି ଯାତ୍ରା କଲାବେଳେ ଏକ ସ୍ବର୍ଗୀୟ ଅନୁଭୂତି ପାଇଥାନ୍ତି। ୨୧୭ କି.ମି.ର ଏହି ରେଳମାର୍ଗକୁ ଅତିକ୍ରମ କରିବା ଲାଗି ୧୬ ଘଣ୍ଟା ସମୟ ଲାଗିଥାଏ। ଏହି ରେଳମାର୍ଗରେ ୨୯ଟି ପୋଲ, ୨୧ଟି ଟନେଲ୍ ରହିଛି। ୧୯୨୦ରେ ଉକ୍ତ ରେଳମାର୍ଗର ନିର୍ମାଣ ହୋଇଥିଲା। ଏହି ପ୍ରୋଜେକ୍ଟର ମୁଖ୍ୟ ଥିଲେ ଆମେରିକାର ଇଞ୍ଜିନିୟର ରିଚାର୍ଡ ଫୋଣ୍ଟେନ ମରେ। ପ୍ରତିବର୍ଷ ଅନେକ ପର୍ଯ୍ୟଟକ ଆସନ୍ତି ଏହି ରେଳମାର୍ଗରେ ଯାତ୍ରା କରିବାର ମଜା ଉଠାଇବା ଲାଗି।
