ବାରଙ୍ଗ,୧ା୨(ଡି.ଏନ୍.ଏ.): ପ୍ରାଣୀ ଉଦ୍ୟାନ ନନ୍ଦନକାନନରେ କେବଳ ରବିବାରରେ ପର୍ଯ୍ୟଟକମାନଙ୍କ ସଂଖ୍ୟା ବଢୁଥିବାର ଲକ୍ଷ୍ୟ କରାଯାଉଥିବାବେଳେ ଏହି ରବିବାର ପର୍ଯ୍ୟଟକ ସଂଖ୍ୟା କମିଯାଇଛି। ଗତ ୨୪ତାରିଖ ରବିବାରଠାରୁ ମାସ ଶେଷ ୩୧ତାରିଖ ରବିବାରରେ ନନ୍ଦନକାନନରେ ପର୍ଯ୍ୟଟକ ମାନଙ୍କ ସଂଖ୍ୟା ତୁଳନାତ୍ମକ ଭାବେ କମିଥିବାବେଳେ ବଟାନିକାଲ ଗାର୍ଡେନରେ ପର୍ଯ୍ୟଟକ ସଂଖ୍ୟା ବଢିଛି। ରବିବାର ନନ୍ଦନକାନନକୁ ୧୩ହଜାର ୫୩୧ ଜଣ ପର୍ଯ୍ୟଟକ ବୁଲିବାକୁ ଆସିଥିବାବେଳେ ସେମାନଙ୍କ ମଧ୍ୟରୁ ୨୬୬ଜଣ ଅନଲାଇନରେ ପ୍ରବେଶ ଟିକେଟ କାଟିଥିଲେ। ସେହିଭଳ ଭାବେ ବଟାନିକାଲ ଗାର୍ଡେନକୁ ରବିବାର ୩୨୦୧ଜଣ ପର୍ଯ୍ୟଟକ ବୁଲିବାକୁ ଆସିଥିବାର ନନ୍ଦନକାନନ ଉପ ନିର୍ଦ୍ଦେଶକ ବିମଳ ପ୍ରସନ୍ନ ଆଚାର୍ଯ୍ୟ କହିଛନ୍ତି। ତେବେ ନନ୍ଦନକାନନକୁ ଗତ ରବିବାର ଠାରୁ ୧୩୭୬ଜଣ ପର୍ଯ୍ୟଟକ କମ ଆସିଥିବାବେଳେ ବଟାନିକାଲ ଗାର୍ଡେନକୁ ୫୦ଜଣ ପର୍ଯ୍ୟଟକ ଅଧିକ ଆସିଛନ୍ତି। ତେବେ ୨୪ତାରିଖ ରବିବାରରେ ନନ୍ଦନକାନନକୁ ୧୪ହଜାରେ ୯୦୭ଜଣ ପର୍ଯ୍ୟଟକ ଆସିଥିବାବେଳେ ବଟାନିକାଲ ଗାର୍ଡେନକୁ ୩୧୫୧ଜଣ ପର୍ଯ୍ୟଟକ ଆସିଥିଲେ।
