ଭୁବନେଶ୍ୱର,୧୮।୧୦:ରାଜ୍ୟର ପ୍ରମୁଖ ଘରୋଇ ଚିକିତ୍ସାଳୟ ‘ସ୍ପର୍ଶ ହସ୍ପିଟାଲ’ ପକ୍ଷରୁ ବିଶ୍ୱ ସ୍ତନ କର୍କଟ ସଚେତନତା ମାସ ପରିପ୍ରେକ୍ଷୀରେ ‘ୱିନର୍ସ ଅଫ୍ ଲାଇଫ୍’ ଶୀର୍ଷକ ଏକ କର୍ମଶାଳା ଓ ସଚେତନତା ଉତ୍ସବର ଆୟୋଜନ କରାଯାଇଥିଲା। ଉକ୍ତ କାର୍ଯ୍ୟକ୍ରମର ଥିମ୍ ‘ଗିଭ୍ ହୋପ୍, ସେଭ୍ ଲାଇଫ’ ରଖାଯାଇଥିଲା। ଏହି ପରିପ୍ରେକ୍ଷୀରେ ସ୍ପର୍ଶ ହସ୍ପିଟାଲ୍ର କାର୍ଯ୍ୟ ନିର୍ବାହୀ ନିର୍ଦ୍ଦେଶକ ତଥା କର୍କଟ ବିଶେଷଜ୍ଞ ପ୍ରଫେସର ଡା. ଘନଶ୍ୟାମ ବିଶ୍ୱାସ, କର୍କଟ ଶଲ୍ୟ ଚିକିତ୍ସକ ଡା. ଦୀପକ ରାଉତ୍ରାୟ, କର୍କଟ ଶଲ୍ୟ ଚିକିତ୍ସକ ତଥା ଲାପାରାସ୍କୋପିକ୍ ଏବଂ ବାରିଆଟ୍ରିକ୍ ଚିକିତ୍ସକ ଡା. ମାଧୁରୀ ପଟ୍ଟନାୟକ, କର୍କଟ ଚିକିତ୍ସକ ଡା. ଗଣେଶ ସୁବୁଦ୍ଧି, ହସ୍ପିଟାଲ୍ ଅଧୀକ୍ଷକ ଡା.(ମେଜର) ନାରାୟଣ ମିଶ୍ର ଯୋଗ ଦେଇ ସ୍ତନ କର୍କଟ ସମ୍ପର୍କରେ ବିସ୍ତୃତ ମତ ପ୍ରକାଶ କରିଥିଲେ। ଉକ୍ତ କାର୍ଯ୍ୟକ୍ରମରେ ସ୍ପର୍ଶ ହସ୍ିଟାଲ୍ର ଡା.ସ୍ବେତଲିନା ପରିଜା, ଡା. ଦେବାଶିଷ ଦାସ ପରିଚାଳନା କରିଥିଲେ ଏବଂ କର୍କଟ ରୋଗୀମାନଙ୍କୁ ସ୍ପର୍ଶ ହସ୍ପିଟାଲ୍ ପକ୍ଷରୁ ସମ୍ବର୍ଦ୍ଧିତ କରାଯାଇଥିଲା। ସ୍ବାସ୍ଥ୍ୟଭୂମିର ଅଧକ୍ଷ ସୁବ୍ରତ ବିଶ୍ୱାସ ଥର୍ମାଲ ମାମୋଗ୍ରାଫି କାର୍ଯ୍ୟଶଳୀ ଉପରେ କର୍କଟ ରୋଗୀମାନଙ୍କୁ ସଚେତନ କରାଇବା ସହ ଭୁବନେଶ୍ୱର କ୍ୱିଉନ୍ ଲେଡ଼ିଜ୍ ସରକଲ୍ର ଅମ୍ରିତା କେଡ଼ିଆ, ଲାଇଅନସ୍ ମିନତୀ ବେହେରା କ୍ୟାନସ୍ର ଫାଉଣ୍ଡେସନର ସଭାଧ୍ୟକ୍ଷ ତଥା ସମ୍ପାଦକ ଶୁୁଚିସ୍ମିତା ପୃଷ୍ଟି, କ୍ରିୟା ଫାଉଣ୍ଡେସନ୍ର ଅଧକ୍ଷ ଲିଲି ଜେନାମଣି ପ୍ରମୁଖ ଉପସ୍ଥିତ ରହି ରୋଗୀମାନଙ୍କୁ ସଚେତନ କରାଇଥିଲେ।
