ମୁମ୍ବାଇ, ୯।୪ : ଆଇପିଏଲ୍ ସିଜିନ୍ର ୧୫ ତମ ସଂସ୍କରଣରେ ୧୭ତମ ମ୍ୟାଚ୍ରେ ଶନିବାର ଚେନ୍ନାଇ ସୁପର କିଙ୍ଗ୍ସ (ସିଏସ୍କେ) ବିପକ୍ଷରେ ସନରାଇଜର୍ସ (ଏସ୍ଆର୍ଏଚ୍) ଜିତି ପ୍ରଥମେ ବୋଲିଂ କରିବାକୁ ନିଷ୍ପତ୍ତି ନେଇଛି। ମହାରାଷ୍ଟ୍ର ନଭି ମୁମ୍ବାଇର ଡି.ଓ୍ବାଇ, ପାଟିଲ ସ୍ପୋର୍ଟସ୍ ଷ୍ଟାଡିୟମ୍ରେ ଖେଳାଯାଉଥିବା ଏହି ମ୍ୟାଚ୍ରେ ଏସ୍ଆର୍ଏଚ୍ ଅଧିନାୟକ କେନ୍ ଓ୍ବିଲିୟମସନ୍ ଟସ ଜିତିଛନ୍ତି। ସେ ବୋଲିଂ କରିବାକୁ ନିଷ୍ପତ୍ତି ନେଇଛନ୍ତି।
ସିଏସ୍କେ ଅଧିନାୟକ ରବିନ୍ଦ୍ର ଜାଡ଼େଜା ବ୍ୟାଟିଂ କରିବାକୁ ପଡ଼ିଆ ଓହ୍ଲାଇଛନ୍ତି।
ଚେନ୍ନାଇ ସୁପର କିଙ୍ଗ୍ସରେ ରବିନ ଉଥାପ୍ପା, ରିତୁରାଜ ଗାଇକ୍ୱାଡ, ମୋଇନ ଅଲି, ଅମ୍ବାତି ରାୟଡୁ, ରବିନ୍ଦ୍ର ଜାଡେଜା (କ୍ୟାପଟେନ), ଶିବମ ଦୁବେ, ଏମ.ଏସ ଧୋନି (ଓ୍ବିକଟ କିପର), ଡୱେନ ବ୍ରାଭୋ, କ୍ରିସ ଜୋର୍ଡାନ, ମହେଶ ଥେକ୍ଷାନା, ମୁକେଶ ଚୌଧୁରୀ ପ୍ରମୁଖ ଖେଳୁଛନ୍ତି।
ସେହିପରି ସନରାଇଜର୍ସ ହାଇଦ୍ରାବାଦରେ ଅଭିଷେକ ଶର୍ମା, କେନ ୱିଲିୟମସନ (ଅଧିନାୟକ), ରାହୁଲ ତ୍ରିପାଠୀ, ଆଡେନ ମାର୍କ୍ରାମ, ନିକୋଲାସ ପୁରାନ (ଓ୍ବିକେଟ କିପର), ଶଶାଙ୍କ ସିଂ, ୱାଶିଂଟନ ସୁନ୍ଦର, ଭୁବନେଶ୍ୱର କୁମାର, ମାର୍କୋ ୟାନସେନ, ଉମ୍ରାନ ମଲିକ, ଟି ନଟରାଜନ ଖେଳୁଛନ୍ତି।
