ଆବଶ୍ୟକ ସାମଗ୍ରୀ: ପିଆଜ- ୧ଟି (କଟା), ହେଙ୍ଗୁ- ଅଳ୍ପ, ଭୁର୍ସୁଙ୍ଗପତ୍ର- ଅଳ୍ପ, ଶୁଖିଲା ଲଙ୍କା- ୪ଟି, ରସୁଣ- ୬ ପାଖୁଡ଼ା, ଛୋଟ ଛୋଟ କଟା ଅଦା- ୧ ଚାମଚ, ଜିରା- ୧ ଚାମଚ, ପୁଦିନାପତ୍ର- ୧ କପ୍ (କଟା), ଧନିଆପତ୍ର- ଅଧା କପ୍ (କଟା), ମେଥି- ଅଳ୍ପ, ତେନ୍ତୁଳି ରସ- ୧ ଚାମଚ, ସୋରିଷ- ଅଧା ଚାମଚ, ବୁଟ ଡାଲି- ୨ ଚାମଚ, ବିରିଡାଲି- ୧ ଚାମଚ, ସ୍ବାଦ ଅନୁସାରେ ଲୁଣ ଓ ତେଲ।
ପ୍ରଣାଳୀ: ପ୍ରଥମେ ଗ୍ୟାସରେ କଡେଇ ଗରମ କରି ସେଥିରେ ତେଲ ପକାନ୍ତୁ। ତେଲ ଗରମ ହେବା ପରେ ସେଥିରେ ବୁଟ ଡାଲି, ବିରି ଡାଲି, ମେଥି, ଜିରା ଓ ଲଙ୍କା ପକାଇ ଅଳ୍ପ ଭାଜି ଦିଅନ୍ତୁ। ଏହାପରେ ସେଥିରେ ପିଆଜ ଓ ରସୁଣ ପକାଇ ହାଲକା ଭାଜନ୍ତୁ। ଏଥିରେ ଟମାଟୋ, ତେନ୍ତୁଳି ଓ ଲୁଣ ପକାଇ ଭାଜନ୍ତୁ। ଟମାଟୋ ନରମ ହୋଇଗଲେ ସେଥିରେ ପୁଦିଆ ଓ ଧନିଆପତ୍ର ପକାଇ ଓହ୍ଳାଇ ଦିଅନ୍ତୁ। ମିଶ୍ରଣ ଥଣ୍ଡା ହୋଇଯିବା ପରେ ତାହାକୁ ଗ୍ରାଇଣ୍ଡିଂ କରି ଦିଅନ୍ତୁ। ଏହାପରେ ମଧ୍ୟମ ଆଞ୍ଚରେ ପୁଣି ଥରେ ତେଲ ଗରମ କରି ସେଥିରେ ସୋରିଷ, ହେଙ୍ଗୁ ଓ ମେଥି ଫୁଟାଇ ବଟା ହୋଇଥିବା ପେଷ୍ଟ ଉପରେ ପକାଇ ମିଶାଇ ଦିଅନ୍ତୁ। ଏବେ ପ୍ରସ୍ତୁତ ହୋଇଗଲା ଟମାଟୋ ପୁଦିନା ଚଟଣି।
