ନୂଆଦିଲ୍ଲୀ,୨୩ ।୮: ଟମାଟୋ ଫ୍ଲୁକୁ ନେଇ ଭାରତୀୟ ବୈଜ୍ଞାନିକମାନେ ନିକଟରେ ସାମ୍ନାକୁ ଆସିଥିବା ଅଧ୍ୟୟନକୁ ତଥ୍ୟ ହିନ ବୋଲି କହିଛନ୍ତି । ଏହା ବାସ୍ତବିକତାଠାରୁ ସମ୍ପୂର୍ଣ୍ଣ ଅଲଗା ବୋଲି କୁହାଯିବା ସହ ଏହାକୁ ନେଇ ଲୋକେ ଚିନ୍ତିତ ହେବା ଆଦୌ ଉଚିତ ନୁହେଁ ବୋଲି କୁହାଯାଇଛି । ନୂଆଦିଲ୍ଲୀ ସ୍ଥିତ ଆଇଜିଆଇବିର ବରିଷ୍ଠ ବୈଜ୍ଞାନିକ ଡା. ବିନୋଦ ସ୍କାରିୟା କହିଛନ୍ତି, ଅଧ୍ୟୟନରେ ଏହି ରୋଗର ନାମ ଟମାଟୋ ଫ୍ଲୁ ଦିଆଯାଇଛି ଯାହା ଏକଦମ ଭୁଲ ।
ଏହି ରୋଗ ହାତ, ଗୋଡ ଓ ମୁହଁର ସଂକ୍ରମଣ(ଏଚଏଫଏମଡି) ନାମରେ ପରିଚିତ । ଭାରତରେ ଏହି ସଂକ୍ରମଣ କିଛି ନୂଆ ନୁହେଁ । ୧୦ ବର୍ଷ ପର୍ଯ୍ୟନ୍ତ ଶିଶୁମାନଙ୍କ ନିକଟରେ ପ୍ରାୟତଃ ଏହା ଦେଖାଯାଇଥାଏ । ଏହା ଶିଶୁମାନଙ୍କ ପାଖରେ ସାମାନ୍ୟ ଓ ହାଲୁକା ପ୍ରଭାବ ପକାଇଥାଏ । ପ୍ରାୟ ଗୋଟିଏ ସପ୍ତାହ ମଧ୍ୟରେ ଶିଶୁ ରୋଗମୁକ୍ତ ହୋଇଯାଇଥାଏ । ଏହା ଜନସ୍ୱାସ୍ଥ୍ରକୁ ନେଇ ଗମ୍ଭିର ସମସ୍ୟା ନୁହେଁ । ଅଧ୍ୟୟନରେ ଯାହାବି କୁହାଯାଇଛି ତା’ଉପରେ ପୁଣିଥରେ ବିଚାର କରିବା ଜରୁରୀ ବୋଲି ସେ କହିଛନ୍ତି ।
