ମହାକାଳପଡ଼ା,୯ା୪(ପ୍ରତାପ ଚନ୍ଦ୍ର ସ୍ବାଇଁ): କେନ୍ଦ୍ରାପଡ଼ା ଜିଲା ବନ୍ଧପଡ଼ା ଛକରେ ରାଜନଗର ଥାନା ଅନ୍ତର୍ଗତ ବଡ଼ପଲ୍ଲୀ ଗ୍ରାମର ବିଜୁ ଓରଫ ସଞ୍ଜୟ ପ୍ରଧାନ, ଠାକୁରପାଟଣା ଗ୍ରାମର ଅଙ୍କୁଶ ଜେନା ଓ ଗ୍ରାମାଞ୍ଚଳ ଥାନା ଅନ୍ତର୍ଗତ ଅରଡ଼ପଲ୍ଲୀ ଗ୍ରାମର ଝାଣ୍ଟୁ ଜେନା ଓ ତାଙ୍କର ସହଯୋଗୀ ମିଶି ଦୁଇଟା ହାଇଓ୍ବା ଅଟକାଇ ଡ୍ରାଇଭର ଓ ହେଲପରଙ୍କୁ ମାରଣାସ୍ତ୍ର ଦେଖାଇ ମାଡ଼ ମାରି ତାଙ୍କ ଠାରୁ ୪୦ ହଜାର ଟଙ୍କା ଟଙ୍କା ଓ ତିନୋଟି ମୋବାଇଲ ଛଡ଼ାଇ ନେଇଛନ୍ତି। ଏଥିରେ ଡ୍ରାଇଭର ଆହତ ହୋଇଥିଲେ। ଏହାକୁ ନେଇ ଉକ୍ତ ଡ୍ରାଇଭର ତନ୍ତିଆପାଳ ମେରାଇନ ଥାନାରେ ଏକ ଲିଖିତ ଅଭିଯୋଗ କରିଥିଲେ। ଉକ୍ତ ଅଭିଯୋଗକୁ ଭିତ୍ତିକରି ତନ୍ତିଆପାଳ ଥାନା ଅଧିକାରୀ ରତିରଞ୍ଜନ ନାୟକ କେସ୍ ନଂ ୫୪/୨୬ରେ ଏକ ମାମଲା ରୁଜୁ କରି ତଦନ୍ତ ଆରମ୍ଭ କରିଛନ୍ତି।
ଏହି ଘଟଣାରେ ଉପର ଲିଖିତ ଅଭିଯୁକ୍ତମାନଙ୍କୁ ପୋଲିସ ଗିରଫ କରି କୋର୍ଟ ଚାଲାଣ କରିଛି ଓ ସେମାନଙ୍କ ଠାରୁ ମାରଣାସ୍ତ୍ର, ୨୦ ହଜାର ଟଙ୍କା ଓ ଦୁଇଟା ମୋଟରସାଇକେଲ ମଧ୍ୟ ଜବତ କରିଛି। ଖୁବ୍ଶୀଘ୍ର ଅନ୍ୟ ଅଭିଯୁକ୍ତଙ୍କୁ ଧରାଯିବ ବୋଲି ଥାନାଧିକାରୀ ରତିରଞ୍ଜନ କହିଛନ୍ତି। ।
