ଚା’ ବିନା ଅନେକଙ୍କର ଦିନ କଟେନା। କପେ ଚା’ ପିଇଦେଲେ ଯେମିତି ସାରା ଦିନ ଆରାମରେ କଟିଯାଏ। କିନ୍ତୁ କେହି କ’ଣ କିଛି ନ ଖାଇ ଖାଲି ଚା’ ପିଇ ଜୀବନ ସାରା ରହିପାରିବେ? ଭାବୁଥିବେ ଆଦୌ ସମ୍ଭବ ନୁହେଁ। କିନ୍ତୁ ଜଣେ ମହିଳା ଅଛନ୍ତି, ଯେ କି ଦୀର୍ଘ ୩୩ ବର୍ଷ ହେବ ଅନ୍ୟ କିଛି ଖାଦ୍ୟ ନ ଖାଇ କେବଳ ଚା’ ପିଇ ବଞ୍ଚତ୍ଛନ୍ତି। ଛତିଶଗଡ଼, କୋରିଆ ଜିଲାର ବରଡିୟା ଗ୍ରାମରେ ରହୁଥିବା ପିଲି ଦେବୀ ହେଉଛନ୍ତି ସେହି ବିସ୍ମୟ ମହିଳା। ମାତ୍ର ୧୧ ବର୍ଷ ବୟସର ହୋଇଥିବା ବେଳୁ ସେ ଖାଦ୍ୟ ଛାଡି ଚା’ ପିଇ ଜୀବନଧାରଣ କରୁଛନ୍ତି। ଏବେ ତାଙ୍କୁ ୪୪ ବର୍ଷ ବୟସ। ସ୍ଥାନୀୟ ଲୋକେ ତାଙ୍କୁ ‘ଚାୟ ଓ୍ବାଲି ଚାଚି’ ବୋଲି ଡାକନ୍ତି। ଖାଦ୍ୟ ନ ଖାଇ ସେ ଏତେ ବର୍ଷ କିଭଳି ସୁସ୍ଥ ଅଛନ୍ତି ତାହା ସମସ୍ତଙ୍କୁ ଚକିତ କରାଏ। ଏମିତି କି ଡାକ୍ତର ମଧ୍ୟ ତାଙ୍କଠାରେ କୌଣସି ସ୍ବାସ୍ଥ୍ୟ ସମସ୍ୟା ପାଇ ନାହାନ୍ତି। ତାଙ୍କ ବାପା କହନ୍ତି, ”ଷଷ୍ଠ ଶ୍ରେଣୀରେ ପଢୁଥିବାବେଳେ ପିଲି ଖାଦ୍ୟ ଖାଇବା ଛାଡ଼ିଥିଲା। ସେତେବେଳେ ସେ କ୍ଷୀର ଚା’ ସହ ବିସ୍କୁଟ, ବ୍ରେଡ ଖାଉଥିଲା। କିନ୍ତୁ ପରବର୍ତ୍ତୀ ସମୟରେ ପିଲି ସେସବୁ ଖାଇବା ବି ଛାଡ଼ିଦେଲା।“ ଆଉ ପିଲି କହନ୍ତି, ”ତାଙ୍କୁ କେବେ ଭୋକ ଲାଗେନାହିଁ। ଦିନରେ କ୍ଷୀର ଚା’ ପିଏ। ଆଉ ଦିନ ସରିଲେ ସନ୍ଧ୍ୟାବେଳେ ମୁଁ ବିନା କ୍ଷୀରବାଲା ନାଲି ଚା’ ପିଇଥାଏ। ଏମିତି ଦୀର୍ଘ ବର୍ଷ ବିତିଗଲାଣି।“
