ନୂଆଦିଲ୍ଲୀ, ୨୫।୮: ମାଷ୍ଟର ବ୍ଲାଷ୍ଟର ସଚିନ ତେନ୍ଦୁଲକରଙ୍କ ରେକର୍ଡ ଭାଙ୍ଗିବାକୁ କେବଳ ବିରାଟ କୋହଲି ସକ୍ଷମ। ଏସମ୍ପର୍କରେ ପୂର୍ବତନ ଭାରତୀୟ କ୍ରିକେଟର ଇର୍ଫାନ୍ ପଠାନ କହିଛନ୍ତି। ସଚିନଙ୍କ ୧୦୦ ଶତକ ରେକର୍ଡକୁ ବିରାଟ ସହଜରେ ଭାଙ୍ଗିପାରିବେ ବୋଲି ସେ କହିଛନ୍ତି। ଏହି ରେକର୍ଡ ଭାଙ୍ଗିବାକୁ କୋହଲିଙ୍କର ଦକ୍ଷତା ଏବଂ ଫିଟ୍ନେସ୍ ଥିବା ସେ ପ୍ରକାଶ କରିଛନ୍ତି। ଷ୍ଟାର ସ୍ପୋଟସ ପକ୍ଷରୁ ଆୟୋଜିତ ହୋଇଥିବା ଶୋ’ ‘ କ୍ରିକେଟ କନେକ୍ଟେଡେ୍’ରେ ଇର୍ଫାନ୍ ଏଭଳି କହିଛନ୍ତି। ଏବେ ବିରାଟକୁ ୩୧ ବର୍ଷ। ସେ ଆସନ୍ତା ୭-୮ ବର୍ଷ ପର୍ଯ୍ୟନ୍ତ ଖେଳିପାରିବେ। ଏବେ କୋହଲି ୩୩୪ ମ୍ୟାଚ୍ ଖେଳି ୭୦ ଶତକ କରିଛନ୍ତି। ସେଥିମଧ୍ୟରେ ୪୩ ଏକଦିବସୀୟ ଏବଂ ୨୭ ଟେଷ୍ଟ ମ୍ୟାଚ୍ ଶତକ ରହିଛି। ସଚିନ ୬୬୩ ଅନ୍ତର୍ଜାତୀୟ ମ୍ୟାଚ୍ ଖେଳି ୧୦୦ ଟି ଶତକ ହାସଲ କରିପାରିଥିଲେ। ୨୦୧୨ରେ ସଚିନ ଏସିଆ କପ୍ରେ ବାଂଲାଦେଶ ବିପକ୍ଷରେ ଖେଳି ନିଜର ୧୦୦ତମ ଶତକ ପୂରଣ କରିଥିଲେ। ସଚିନ ୪୯ ଏକଦିବସୀୟ ଏବଂ ୫୧ ଟେଷ୍ଟ ମ୍ୟାଚ୍ରେ ଶତକ ହାସଲ କରିଥିଲେ। ସଚିନ ରେକର୍ଡ କେହି ଜଣେ ଭାରତୀୟ ଭାଙ୍ଗନ୍ତୁ ବୋଲି ଇର୍ଫାନ୍ ଚାହୁଁଥିବା କହିଛନ୍ତି। ଏହା କେବଳ କୋହଲି କରି ଦେଖାଇପାରିବେ ବୋଲି ଇର୍ଫାନ୍ ଆଶା ପ୍ରକାଶ କରିଛନ୍ତି। ଏବେ ଇର୍ଫାନ୍ଙ୍କ ଏହି ମନ୍ତବ୍ୟ ସୋସିଆଲ୍ ମିଡ଼ିଆରେ ଭାଇରାଲ ହେବାରେ ଲାଗିଛି।
