ନୂଆଦିଲ୍ଲୀ, ୮।୭: ଭାରତରେ କରୋନା ମହାମାରୀ ସଂକ୍ରମଣ ବଢ଼ିଚାଲିଛି। କରୋନା ସଂକ୍ରମଣ ରୋକିବା ଲାଗି ଦେଶରେ ଅଗଷ୍ଟ ୧୫ଠାରୁ କରୋନା ଟୀକା ପରୀକ୍ଷା କରାଯିବାର ଯୋଜନା କରାଯାଇଛି। ମାନବ ପରୀକ୍ଷଣ ପାଇଁ ଦେଶର ୧୨ଟି ସଂସ୍ଥାକୁ ଚୟନ କରାଯାଇଛି। ଟୀକାର ମାନବ ପରୀକ୍ଷଣ କରାଯାଉଥିବା ଲୋକଙ୍କ ମଧ୍ୟରେ ପଶ୍ଚିମବଙ୍ଗର ଶିକ୍ଷକ ଚିରଞ୍ଜିତ୍ ଧୀବରଙ୍କଠାରେ କରାଯିବ। ଏନେଇ ଚିରଞ୍ଜିତ୍ ନିଜର ସହମତି ପ୍ରକାଶ କରିଛନ୍ତି। ତାଙ୍କର ପରୀକ୍ଷା ଓଡ଼ିଶାର ରାଜଧାନୀ ଭୁବନେଶ୍ୱର ସ୍ଥିତ ଆଇସିଏମ୍ଆର୍ କେନ୍ଦ୍ରରେ କରାଯିବ। କେବେ ଚିରଞ୍ଜିତ୍ଙ୍କ ଉପରେ କରୋନ ପ୍ରତିଷେଧକ ଟୀକାର ପରୀକ୍ଷଣ କରାଯିବ ସେ ନେଇ ଆଇସିଏମ୍ଆର୍ ପକ୍ଷରୁ କୌଣସି ସୂଚନା ଦିଆଯାଇ ନାହିଁ। ସେ ଦୁର୍ଗାପୁରସ୍ଥିତ ଏକ ସ୍କୁଲରେ ଶିକ୍ଷକ ଭାବେ ପାଠ ପଢ଼ାଉଛନ୍ତି। ଏହା ସହିତ ସେ ରାଷ୍ଟ୍ରୀୟ ସ୍ବୟଂ ସେବକ ସଂଘର ସଦସ୍ୟ ମଧ୍ୟ ରହିଛନ୍ତି। ଦେଶ ପାଇଁ କିଛି କରିବା ଆଶା ନେଇ ଚିରଞ୍ଜିତ୍ ଏଭଳି ନିଷ୍ପତ୍ତି ନେଇଛନ୍ତି। ତାଙ୍କର ନିଷ୍ପତ୍ତିକୁ ପ୍ରଥମେ ମାତାପିତା ବିରୋଧ ମଧ୍ୟ କରିଥିଲେ। ତେବେ ଏବେ ପିତା ତୁଷାର ଏଥିରେ ରାଜି ହୋଇଛନ୍ତି। ନିଜ ଇଛାରେ ଯେଉଁମାନେ ମାନବ ପରୀକ୍ଷଣ ପାଇଁ ରାଜି ହେବେ ସେମାନଙ୍କଠାରେ ଟୀକାର ପରୀକ୍ଷା କରାଯିବ। ଏହି ପ୍ରକ୍ରିୟା ପାଇଁ ନାଗପୁରସ୍ଥିତ ଗିଲ୍ଲୁର୍କର ମଲ୍ଟି ସ୍ପେଶାଲିଟି ହସ୍ପିଟାଲର ଡାକ୍ତର ଚନ୍ଦ୍ରଶେଖର ଗେଲ୍ଲୁରକରଙ୍କୁ ଚୟନ କରାଯାଇଛି। ପ୍ରଥମ ଏବଂ ଦ୍ୱିତୀୟ ପ୍ରର୍ଯ୍ୟାୟ ମାନବ ପରୀକ୍ଷଣ ପାଇଁ ୧୦୦ ଜଣ ଲୋକଙ୍କୁ ଚିହ୍ନଟ କରାଯାଇଥିବା ସେ କହିଛନ୍ତି।
