ମିରୁଟ,୧୮।୫: ମହାମାରୀ କରୋନା ଅନେକ ଲୋକଙ୍କ ଘରସଂସାର ଉଜାଡି ଦେଇଛି। ଉତ୍ତରପ୍ରଦେଶର ମିରୁଟରେ ରହୁଥିବା ରାଫେଲ ପରିବାରର କାହାଣୀ ଅତ୍ୟନ୍ତ ଯନ୍ତ୍ରଣାଦାୟକ। କରୋନା ପରିବାରର ଦୁଇ ଯାଆଁଳା ଭାଇ ଜୋଫ୍ରେଡ ଭର୍ଘିସ ଗ୍ରେଗୋରୀ ଏବଂ ରାଲଫ୍ରେଡ ଜର୍ଜ ଗ୍ରେଗୋରୀ କରୋନାରେ ପ୍ରାଣ ହରାଇଛନ୍ତି। ୨୪ ବର୍ଷ ବୟସ୍କ ଇଞ୍ଜିନିୟର ଭାଇଙ୍କ ମୃତ୍ୟୁ ମଧ୍ୟରେ ପାର୍ଥକ୍ୟ ମାତ୍ର କିଛି ଘଣ୍ଟା ଥିଲା। ଉଭୟ ଏକାଠି ଦୁନିଆକୁ ଆସିଥିଲେ, ଏକାଠି ମଧ୍ୟ ଗଲେ।
ଗତ ସପ୍ତାହରେ କରୋନାରେ ଜୋଫ୍ରେଡ ଏବଂ ରାଲଫ୍ରେଡଙ୍କର ମୃତ୍ୟୁ ହୋଇଥିଲା। ଉଭୟ ଏପ୍ରିଲ ୨୩, ୧୯୯୭ରେ ଜନ୍ମ ହୋଇଥିଲେ। ରିପୋର୍ଟ ଅନୁଯାୟୀ, ଜନ୍ମଦିନର ପରଦିନ ଅର୍ଥାତ୍ ଏପ୍ରିଲ ୨୪ରେ ଦୁହେଁ ଏହି ମାରାତ୍ମକ ଭୂତାଣୁର ଶିକାର ହୋଇଥିଲେ। ଉଭୟ ହାଇଦ୍ରାବାଦରେ କାମ କରୁଥିଲେ।
ଦୁଇ ଭାଇଙ୍କ ପିତା ଗ୍ରେଗୋରୀ ରେମଣ୍ଡ ରାଫେଲ କହିଛନ୍ତି ଯେ, ସେ ପ୍ରାୟ ଜାଣିଛନ୍ତି ଯେ, ଯଦି ତାଙ୍କ ପୁଅମାନେ ଫେରିବେ ତେବେ ଉଭୟ ଏକାଠି ହୋଇ ପୁଣି ଦୁନିଆକୁ ଆସିବେ, ନଚେତ୍ କେହି ଜଣେ ଆସିବେ ନାହିଁ। ସେ କୁହନ୍ତି, ଉଭୟଙ୍କ ମଧ୍ୟରେ ଜଣଙ୍କଠାରେ ଯାହା ଘଟେ, ଅନ୍ୟଜଣଙ୍କଠାରେ ମଧ୍ୟ ତାହା ଘଟେ। ଜନ୍ମରୁ ଏହା ଚାଲିଥିଲା। ଜୋଫ୍ରେଡଙ୍କ ମୃତ୍ୟୁ ଖବର ପାଇବା ପରେ ମୁଁ ମୋ ସ୍ତ୍ରୀଙ୍କୁ କହିଲି ଯେ ରାଲଫ୍ରେଡ ମଧ୍ୟ ଏକୁଟିଆ ଘରକୁ ଫେରିବେ ନାହିଁ। ମେ ୧୩ ଏବଂ ୧୪ରେ କିଛି ଘଣ୍ଟା ବ୍ୟବଧାନ ପରେ ସେମାନେ ଚାଲିଗଲେ। ରାଫେଲଙ୍କର ୩ ପୁଅ ଅଛନ୍ତି। ସାନ ପୁଅର ନାମ ନେଲଫ୍ରେଡ। ରାଫେଲଙ୍କ ପରିବାର ପ୍ରଥମେ ପୁଅଙ୍କ ଘରେ ଚିକିତ୍ସା କରିଥିଲେ। ସେମାନେ ଭାବିଲେ ଘରେ ଔଷଧ ଖାଇ ଭଲ ହୋଇଯିବ। କିନ୍ତୁ ଅମ୍ଳଜାନ ସ୍ତର ୯୦ରେ ପହଞ୍ଚିବା ପରେ ଡାକ୍ତରମାନେ ଉଭୟଙ୍କୁ ଡାକ୍ତରଖାନା ନେବାକୁ ପରାମର୍ଶ ଦେଇଥିଲେ। ଏହାପରେ ଉଭୟଙ୍କୁ ହସ୍ପିଟାଲରେ ଭର୍ତ୍ତି କରାଯାଇଥିଲା।
୨-୩ ପରେ ରାଲଫ୍ରେଡ ତାଙ୍କ ମାଙ୍କୁ ଡାକିଥିଲେ। ସେ ହସ୍ପିଟାଲ ବେଡରୁ କଥା ହେଉଥିଲେ। ସେ ତାଙ୍କ ମାଙ୍କୁ କହିଥିଲେ ଯେ ତାଙ୍କ ଅବସ୍ଥା ସୁଧୁରୁଛି ଏବଂ ଜୋଫ୍ରେଡଙ୍କ ସ୍ବାସ୍ଥ୍ୟ ବିଷୟରେ ପଚାରିଥିଲେ। ସେତେବେଳକୁ ଜୋଫ୍ରେଡଙ୍କର ଦେହାନ୍ତ ହୋଇଥିଲା। ସେ ତାଙ୍କ ମା’ଙ୍କୁ କହିଥିଲେ ଯେ ଆପଣ ମିଛ କହୁଛନ୍ତି। କିଛି ସମୟ ପରେ ସେ ମୃତ୍ୟୁବରଣ କରିଥିଲେ।
