ରଘୁନାଥପୁର,୨୪ା୨(ଡି.ଏନ.ଏ.):ଭାରତମାଳା ପ୍ରକଳ୍ପ ଜାତୀୟ ରାଜପଥ ନିର୍ମାଣ ପାଇଁ ଜମି ଅଧିଗ୍ରହଣ ପ୍ରକ୍ରିୟାରେ ପ୍ରଶାସନିକ ଅଧିକାରୀଙ୍କ ଦାୟିତ୍ୱହୀନତା ତଥା ଖାମଖିଆଲ ମନୋଭାବ ପ୍ରତିପୋଷଣ କରୁଛନ୍ତି। ଏହାକୁ ବିରୋଧ କରି ନବ ନିର୍ମାଣ କୃଷକ ସଙ୍ଗଠନର ରାଜ୍ୟ କର୍ମକର୍ତ୍ତା ଦେବୀପ୍ରସାଦ ମହାରଣାଙ୍କ ନେତୃତ୍ୱରେ ରଘୁନାଥପୁର ତହସିଲ ଅଧୀନ ରାଢଙ୍ଗ ଓ ଜିରା ଗଁାର ଚାଷୀମାନେ ତହସିଲ କାର୍ଯ୍ୟାଳୟରେ ପହଞ୍ଚତ୍ ଗୁରୁବାର ପ୍ରତିବାଦ କରିଥିଲେ। ଏ ସମ୍ପର୍କିତ ଦାବିପତ୍ର ତହସିଲଦାର ରୁପାଲିକା ଦାଶଙ୍କୁ ପ୍ରଦାନ କରିଥିଲେ। ଅର୍ଥନୈତିକ କରିଡର ପାଇଁ କେନ୍ଦ୍ର ସରକାରଙ୍କ ପକ୍ଷରୁ ସ୍ବତନ୍ତ୍ର ଭାରତମାଳା ପ୍ରକଳ୍ପ ଜାତୀୟ ରାଜପଥ ନିର୍ମାଣ ନିମନ୍ତେ ଜଗତ୍ସିଂହପୁର ଜିଲା ରଘୁନାଥପୁର ବ୍ଲକର ୫ଟି ଗଁାରେ ଭୂମି ଅଧିଗ୍ରହଣ କାର୍ଯ୍ୟ ହାତକୁ ନିଆଯାଇଛି। ଏଥିପାଇଁ ଚଳିତ ମାସ ୩ ତାରିଖରେ ଏକ ବିଜ୍ଞପ୍ତି ପ୍ରକାଶ ପାଇଛି। ଉକ୍ତ ଦିନଠାରୁ ୨୧ଦିନ ଅବଧି ମଧ୍ୟରେ ଯେକୌଣସି ବ୍ୟକ୍ତି ତହସିଲ କାର୍ଯ୍ୟାଳୟରେ ଆପତ୍ତି ଅଭିଯୋଗ କରିବାକୁ ସୂଚନା ଦିଆଯାଇଛି। ଏହାଛଡା ସର୍ବସାଧାରଣଙ୍କ ନିରୀକ୍ଷଣ ନିମନ୍ତେ ଅଧିଗ୍ରହଣ ହେବାକୁ ଥିବା ଜମିର ସମସ୍ତ ନକ୍ସା ଓ ଅନ୍ୟ ବିଷଦ ବିବରଣୀ ତହସିଲ କାର୍ଯ୍ୟାଳୟରେ ମଳିବ ବୋଲି ଉଲ୍ଲେଖ ରହିଛି। ମାତ୍ର ଏ ସମ୍ପର୍କିତ ତଥ୍ୟ ତହସିଲରେ ଉପଲବ୍ଧ ନାହିଁ ବୋଲି ଲୋକେ ଅଭିଯୋଗ କରିଛନ୍ତି। ଫଳରେ ଜମି ହରାଇବାକୁ ଥିବା ବ୍ୟକ୍ତିମାନେ ସୂଚନା ପାଇବାରୁ ବଞ୍ଚତ୍ତ ହେଉଛନ୍ତି ବୋଲି ନବନିର୍ମାଣ କୃଷକ ସଙ୍ଗଠନର ରାଜ୍ୟ କର୍ମକର୍ତ୍ତା ମହାରଣା ପ୍ରକାଶ କରିଛନ୍ତି। ଏହି ରାଜପଥ ନିର୍ମାଣ ହେବା ଦ୍ୱାରା ସାଧାରଣ ନାଗରିକ, ଚାଷୀ ଓ ଖୁଦ୍ର ବ୍ୟବସାୟୀମାନେ ସେମାନଙ୍କ ଜୀବିକା, ବାସଗୃହ, ବୃକ୍ଷସମ୍ପଦ, ମାଛ ପୋଖରୀ ଓ ସବୁଦିନ ପାଇଁ ସେମାନଙ୍କ ଜମିର ଅଧିକାର ହରାଇ ବସିବେ। ଏହାଛଡା ବର୍ଷାଦିନେ ଉଦ୍ବୃତ ବର୍ଷାଜଳ ନିଷ୍କାସନ ହେବାରେ ରାଜପଥ ବାଧକ ସାଯିବ। ରାଜପଥର ବାସ୍ତବ ଚିତ୍ର ସମ୍ପର୍କରେ ଜନତାଙ୍କୁ ଅଗୋଚର ରଖାଯାଉଥିବାରୁ ଭବିଷ୍ୟତରେ ଲୋକେ କ୍ଷତିପୂରଣ ପାଇବାରେ ଆଶଙ୍କା ସୃଷ୍ଟି ହୋଇଛି ବୋଲି ମହାରଣା କ୍ଷଭୋ ପ୍ରକାଶ କରିଛନ୍ତି। ଦେଶର ବିକାଶ ପାଇଁ ଜାତୀୟ ସ୍ବାର୍ଥକୁ ସରକାର ପ୍ରାଧାନ୍ୟ ଦେଉଥିବାବେଳେ ବ୍ୟକ୍ତି ସ୍ବାଧୀନତା ସମ୍ବିଧାନର ଧାରା ୧୪ ଓ ୨୧କୁ ପ୍ରାଧାନ୍ୟ ଦେବା ପାଇଁ ଚାଷୀମାନେ ଦାବି କରିଛନ୍ତି। ଏହାଛଡା ଅଧିଗ୍ରହଣ ହେବାକୁ ଥିବା ଜମିର ନକ୍ସା ଓ ଅନ୍ୟ ବିଷଦ ବିବରଣୀ ପଞ୍ଚାୟତ ସ୍ତରରେ ଉପଲବ୍ଧ କରାଇବା ପାଇଁ ଦାବି କରାଯାଇଛି। ଜମି ଅଧିଗ୍ରହଣ ପୂର୍ବରୁ ଲୋକମାନଙ୍କ ସମସ୍ତ ସମସ୍ୟା ସମାଧାନ ହେବା ଜରୁରୀ ଅଟେ। ନଚେତ ଗଣତାନ୍ତ୍ରିକ ରାଷ୍ଟ୍ରରେ ଗଣ ଆନ୍ଦୋଳନ ଉଗ୍ରରୂପ ନେବ ବୋଲି ମହାରଣା ସ୍ପଷ୍ଟ କରିଛନ୍ତି। ସାମାଜିକ କର୍ମୀ ଗୋବିନ୍ଦ ଓଝା, ବିକ୍ରମ ପ୍ରସାଦ ରାଉତ, ଉଲ୍ଲାସ ପାଳ, ପ୍ରଶାନ୍ତ ଜେନା, ବିପିନ ପାଳ, ପ୍ରମୋଦ ପାଳ, ବିପିନ ମୁଦୁଲିଙ୍କ ସହ ବହୁ ଚାଷୀ ଉପସ୍ଥିତ ଥିଲେ।
