ବଲାଙ୍ଗୀର ଅଫିସ, ୨୫ା୧୦: ଟିଟିଲାଗଡ ପୋଲିସ ବାରାକ୍ରୁ ଫେରାର ମମିତା ମେହେର ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁଙ୍କୁ ଗତ ୧୯ ତାରିଖ ଅପରାହ୍ନରେ ବଙ୍ଗୋମୁଣ୍ଡା ଥାନା ବୁଢ଼ୀପଦର ଗଁା ନିକଟ ଏକ ଆଖୁ କିଆରିରୁ ଗିରଫ କରାଯାଇଥିଲା। ଗୋବିନ୍ଦଙ୍କ ମୋବାଇଲ ଫୋନ୍କୁ ଟ୍ରାକିଂ କରି ପୋଲିସ ତାଙ୍କ ପାଖରେ ପହଞ୍ଚତ୍ ଥିବା ଜଣାପଡିଛି। ଏହା ଜଣାପଡିବା ପରେ ଏହି ହତ୍ୟା ଘଟଣାରେ ପୋଲିସର ଭୂମିକାକୁ ନେଇ ଅନେକ ପ୍ରଶ୍ନ ଉଠିଛି।
ଗତ ୧୨ ତାରିଖରେ ମମିତାଙ୍କ ପରିବାର ତରଫରୁ ସିନ୍ଧେକେଲା ଥାନାରେ ଅପହରଣ ନେଇ ଅଭିଯୋଗ କରାଯାଇଥିଲା। ୧୪ ତାରିଖ ସିନ୍ଧେକେଲା ପୋଲିସ ଗୋବିନ୍ଦ ସାହୁଙ୍କୁ ମହାଲିଙ୍ଗ ଗଁାରୁ ଉଠାଇ ଆଣିଥିଲା। ସିନ୍ଧେକେଲା ଥାନାରେ ତିନିଦିନ ରଖିବା ପରେ ଗତ ୧୭ ତାରିଖରେ ପଚରାଉଚରା କରିବା ପାଇଁ ଟିଟିଲାଗଡ ଥାନା ପଛପଟ ବାରାକ୍କୁ ଗୋବିନ୍ଦଙ୍କୁ ଅଣାଯାଇଥିଲା। ସେଦିନ ରାତି ପ୍ରାୟ ୯ଟାରେ ଗୋବିନ୍ଦ ନାଟକୀୟ ଘଟଣାକ୍ରମରେ ବାରାକ୍ରୁ ଖସିଯାଇଥିଲେ। ବାରାକ୍ରେ ଥିବାବେଳେ ଗୋବିନ୍ଦ ତାଙ୍କ ମୋବାଇଲ ଫୋନ୍ ଧରିଥିଲେ କି ନା ତାହା ସ୍ପଷ୍ଟ ହୋଇନାହଁି। ରାତି ପ୍ରାୟ ୯ଟାରେ ଟିଟିଲାଗଡ ମଧ୍ୟସ୍ଥଳରେ ଥିବା ଥାନାପଛ ପଟ
ପୋଲିସ ବାରାକ୍ରୁ ସେ ଫେରାର ଘଟଣାକୁ ଏଯାଏ ଲୋକେ ବିଶ୍ୱାସ କରୁନାହାନ୍ତି। ସେଠାରୁ ପ୍ରାୟ ୩୦ କିଲୋମିଟର ଦୂର ବୁଢ଼ୀପଦର ସ୍ଥିତ ତାଙ୍କ ଜଣେ ଭଉଣୀ ଘରେ ଗୋବିନ୍ଦ ପହଞ୍ଚତ୍ ଏକ ଆଖୁ କିଆରିରେ ଦୁଇ ରାତି ରହିଥିଲେ। ମୋବାଇଲ ଟ୍ରାକିଂରୁ ଗତ ୧୯ ତାରିଖ ଅପରାହ୍ନରେ ଗୋବିନ୍ଦଙ୍କୁ ବୁଢ଼ୀପଦର ଗଁାର ଏକ ଆଖୁ କିଆରିରୁ ଧରାଗଲା ବୋଲି ଜଣାପଡିବା ପରେ ପୋଲିସର ବିଶ୍ୱସନୀୟତା ପ୍ରତି ପ୍ରଶ୍ନ ଉଠିଥିଲା। ମୋବାଇଲ ଟ୍ରାକିଂରୁ ଧରାପଡିବା ଜଣାପଡିବା ପରେ ଗୋବିନ୍ଦଙ୍କୁ କିଏ ମୋବାଇଲ ଦେଇଥିଲା ତାହା ଏବେ ବଡ଼ ପ୍ରଶ୍ନ ହୋଇ ଉଭା ହୋଇଛି। ପୂର୍ବରୁ ପୋଲିସ କହିଥିଲା ଯେ ଗୋବିନ୍ଦଙ୍କ ମୋବାଇଲକୁ ଜବତ କରିଥିଲା। ଜବତ ସତ୍ତ୍ୱେ ଗୋବିନ୍ଦଙ୍କୁ କିଏ ମୋବାଇଲ ଦେଲା ଓ ସେ ଉକ୍ତ ମୋବାଇଲରେ କାହା ସହ କଥା ହୋଇଥିଲେ ସେ ସମ୍ପର୍କରେ ପୋଲିସ କିଛି ବି ସୂଚନା ଦେଉନାହିଁ। ଯଦି ପୋଲିସ କର୍ମଚାରୀମାନେ ତାଙ୍କୁ ଫେରାର କରିବାରେ ସହାୟତା କରିଥିଲେ ତେବେ ଫେରାର ଅବଧିରେ ସେ କ’ଣ କରିଛନ୍ତି ତାହାର ତଦନ୍ତ ହୋଇଛି କି ନା ଜଣାପଡିନାହିଁ। ଏଦିଗକୁ ଅଧିକ ତଦନ୍ତ କରାଗଲେ ଅନେକ ଘଟଣା ଉପରୁ ପର୍ଦ୍ଦା ହଟିବ ବୋଲି ଆଲୋଚନା ହେଉଛି।
