ରାଜ୍ୟରେ ୭୫୯ ଜଳ ଯୋଗାଣ ପ୍ରକଳ୍ପ ଅସମ୍ପୂର୍ଣ୍ଣ

ଯାଜପୁର ଅଫିସ,୧୪ା୨: ଜାନୁୟାରୀ ୨୦୨୧ ସୁଦ୍ଧା ରାଜ୍ୟରେ ୭୫୯ ପାଇପ୍‌ ଜଳ ଯୋଗାଣ (ପିଡବ୍ଲ୍ୟୁଏସ୍‌) ପ୍ରକଳ୍ପ ନିର୍ମାଣ ଅସମ୍ପୂର୍ଣ୍ଣ ରହିଛି । ଗ୍ରାମ୍ୟ ଜଳ ଯୋଗାଣ ଓ ପରିମଳ (ଆର୍‌ଡବ୍ଲ୍ୟୁଏସ୍‌ଏସ୍‌) ବିଭାଗର ୩୨ଟି ଡିଭିଜନରେ ଏପରି ଅବ୍ୟବସ୍ଥା ସୃଷ୍ଟି ହୋଇଛି । ସେଥିମଧ୍ୟରୁ ଯାଜପୁର ଡିଭିଜନରେ ସର୍ବାଧିକ ୯୫ ପ୍ରକଳ୍ପ ରହିଛି। ନିର୍ଦ୍ଧାରିତ ଅବଧି (୬ ମାସରୁ ୧ ବର୍ଷ) ଅତିକ୍ରାନ୍ତ ହୋଇ ସାରିଥିଲେ ବି ଉପରୋକ୍ତ ପ୍ରକଳ୍ପ କାମ ସରିନାହିଁ । ଏହାକୁ ନେଇ ଆର୍‌ଡବ୍ଲ୍ୟୁଏସ୍‌ଏସ୍‌ର ଇଞ୍ଜିନିୟର-ଇନ୍‌-ଚିଫ୍‌ ଅସନ୍ତୋଷ ପ୍ରକାଶ କରିଛନ୍ତି। ନିୟମ ଭଙ୍ଗ କରିଥିବା ସମ୍ପୃକ୍ତ ଠିକାଦାରମାନଙ୍କୁ ଅର୍ଥଦଣ୍ଡରେ ଦଣ୍ଡିତ କରିବାକୁ ସେ ବିଭାଗୀୟ ସମସ୍ତ ନିର୍ବାହୀଯନ୍ତ୍ରୀଙ୍କୁ ନିର୍ଦ୍ଦେଶ ଦେଇଛନ୍ତି। ଏହାବାଦ୍‌ ଚୁକ୍ତି ଅନୁସାରେ ଆବଶ୍ୟକ ପଦକ୍ଷେପ ଗ୍ରହଣ କରିବାକୁ ପରାମର୍ଶ ଦିଆଯାଇଛି।

ଆଉ କିଛିଦିନ ମଧ୍ୟରେ ରାଜ୍ୟରେ ଗ୍ରୀଷ୍ମପ୍ରବାହ ଆରମ୍ଭ ହେବା ସମ୍ଭାବନା ରହିଛି । ଖରା ବଢ଼ିଲେ ଜଳ ସଙ୍କଟ ଦେଖାଦେବ । ଗ୍ରାମାଞ୍ଚଳର ନଦୀ, ପୋଖରୀ, କୂଅ ଓ ନଳକୂପର ଜଳସ୍ତର ହ୍ରାସ ପାଇବ । ଏପରି ପରିସ୍ଥିତିର ମୁକାବିଲା ପାଇଁ ସରକାର ଉପରୋକ୍ତ ପାନୀୟ ଜଳ ପ୍ରକଳ୍ପ କାମ ଜାନୁୟାରୀ ୨୦୨୧ ସୁଦ୍ଧା ଶେଷ କରିବାକୁ ନିଷ୍ପତ୍ତି ନେଇଥିଲେ । ହେଲେ ନିର୍ଦ୍ଧାରିତ ସମୟ ଭିତରେ ପ୍ରକଳ୍ପ କାମ ଶେଷ ନ ହେବା ବିଭାଗୀୟ ବିଫଳତାକୁ ସ୍ପଷ୍ଟ କରିଛି । ଅନ୍ୟପକ୍ଷେ ଗ୍ରାମାଞ୍ଚଳ ଲୋକଙ୍କୁ ପାଇପ୍‌ ଯୋଗେ ସ୍ବଚ୍ଛ ପାନୀୟ ଜଳ ଯୋଗାଣ ଯୋଜନା ଫେଲ୍‌ ମାରିବ ବୋଲି ଆଶଙ୍କା କରାଯାଉଛି । ଅଧିକାଂଶ ସମୟରେ ବିଭାଗୀୟ ଅଧିକାରୀମାନେ ନିଜ ପ୍ରତିଶ୍ରୁତି ପାଳନ କରୁ ନ ଥିବାରୁ ସାଧାରଣ ଲୋକଙ୍କ ପାଖରେ ରାଜ୍ୟ ସରକାର ଅପଦସ୍ଥ ହେଉଛନ୍ତି ବୋଲି ମତ ପ୍ରକାଶ ପାଇଛି ।

ସୂଚନା ଅନୁଯାୟୀ, ଭୂତଳ ଜଳ ପୁନଃଭରଣ ଯୋଜନାଗୁଡ଼ିକ ଉପଯୁକ୍ତ ଭାବେ କାର୍ଯ୍ୟକାରୀ ହେଉ ନ ଥିବାରୁ ସ୍ବାଭାବିକ ଜଳସ୍ତର ନିମ୍ନଗାମୀ ହୋଇଥାଏ। ଫଳରେ ନଳକୂପଗୁଡ଼ିକରୁ ଲୋକଙ୍କ ଚାହିଦା ମୁତାବକ ପାଣି ମିଳି ନ ଥାଏ। ଏଥିପାଇଁ ପ୍ରତ୍ୟେକ ଗ୍ରାମାଞ୍ଚଳ ଲୋକେ କିପରି ପାଇପ୍‌ ଯୋଗେ ପାନୀୟ ଜଳ ପାଇପାରିବେ, ସେ ନେଇ ରାଜ୍ୟ ସରକାର ପିଡବ୍ଲ୍ୟୁଏସ୍‌ କାର୍ଯ୍ୟକାରୀ କରିଛନ୍ତି। ଗତ ୨ ବର୍ଷ ହେଲା ଏଥିପାଇଁ ଗୁରୁତ୍ୱାରୋପ କରାଯାଇଛି ା ପ୍ରତି ଆରଡବ୍ଲ୍ୟୁଏସ୍‌ଏସ୍‌ ଡିଭିଜନରେ ବସୁଧା, ଜଳ ଜୀବନ ମିଶନ (ଜେଜେଏମ୍‌) ଓ ଗ୍ରାମ୍ୟ ଭିତ୍ତିଭୂମି ଉନ୍ନୟନ ପାଣ୍ଠି (ଆର୍‌ଆଇଡିଏଫ୍‌) ଯୋଜନାରେ ଶତାଧିକ ପିଡବ୍ଲ୍ୟୁଏସ୍‌ କାର୍ଯ୍ୟକାରୀ ହେଉଛି। ପିଡବ୍ଲ୍ୟୁଏସ୍‌ ପିଛା ପ୍ରାୟ ୫୦ ଲକ୍ଷରୁ ୨ କୋଟି ୫୦ ଲକ୍ଷ ଟଙ୍କା ପର୍ଯ୍ୟନ୍ତ ଖର୍ଚ୍ଚ ହେଉଛି। କିନ୍ତୁ ଦାୟିତ୍ୱରେ ଥିବା ଅଧିକାରୀ ଓ ଠିକାଦାରଙ୍କ ଅବହେଳା ସହ ଆନ୍ତରିକତାର ଅଭାବ ଯୋଗୁ ପ୍ରକଳ୍ପଗୁଡିକ ନିର୍ଦ୍ଧାରିତ ସମୟରେ ସମ୍ପୂର୍ଣ୍ଣ ହୋଇ ପାରିନାହିଁ। ଏହି କ୍ରମରେ ଅନୁଗୋଳ ଡିଭିଜନରେ ୧୬, ଆଠଗଡରେ ୪, ବାଲେଶ୍ୱରରେ ୫୨, ବରଗଡ଼ରେ ୪୭, ବାରିପଦାରେ ୨୧, ବ୍ରହ୍ମପୁରରେ ୨୨, ଭଦ୍ରକରେ ୪୫, ଭଞ୍ଜନଗରରେ ୧୯, ଭୁବନେଶ୍ୱରରେ ୧୭, ବଲାଙ୍ଗୀରରେ ୬୦, ବୌଦ୍ଧରେ ୧, କଟକରେ ୨୭, ଦେବଗଡ଼ରେ ୧, ଢେଙ୍କାନାଳରେ ୧୩, ଗଜପତିରେ ୩, ଜଗତ୍‌ସିଂହପୁରରେ ୭, ଯାଜପୁରରେ ୯୫, କଳାହାଣ୍ଡିରେ ୫୦, ଫୁଲବାଣୀରେ ୪୮, କେନ୍ଦ୍ରାପଡ଼ାରେ ୩୭, କୋରାପୁଟରେ ୭, ମାଲକାନଗିରିରେ ୨, ନବରଙ୍ଗପୁରରେ ୩, ନୟାଗଡ଼ରେ ୫୦, ନୂଆପଡ଼ାରେ ୭, ପୁରୀରେ ୨୧, ରାଇରଙ୍ଗପୁରରେ ୯, ରାୟଗଡ଼ାରେ ୧୩, ରାଉରକେଲାରେ ୨୬, ସମ୍ବଲପୁରରେ ୧୦, ସୁବର୍ଣ୍ଣପୁରରେ ୨୩ ଓ ସୁନ୍ଦରଗଡ଼ ଡିଭିଜନରେ ୩ ପ୍ରକଳ୍ପ ଅସମ୍ପୂର୍ଣ୍ଣ ରହିଛି।

ଏହାବାଦ୍‌ ପୂର୍ବରୁ ନିର୍ମାଣ ହୋଇଥିବା ଅଧିକାଂଶ ପ୍ରକଳ୍ପ ସ୍ଥାନୀୟ ଲୋକଙ୍କ ଚାହିଦା ପୂରଣ କରିପାରୁ ନାହିଁ ା ପ୍ରାୟ ୮୦% ସୌରଚାଳିତ ପାଇପ୍‌ ଜଳଯୋଗାଣ ପ୍ରକଳ୍ପ ଅଚଳ ହୋଇପଡିଛି। କେତେକ ସ୍ଥାନରେ ପ୍ରକଳ୍ପ ଅଚଳ ରହୁଥିଲେ ମଧ୍ୟ ଦାୟିତ୍ୱରେ ଥିବା ଅଧିକାରୀମାନେ ସରକାରଙ୍କୁ ଭୁଲ ରିପୋର୍ଟ ଦେଇ ବିଭ୍ରାନ୍ତ କରୁଥିବା ଅଭିଯୋଗ ହୋଇଛି। ଏ ସଂକ୍ରାନ୍ତରେ ଯାଜପୁର ଜିଲା ଗ୍ରାମ୍ୟ ଜଳ ଯୋଗାଣ ଓ ପରିମଳ ଖଣ୍ଡୀୟ ନିର୍ବାହୀଯନ୍ତ୍ରୀ ଅମିୟ କୁମାର ପରିଜାଙ୍କୁ ଫୋନ୍‌ ଯୋଗେ ଯୋଗାଯୋଗ କରାଯାଇଥିଲା। କିନ୍ତୁ ସେ ଫୋନ୍‌ ରିସିଭ ନ କରିବାରୁ ତାଙ୍କ ମତାମତ ମିଳିପାରି ନାହିଁ ା


Enter your email to get our daily news in your inbox.

All Right Reserved By Dharitri.Com

ବିଧାୟକ ସୁଧୀର ସାମଲଙ୍କୁ କରୋନା

ଭୁବନେଶ୍ୱର,୧୪।୯(ବ୍ୟୁରୋ): ଢେଙ୍କାନାଳ ବିଧାୟକ ସୁଧୀର ସାମଲ କରୋନାରେ ଆକ୍ରାନ୍ତ ହୋଇଛନ୍ତିି। ଏ ନେଇ ସେ ନିଜେ ସୋମବାର ଟୁଇଟ୍‌ କରି ସୂଚନା ଦେଇଛନ୍ତି। ଟୁଇଟ୍‌ରେ ସେ...

ମାଓବାଦୀ ଗିରଫ: ୪ ବଡ ଧରଣର ହିଂସାକାଣ୍ଡରେ ସମ୍ପୃକ୍ତି

ମାଲକାନଗିରି, ୩।୬(ଡି.ଏନ୍‌.ଏ./ସ୍ବ.ପ୍ର.) ମାଥିଲି ଥାନା ପୋଲିସ ଓ ବିଏସ୍‌ଏଫ୍‌ ରବିବାର ରାତିରେ ଜଣେ ମାଓବାଦୀଙ୍କୁ ଗିରଫ କରିଛି। ସେ ହେଲେ ମାଥିଲି ଥାନା ତୁଳସୀ ପାହାଡ...

ଘର ଭାଙ୍ଗିଲା, ବୃଦ୍ଧାଙ୍କୁ ଦଳି ମାରିଲା ହାତୀ

ଖପ୍ରାଖୋଲ,୧୧ା୪(ଡି.ଏନ.ଏ.): ବଲାଙ୍ଗୀର ଜିଲା ଖପ୍ରାଖୋଲ ବ୍ଲକ ଅଞ୍ଚଳରେ ହାତୀ ଉପଦ୍ରବ ଦେଖାଦେଇଛି। ବ୍ଲକ ଅନ୍ତର୍ଗତ ହନୁପାଲି ଗାଁରେ ଶୁକ୍ରବାର ବିଳମ୍ବିତ ରାତିରେ ହାତୀ ଆକ୍ରମଣରେ ଜଣେ...

୫ ବର୍ଷ ପରେ ଘରକୁ ଫେରିଲେ ନାବାଳିକା: ଚୋରା ଚାଲାଣ ର଼୍ୟାକେଟର ପର୍ଦ୍ଦାଫାଶ, ଦଲାଲ ଗିରଫ

ବଡବିଲ, ୧୫।୫(ସ୍ବ.ପ୍ର.)-କେନ୍ଦୁଝର ଜିଲାରେ ନାବାଳିକା ଚାଲାଣ ର଼୍ୟାକେଟ୍‌ କିଭଳି ସକ୍ରିୟ ରହିଛି ତାହାର ଏକ ନଜିର ପଦାକୁ ଆସିଛି। ବଲାଣୀ ଥାନା ଅଞ୍ଚଳର ଜଣେ ନାବାଳିକାଙ୍କୁ...

ଅନ୍‌ଲାଇନ ପରୀକ୍ଷା ଦାବିରେ ଓଏସ୍‌ଏମ୍‌ଇ ଛାତ୍ରୀଛାତ୍ରଙ୍କ ବିକ୍ଷୋଭ

କେନ୍ଦୁଝର, ୩୦।୩(ସ୍ବ.ପ୍ର.): କେନ୍ଦୁଝର ଜିଲା ଓଡିଶା ଖଣି ଓ ଯାନ୍ତ୍ରିକ ବିଦ୍ୟାଳୟ(ଓଏସ୍‌ଏମ୍‌ଇ)ର ଛାତ୍ରୀଛାତ୍ରମାନେ ଅନ୍‌ଲାଇନରେ ପରୀକ୍ଷା ଦାବିରେ ମଙ୍ଗଳବାର ବିଦ୍ୟାଳୟ ସମ୍ମୁଖରେ ବିକ୍ଷୋଭ ପ୍ରଦର୍ଶନ କରିଛନ୍ତି।...

ଫୁଲବାଣୀରେ ଆରମ୍ଭ ହେଲା କଳିଙ୍ଗ ହର୍ବାଲ ମେଳା

ଫୁଲବାଣୀ ଅଫିସ,୧୯ା୧୨-କନ୍ଧମାଳ ଜିଲା ଫୁଲବାଣୀସ୍ଥିତ କରୋନେସନ ପଡିଆରେ ମଙ୍ଗଳବାର ସନ୍ଧ୍ୟାରେ ଆଞ୍ଚଳିକ କଳିଙ୍ଗ ହର୍ବାଲ ମେଳା ଉଦ୍‌ଘାଟିତ ହୋଇଯାଇଛି। ରାଜ୍ୟ ମେଡିଶିନାଲ ପ୍ଲାଣ୍ଟ ବୋର୍ଡ ପକ୍ଷରୁ...

ଜାତୀୟ ରାଜପଥ ପୋଲ ପଥଚାରୀଙ୍କ ପାଇଁ ପାଲଟିଛି ମରଣଯନ୍ତା

ଚଣ୍ଡିଖୋଲ,୮ା୮(ଡି.ଏନ.ଏ): ଜାତୀୟ ରାଜପଥରେ କେନ୍ଦ୍ର ସରକାର ଟୋଲ ଗେଟ ସ୍ଥାପନ କରି ରାଜପଥ ପାଇଁ ଟୋଲ ଟିକସ ଆଦାୟ କରୁଥିଲାବେଳେ ଏହାର ମରାମତି ପାଇଁ ଆଦୌ...

‘ଅଧା ବାଟରେ ଛାଡ଼ିବୁନି ହାତ ମୋର’

ଭୁବନେଶ୍ୱର,୧୧।୨: ଭ୍ୟାଲେଣ୍ଟାଇନ୍‌ ସପ୍ତାହର ଆଜି ପଞ୍ଚମ ଦିନ ଅର୍ଥାତ ପ୍ରୋମିସ୍‌ ଡେ(ପ୍ରତିଶ୍ରୁତି ଦିବସ)। ପ୍ରେମୀଯୁଗଳ ମାନେ ନିଜ ନିଜ ସାଥୀଙ୍କୁ ଏହି ଦିନରେ ପ୍ରତିଶ୍ରୁତି ଦେଉଛନ୍ତି।...

Advertisement
Archives

Model This Week