ଉତ୍ତରପ୍ରଦେଶର ପ୍ରତାପଗଡ଼ ସଦର ତହସିଲ ଗେଟ୍ ନିକଟରେ ଥିବା ଏକ ପାଣିଟାଙ୍କି ଉପରେ ଚଢ଼ି ଜଣେ ଯୁବକ ଏମିତି ଡ୍ୟାନ୍ସ କରିଛନ୍ତି ଯାହା ଏବେ ସୋସିଆଲ ମିଡିଆରେ ଭାଇରାଲ ହେବାରେ ଲାଗିଛି।
ଏହି ମାମଲାରେ କୋତବାଲି ପୋଲିସ ଘଟଣାସ୍ଥଳରେ ପହଞ୍ଚି ଯୁବକଙ୍କୁ ଟାଙ୍କି ଉପରୁ ଓହ୍ଲାଇଛି। ଏହି ଯୁବକ ଏହା ପୂର୍ବରୁ ଅନେକଥର ପାଣିଟାଙ୍କି ଉପରେ ଚଢ଼ି ହଇରାଣ କରିଛନ୍ତି। କୁହାଯାଉଛି, ନିଶାରେ ଥିବା ଏହି ଯୁବକ ଜଣକ ଶିଡ଼ି ଚଢ଼ି ୫୦ ଫୁଟର ପାଣିଟାଙ୍କି ଉପରକୁ ଚଢ଼ି ଡ୍ୟାନ୍ସ କରିଥିଲେ। ଏହା ଦେଖି ଲୋକେ ଭିଡିଓ କରିବାରେ ଲାଗ ପଡ଼ିଥିଲେ। କେହି ଜଣେ ଏହି ଭିଡିଓକୁ ସୋସିଆଲ ମିଡିଆରେ ଭାଇରାଲ କରି ଦେଇଛନ୍ତି।
ଭିଡିଓରେ ଦେଖିବାକୁ ମିଳିଛି, ଯୁବକ ଜଣକ ପାଣି ଟାଙ୍କି ଉପରକୁ ଚଢ଼ି ମୋବାଇଲରେ ଗୀତ ବଜାଇ ନାଚୁଛନ୍ତି। ଖବର ପାଇ ପୋଲିସ ସଠିକ୍ ସମୟରେ ପହଞ୍ଚିଯିବାରୁ ନିଶାଡ଼ି ଯୁବକଙ୍କ ଜୀବନ ରକ୍ଷା ହୋଇଗଲା। ନଚେତ୍ କ’ଣ ଘଟିଥାନ୍ତା ତାହା କହି ହେଉନାହିଁ ବୋଲି ପ୍ରତ୍ୟକ୍ଷଦର୍ଶୀ କହିଛନ୍ତି।
