ୱାଶିଂଟନ,୨୩।୧୧: ଜଣେ ଆମେରିକୀୟ ମହିଳା ତାଙ୍କ ବିବାହ ପରଠାରୁ ପ୍ରାୟ ପ୍ରତିବର୍ଷ ଗର୍ଭବତୀ ହୋଇ ଆସୁଛନ୍ତି। ଖୁବଶୀଘ୍ର ତାଙ୍କର ଦ୍ୱାଦଶ ସନ୍ତାନକୁ ଜନ୍ମ ଦେବାକୁ ଯାଉଛନ୍ତି। ତେବେ ମହିଳା ଏଥିପାଇଁ ଅନେକ ସମାଲୋଚନାର ସମ୍ମୁଖୀନ ହୋଇଛନ୍ତି। ତାଙ୍କୁ ସୋସିଆଲ ମିଡିଆରେ ମଧ୍ୟ ଟ୍ରୋଲ କରାଯାଇଛି। କିନ୍ତୁ ଏହା ତାଙ୍କ ପାଇଁ କିଛି ଗୁରୁତ୍ୱପୂର୍ଣ୍ଣ ନୁହେଁ। କୋର୍ଟନି ରୋଜର୍ସ ନାମକ ଏହି ମହିଳା ତାଙ୍କ ବିବାହ ପରଠାରୁ ଗର୍ଭନିରୋଧକ ବ୍ୟବହାର କରିନାହାଁନ୍ତି।
ଆମେରିକାର ନ୍ୟୁ ମେକ୍ସିକୋ ଅଞ୍ଚଳରେ ରହୁଥିବା କୋର୍ଟନି ରୋଜର୍ସର ଇନଷ୍ଟାଗ୍ରାମରେ ୨୯ ହଜାର ଫଲୋଅର୍ସ ଅଛନ୍ତି। ଏତେ ସଂଖ୍ୟକ ସନ୍ତାନ ଜନ୍ମ ଦେଇଥିବାରୁ ତାଙ୍କୁ ନିରନ୍ତର ସମାଲୋଚନାର ସମ୍ମୁଖୀନ ହେବାକୁ ପଡୁଛି। ୩୭ ବର୍ଷୀୟ କୋର୍ଟନି, ପାଦରି କ୍ରିସଙ୍କୁ ବିବାହ କରିଥିଲେ ଏବଂ ସେବେଠାରୁ ପ୍ରତିବର୍ଷ ଗର୍ଭବତୀ ହୋଇଥିଲେ। ଦ୍ୱାଦଶ ଥର ପାଇଁ କୋର୍ଟନି ମା’ ହେବାକୁ ଯାଉଛନ୍ତି ଏବଂ ଆସନ୍ତା ମାର୍ଚ୍ଚରେ ତାଙ୍କର ପ୍ରସବ ତାରିଖ ରହିଛି।
ଏହି ଦମ୍ପତି ଏପର୍ଯ୍ୟନ୍ତ ୧୧ଟି ସନ୍ତାନ ଜନ୍ମ ଦେଇଛନ୍ତ। କ୍ଲିଣ୍ଟ, କ୍ଲେ, କେଡ, କ୍ୟାଲି, କ୍ୟାଶ, କଲ୍ଟ, କେସ, କୈଲିନା, କୌରାଲି ଏବଂ କ୍ୟାରିସ। ଏଥିମଧ୍ୟରୁ ଜ୍ୟେଷ୍ଠ ସନ୍ତାନର ବୟସ ଏଗାର ବର୍ଷ ଏବଂ ସାନପୁଅର ବୟସ ପ୍ରାୟ ଏକ ବର୍ଷ। କୋର୍ଟନକହିଛନ୍ତି ଯେ ସେ ନିଜେ ତାଙ୍କର ସମସ୍ତ ପିଲାମାନଙ୍କର ଯତ୍ନ ନିଅନ୍ତି। ପିଲାମାନଙ୍କୁ ନିଜର ଚାଷଜମିରୁ ଅମଳ ପନିପରିବା ଖାଇବାକୁ ଦିଅନ୍ତି।
ରୋଜର୍ସଙ୍କ ସ୍ବାମୀ ଘର ଚଳାଇବା ସହିତ ଏକ ଚର୍ଚ୍ଚରେ କାମ କରନ୍ତି। ସେ କହିଥିଲେ ଯେ ସେ ସର୍ବଦା ଜଣେ ମା ହେବାକୁ ଚାହାଁନ୍ତି ଏବଂ ତାଙ୍କ ସ୍ବାମୀ ତାଙ୍କ ମା’ (କୋର୍ଟନିଙ୍କ ଶାଶୁ) ଙ୍କ ପରି ଅତି କମରେ ୧୦ଟି ସନ୍ତାନ ପ୍ରସବ କରିବାକୁ ପରାମର୍ଶ ଦେଇଛନ୍ତି। ତେବେ,ଏବେ ଏହି ସଂଖ୍ୟା ବୃଦ୍ଧି ପାଇଛି। କୋର୍ଟନି କହିଛନ୍ତି, ମୋର ଦଶମ ସନ୍ତାନ ଜନ୍ମ କରିବା ପରେ ମଧ୍ୟ ମୁଁ ପୂର୍ବ ପରି ଛୋଟ ଦେଖାଯାଉଥିଲି, ତେଣୁ ମୁଁ ୧୦ ବଦଳରେ ଏକ ଡଜନ ପିଲାଙ୍କ ମା’ ବୋଲି କହିବାକୁ ସ୍ଥିର କଲି।
