ପୂରଣ ହୋଇପାରିନି ଟିକା ଟାର୍ଗେଟ୍‌

ଅନୁଗୋଳ ଅଫିସ, ୧୩ା୪ ଅନୁଗୋଳ ଜିଲାରେ ଧିମେଇ ଚାଲିଛି କରୋନା ଟିକାକରଣ। କୋଭିଡ୍‌ ଯୋଦ୍ଧାଙ୍କଠାରୁ ଆରମ୍ଭ କରି ବୟସ୍କଙ୍କ ଯାଏ, ପ୍ରତିଟି ବର୍ଗରେ ଟିକାଦାନ ପଛୁଆ ରହିଛି। ଏପରିକି ଜିଲାକୁ ଦିଆଯାଇଥିବା ସମସ୍ତ କୋଭିଶିଲ୍ଡ ଡୋଜ୍‌ ଏପ୍ରିଲ୍‌ ୧୧ ତାରିଖ ସୁଦ୍ଧା ଶେଷ କରିବାକୁ ରାଜ୍ୟ ସରକାରଙ୍କ ପକ୍ଷରୁ ଦିଆଯାଇଥିବା ଟାର୍ଗେଟ୍‌କୁ ମଧ୍ୟ ପୂରଣ କରାଯାଇପାରି ନାହିଁ। ଫଳରେ ଏଯାଏ ଜିଲା ପ୍ରଶାସନ ପକ୍ଷରୁ ଏ ନେଇ ସରକାରଙ୍କୁ ରିପୋର୍ଟ ପଠାଯାଇ ନ ଥିବା ସୂଚନା ମିଳିଛି।
ସରକାରୀ ତଥ୍ୟ ଅନୁଯାୟୀ, ଏପ୍ରିଲ ୧୧ ତାରିଖ ସୁଦ୍ଧା ପ୍ରତି ଜିଲାର ଜିଲାପାଳ ଓ ଜିଲା ମୁଖ୍ୟ ଚିକିତ୍ସାଧିକାରୀଙ୍କୁ ରାଜ୍ୟ ସ୍ବାସ୍ଥ୍ୟ ବିଭାଗ ପକ୍ଷରୁ କୋଭିଶିଲ୍ଡ ଟିକା ସାରିବାକୁ ନିର୍ଦ୍ଦେଶ ଦିଆଯାଇଥିଲା। ଏ ସମ୍ପର୍କିତ ରିପୋର୍ଟ ଦାଖଲ କରିବାକୁ ମଧ୍ୟ କୁହାଯାଇଥିଲା। କିନ୍ତୁ ଅନୁଗୋଳ ଜିଲାରେ ଗତ ୧୧ ତାରିଖ ସୁଦ୍ଧା ୫ଶହ ଭାଏଲ ଶୀତଳଭଣ୍ଡାରରେ ମହଜୁଦ ରହିଥିଲା। ଏଥିରେ ୫ ହଜାର ଲୋକଙ୍କୁ ଟିକାକରଣ କରାଯାଇପାରିଥାନ୍ତା। ଟିକା ଅଭାବ ଯୋଗୁ ରାଜ୍ୟର କେତେକ ଜିଲାରେ ଟିକାଦାନ ପ୍ରକ୍ରିୟା ବାଧାପ୍ରାପ୍ତ ହୋଇଥିବା ବେଳେ ଅନୁଗୋଳ ଜିଲାକୁ ଆସିଥିବା ୧୦ ହଜାର ୩୩୬ ଭାଏଲ୍‌ ମଧ୍ୟରୁ ୫ଶହ ଭାଏଲ ବଳକା ରହିବା ଟିକାଦାନର ଧୀର ଗତିକୁ ଦର୍ଶାଉଛି। ଏହାଛଡ଼ା ଜିଲାର ୨ଲକ୍ଷ ୨୦ ହଜାରରୁ ଊର୍ଦ୍ଧ୍ୱ କରୋନା ଯୋଦ୍ଧାଙ୍କୁ ଟିକା ଦିଆଯିବ ବୋଲି ସରକାରଙ୍କୁ ଅବଗତ କରାଯାଇଥିଲେ ମଧ୍ୟ ମାତ୍ର ୬୯ ହଜାର ୯୨୪ ଜଣଙ୍କୁ ଟିକା ଲଗାଯାଇଛି। ସେହିପରି ଜିଲାରେ ମୋଟ୍‌ ୧୩ ଲକ୍ଷ ୪୦ ହଜାର ଲୋକ ଥିବାବେଳେ ୪୫ ବର୍ଷରୁ ଊର୍ଦ୍ଧ୍ୱ ୧୧ ପ୍ରତିଶତ ଲୋକ ଟିକା ନେବେ ବୋଲି ସରକାରଙ୍କୁ ରିପୋର୍ଟ ପ୍ରଦାନ କରାଯାଇଛି। ହେଲେ ଜିଲାର ମୋଟ ୩୬ଟି କେନ୍ଦ୍ରରେ ଯେପରି ଗତିରେ ଟିକାଦାନ ଚାଲିଛି ତାହା କେବେ ପୂରଣ ହେବ ସେ ନେଇ ମଧ୍ୟ ସାଧାରଣରେ ପ୍ରଶ୍ନବାଚୀ ସୃଷ୍ଟି ହୋଇଛି। କେବଳ କରୋନା ଯୋଦ୍ଧାଙ୍କ ମଧ୍ୟରୁ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ୯୮୯୩ ଜଣ, ବନ୍ତଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ୪୪୨୫, ବଅଁରପାଳରେ ୫୮୭୪, ଛେଣ୍ଡିପଦାରେ ୯୦୧୦, ରାଜ କିଶୋରନଗରରେ ୪୬୩୧, ମାଧପୁରରେ ୭୦୩୩, କଣିହଁାରେ ୧୦,୬୨୧, ଖମାରରେ ୨୯୬୬, ଗୋଡ଼ିବନ୍ଧରେ ୬,୨୦୩, ପାଲଲହଡ଼ା ଉପଖଣ୍ଡ ଚିକିତ୍ସାଳୟରେ ୧୩୯୭, ତାଳଚେରରେ ୩୮୭୧, ଆଠମଲ୍ଲିକରେ ୧୯୩୮ ଜଣଙ୍କୁ ଟିକା ପ୍ରଦାନ କରାଯାଇଛି। ସେହିପରି ଘରୋଇ ହସ୍ପିଟାଲ ସାମଲ କେୟାରରେ ୧୦୫୯ ଜଣ, ଜେଏସ୍‌ପିଏଲ ପ୍ରାଇଭେଟ୍‌ ଲିମିଟେଡରେ ୨୧୪, ସୁରେନ୍ଦ୍ର ହସ୍ପିଟାଲରେ ୨୪୨, ନାଲ୍‌କୋ ହସ୍ପିଟାଲରେ ୩୧୦, କ୍ରିଷ୍ଣା ହସ୍ପିଟାଲରେ ୨ ଓ କ୍ରିଷ୍ଣା କ୍ଲିନିକରେ ୧୯୦ ଜଣ କରୋନା ଯୋଦ୍ଧାଙ୍କୁ ଟିକା ଦିଆଯାଇଛି। ୪୫ ବର୍ଷରୁ ଊର୍ଦ୍ଧ୍ୱ ଲୋକଙ୍କ ମଧ୍ୟରୁ ଅନୁଗୋଳ ଜିଲା ମୁଖ୍ୟ ଚିକିତ୍ସାଳୟରେ ୧୫,୨୨୨, ବନ୍ତଳା ଗୋଷ୍ଠୀ ସ୍ବାସ୍ଥ୍ୟକେନ୍ଦ୍ରରେ ୬୭୧୧, ବଅଁରପାଳରେ ୯୩୧୪, ଛେଣ୍ଡିପଦାରେ ୧୧,୦୧୮, ରାଜ କିଶୋରନଗରରେ ୫୯୧୨, ମାଧପୁରରେ ୯୧୪୯, କଣିହଁାରେ ୧୨,୯୫୧, ଖମାରରେ ୪୪୭୨, ଗୋଡ଼ିବନ୍ଧରେ ୧୦,୩୮୪, ପାଲଲହଡ଼ା ଉପଖଣ୍ଡ ଚିକିତ୍ସାଳୟରେ ୧୪୬୩, ତାଳଚେରରେ ୪୧୯୨, ଆଠମଲ୍ଲିକରେ ୨୨୯୫ ଜଣଙ୍କୁ ଟିକା ଲଗାଯାଇଛି। ସାମଲ କେୟାର ହସ୍ପିଟାଲ୍‌ରେ ୧୦୫୯, ଜେଏସ୍‌ପିଏଲ ପ୍ରାଇଭେଟ୍‌ ଲିମିଟେଡ୍‌ରେ ୨୧୪, ସୁରେନ୍ଦ୍ର ହସ୍ପିଟାଲରେ ୨୪୨, ନାଲ୍‌କୋ ହସ୍ପିଟାଲରେ ୩୧୦, କ୍ରିଷ୍ଣା ହସ୍ପିଟାଲରେ ୧୦ ଓ କ୍ରିଷ୍ଣା କ୍ଲିନିକରେ ୧୯୧ ଜଣଙ୍କୁ ଗତ ୧୧ ତାରିଖ ସୁଦ୍ଧା ଟିକା ପ୍ରଦାନ କରାଯାଇଛି।
ଜିଲାରେ ବନ୍ଦ ହୋଇନି ଟିକାକରଣ
ଅନୁଗୋଳରେ କରୋନା ଟିକାଦାନ ପ୍ରକ୍ରିୟା ଜାରି ରହିଛି। ମିଳିଥିବା ଟିକା ଶେଷ ହୋଇ ନ ଥିବାରୁ ଏହା ଲୋକଙ୍କୁ ପ୍ରଦାନ କରାଯାଉଛି। କିନ୍ତୁ ତୁରନ୍ତ ଅଧିକ ଭାଏଲ ଜିଲାକୁ ଯୋଗାଇ ଦିଆ ନ ଗଲେ ୩୬ଟି ସେଣ୍ଟରରେ ଟିକାକରଣ କାର୍ଯ୍ୟ ବନ୍ଦ ହୋଇଯିବା ସମ୍ଭାବନା ରହିଛି।
-ଅଭୟ କୁମାର ଦାଶ, ଜିଲା ମୁଖ୍ୟ ଚିକିତ୍ସାଧିକାରୀ
ପ୍ରଶାସନର ଅବହେଳା ଗ୍ରହଣୀୟ ନୁହେଁ
ରାଜ୍ୟର ବିଭିନ୍ନ ଜିଲାରେ ଟିକା ଅଭାବ ଦେଖାଦେଇଛି। ସେସବୁ ଜିଲାକୁ ଅଧିକ ଡୋଜ୍‌ ପଠାଯିବାକୁ ଦାବି ହେଉଛି। କିନ୍ତୁ ଅନୁଗୋଳ ଜିଲା ପ୍ରଶାସନ ମିଳିଥିବା ଟିକା ସାରିପାରି ନାହିଁ। ଲୋକେ ଆଗ୍ରହ ଦେଖାଉଥିବା ବେଳେ ପ୍ରଶାସନର ଅବହେଳା ଗ୍ରହଣୀୟ ନୁହେଁ।
-ମୀତାରାଣୀ ପ୍ରଧାନ, ଅନୁଗୋଳ
ଜିଲାବାସୀ ସଙ୍କଟରେ ପଡ଼ିବା ଆଶଙ୍କା
ଟିକାଦାନରେ ଧାର୍ଯ୍ୟ ଲକ୍ଷ୍ୟ ପୂରଣ କରିଥିବା ଓ ଅଭାବରେ ଥିବା ଜିଲାକୁ ଅଧିକ ଟିକା ମିଳିବାର ସମ୍ଭାବନା ରହିଛି। ଅନୁଗୋଳ ଜିଲା ପ୍ରଶାସନ ଲକ୍ଷ୍ୟ ପୂରଣ କରିପାରି ନ ଥିବାରୁ ଯଦି କମ୍‌ ଟିକା ମିଳେ ତା’ହେଲେ ଜିଲାବାସୀ ସଙ୍କଟରେ ପଡ଼ିଯିବା ଆଶଙ୍କା ରହିଛି।
-ଅକ୍ଷୟ ମହାରଣା, ଅନୁଗୋଳ
ଅପାରଗତା ଧରାପଡ଼ିଯାଇଛି
ଜିଲା ପ୍ରଶାସନ ପକ୍ଷରୁ ଟାଗେର୍ଟ ଦିଆଯାଇ ଟିକା ଅଣାଗଲା। କିନ୍ତୁ ଧିମା ଗତିରେ ଟିକାକରଣ ଯୋଗୁ ବହୁ ଲୋକ ଏଥିରୁ ବଞ୍ଚତ୍ତ ହୋଇଛନ୍ତି। ଟିକାଦାନ କ୍ଷେତ୍ରରେ ଜିଲା ସ୍ବାସ୍ଥ୍ୟ ବିଭାଗର ଅପାରଗତା ଲୋକଙ୍କ ସମ୍ମୁଖରେ ଧରାପଡ଼ିଯାଇଛି।
-ଦେବାଶିଷ ମିଶ୍ର, ଅନୁଗୋଳ


Enter your email to get our daily news in your inbox.

All Right Reserved By Dharitri.Com

କମୁଛି ଜଳକା : ଦୁର୍ଦ୍ଦଶାରେ ୪୧ ଗାଁ ବାସିନ୍ଦା

ବସ୍ତା/ରୂପ୍‌ସା, ୨୪।୯(ଡି.ଏନ.ଏ.)-ବାଲେଶ୍ୱର ଜିଲାରେ ଲଗାଣ ବର୍ଷା ଯୋଗୁ ଜଳକା ନଦୀରେ ବୁଧବାର ଭୟଙ୍କର ବନ୍ୟା ପରିସ୍ଥିତି ଦେଖାଦେଇଥିଲା। ଗୁରୁବାର ଜଳସ୍ତର ବିପଦସଂକେତ ଉପରେ ପ୍ରବାହିତ ହେଉଥିଲେ...

ଖାଲି ପଡ଼ିଥିବା ଓଇଏସ୍‌ ପଦବୀ ତୁରନ୍ତ ପୂରଣ ଦାବି

ଭୁବନେଶ୍ୱର,୨୦।୧(ବ୍ୟୁରୋ): ଅଧିକାଂଶ ବ୍ଲକ୍‌ ଶିକ୍ଷାଧିକାରୀଙ୍କ କାର୍ଯ୍ୟାଳୟରେ ବହୁ ପଦବୀ ଖାଲି ପଡ଼ିଛି। ଖାଲି ପଡ଼ିଥିବା ବିଇଓ, ଏବିଇଓ, ବିଆର୍‌ସିସି ପଦବୀ ପୂରଣ କରାଯାଉ ନ ଥିବାରୁ...

ଚାଚେରୀ ବେଶରେ ଦର୍ଶନ ଦେଲେ ମହାପ୍ରଭୁ

ପୁରୀ ଅଫିସ,୫ା୩: ଶ୍ରୀମନ୍ଦିରରେ ବୁଧବାରଠାରୁ ଦୋଳପର୍ବ ଆରମ୍ଭ ହୋଇଛି। ମଧ୍ୟାହ୍ନ ଧୂପ ପରେ ୩ ବାଡ଼ରେ ମଇଲମ ହୋଇ ନୂଆଲୁଗା ଲାଗି କରାଯାଇଥିଲା। ପାଳିଆ ମେକାପ...

ମୁଖ୍ୟ ବିଚାରପତି ପାଇଁ ଏସ୍‌. ମୁରଲିଧରଙ୍କ ନାମ ସୁପାରିସ

କଟକ ଅଫିସ, ୧୬।୧୨: ଓଡ଼ିଶା ହାଇକୋର୍ଟର ପରବର୍ତ୍ତୀ ମୁଖ୍ୟ ବିଚାରପତି ପଦ ପାଇଁ ଏସ୍‌. ମୁରଲିଧରଙ୍କ ନାମକୁ ସୁପ୍ରିମ୍‌କୋର୍ଟଙ୍କ କଲେଜିୟମ୍‌ ସୁପାରିସ କରିଛନ୍ତି। ଆଇନ୍‌ ମନ୍ତ୍ରଣାଳୟର...

ସରଳ ହେବ ଜମିର କିସମ ପରିବର୍ତ୍ତନ

ଭୁବନେଶ୍ୱର,୭।୨(ବ୍ୟୁରୋ): କିସମ ପରିବର୍ତ୍ତନ ସରଳ ହେବ। ଲୋକମାନେ ଯେପରି କିସମ ପରିବର୍ତ୍ତନ କରିବା ସହ ନିଜର ସ୍ବତ୍ତ୍ୱ ଶୀଘ୍ର ପାଇ ପାରିବେ ସେ ନେଇ ପଦକ୍ଷେପ...

କୁନି ଛାତ୍ର ନିର୍ମାଣ କଲେ ସାନିଟାଇଜ୍‌ ମେଶିନ

ଗୋପ,୨୫ା୭(ଡି.ଏନ୍‌.ଏ): କରୋନାକୁ ନେଇ ସାରା ଦେଶ ଔଷଧ ପ୍ରସ୍ତୁତ ଲାଗି ଉଦ୍ୟମ ଜାରି ରଖିଛନ୍ତି। ଏଭଳି ସମୟରେ ସଂକ୍ରମଣରୁ ରକ୍ଷା ପାଇବା ପାଇଁ ପୁରୀ ଜିଲା...

ପୂର୍ବତଟ ରେଳପଥର ଭିଜିଲାନ୍ସ ବୁଲେଟିନ୍‌ ଉନ୍ମୋଚିତ

ଭୁବନେଶ୍ୱର, ୨ା୧୧(ବ୍ୟୁରୋ): ଦୁର୍ନୀତି ନିବାରଣ ସପ୍ତାହ ପାଳନ ଅବସରରେ ପୂର୍ବତଟ ରେଳପଥ ପକ୍ଷରୁ ଭିଜିଲାନ୍ସ ବୁଲେଟିନ ଉନ୍ମୋଚନ କରାଯାଇଛି। ଶୁକ୍ରବାର ଚନ୍ଦ୍ରଶେଖରପୁରସ୍ଥିତ ରେଳ ସଦନଠାରେ ଏକ...

୧୭ ଜିଲାରେ ଝଡ଼ବର୍ଷା ସମ୍ଭାବନା

ଭୁବନେଶ୍ୱର,୨୪ା୪(ବ୍ୟୁରୋ): ସମୁଦ୍ର ପତ୍ତନରୁ ୯ କି.ମି. ଉପରେ ଦକ୍ଷିଣରୁ ପଶ୍ଚିମକୁ ଏକ ବାୟୁ ପବାହିତ ହେଉଛି। ଏଥିସହିତ ମରାଠାୱାଡା, ଆଭ୍ୟନ୍ତରୀଣ କର୍ନାଟକ ଏବଂ ତାମିଲନାଡୁ ଉପକୂଳରେ...

Advertisement
Archives

Model This Week