ଫୁଲବାଣୀ ଅଫିସ, ୧୭।୪: ସ୍କୁଲରେ ପାଣି ସମସ୍ୟା ଦୀର୍ଘ ଦୁଇ ବର୍ଷ ଧରି ଲାଗି ରହିଥିଲା। ଏବେ ଖରାଦିନ। ପାଣି ପାଇଁ ପିଲାମାନେ ବହୁ ଅସୁବିଧାର ସମ୍ମୁଖିନ ହେଉଥିଲେ। ଖବର ପାଇ ସ୍ଥାନୀୟ ସରପଞ୍ଚ ଗଁାର କେତେଜଣ ଲୋକଙ୍କୁ ନେଇ ସ୍କୁଲରେ ଖରାପ ହୋଇ ପଡିଥିବା ନଳକୂପ ପାଖରେ ପହଞ୍ଚତ୍ ସଜାଡି ଥିଲେ। ଶେଷରେ ପାଣି ବାହାରିଲା ଏବଂ ପିଲାଙ୍କ ମୁହଁରେ ହସ ଫୁଟିଲା। କନ୍ଧମାଳ ଜିଲା ଫିରିଙ୍ଗିଆ ବ୍ଲକ ପବିଙ୍ଗିଆ ପଞ୍ଚାୟତର ଲାମପଦର ଗଁାରେ ଏଭଳି ଦେଖିବାକୁ ମିଳିଛି ା ସରପଞ୍ଚ ଲାଲମୋହନ କହଁରଙ୍କୁ ଏହି ପ୍ରଚେଷ୍ଟାକୁ ନେଇ ସବୁଠି ପ୍ରସଂଶା କରାଯାଉଛି ା
ଲାମପଦର ଉନ୍ନିତ ଉଚ୍ଚବିଦ୍ୟାଳୟ ପରିସରରେ ଦୁଇଟି ନଳକୂପ ରହିଛି ା ଦୀର୍ଘ ଦୁଇବର୍ଷ ହେବ ଏହି ନଳକୂପ ଅଚଳ ହୋଇ ପଡିଥିଲା। ବହୁବାର ଅଭିଯୋଗ ପରେ ମଧ୍ୟ ଏହା ମରାମତି ହୋଇପାରୁ ନ ଥିଲା ା ସରପଞ୍ଚ ହେବା ପୂର୍ବରୁ ଲାଲମୋହନ ଜଣେ ସାମାଜିକ କର୍ମୀ ଭାବରେ ଅଭିଯୋଗ କରି ଆସୁଥିଲେ ା ଚଳିତ ଥର ସରପଞ୍ଚ ହେବା ନିଜେ ମରାମତି ପାଇଁ ଅଣ୍ଟା ଭିଡିଲେ ା ଗଁାର ଯୁବକ ରଞ୍ଜିତ କହଁର, ଟୁଣିଆଁ କହଁର, ରାମବିଳାଶ କହଁର, ଇନ୍ଦ୍ରମଣି କହଁର ଏହି ନଳକୂପ ମରାମତି କାମରେ ସରପଞ୍ଚଙ୍କୁ ସାହାଯ୍ୟ କରିଥିଲେ ା ଶେଷରେ ମରାମତି କାର୍ଯ୍ୟ ଶେଷ ହେଲା ଏବଂ ପିଲା ପାଣି ପିଇଲେ ା ୧୯୧୪ରୁ ସ୍ଥାପିତ ଏହି ପୁରାତନ ବିଦ୍ୟାଳୟରେ ପ୍ରଥମରୁ ଦଶମ ଯାଏ ଶ୍ରେଣୀ ରହିଛି ା ମୋଟ ୧୩୮ ଛାତ୍ରୀଛାତ୍ର ଏଠାରେ ପାଠ ପଢୁଛନ୍ତି ା
