ଦେଶ ନିର୍ମାଣରେ ସିଏସ୍‌ଆର୍‌ର ଭୂମିକା
11:00 amMay 21, 2022May 21, 2022 / 21

ଭୁବନେଶ୍ୱର,୨୧।୫
ଦେଶର ଅଗ୍ରଣୀ ଆଇଟି କମ୍ପାନୀ ‘ଏଚ୍‌ସିଏଲ୍‌ ଟେକ୍ନୋଲୋଜିସ୍‌’ର ସହଯୋଗୀ ଅନୁଷ୍ଠାନ ଏଚ୍‌ସିଏଲ୍‌ ଫାଉଣ୍ଡେଶନ ପକ୍ଷରୁ ଏହାର କର୍ପୋରେଟ ସାମାଜିକ ଦାୟିତ୍ୱବୋଧ (ସିଏସ୍‌ଆର୍‌) କାର୍ଯ୍ୟକ୍ରମ ଜରିଆରେ ଏଚ୍‌ସିଏଲ୍‌ ଗ୍ରାଣ୍ଡ ପାନ୍‌ ଇଣ୍ଡିଆ ସିମ୍ପୋଜିୟମ-୨୦୨୨ର ୮ମ ସଂସ୍କରଣର ଶୁଭାରମ୍ଭ ଶୁକ୍ରବାର ସ୍ଥାନୀୟ ଏକ ବିଶ୍ୱବିଦ୍ୟାଳୟ ପରିସରରେ କରାଯାଇଛି। ଏହି ଅବସରରେ ଏଚ୍‌ସିଏଲ୍‌ ଫାଉଣ୍ଡେଶନର ନିର୍ଦ୍ଦେଶକ ନିଧି ପୁନଧିର, ସିଏସ୍‌ଓ୍ବାଇଡିର ଜଗଦାନନ୍ଦ,ବରିଷ୍ଠ ପ୍ରଶାସକ ଅରବିନ୍ଦ ବେହେରା ଏବଂ ନିରଜ କୁମାର ପ୍ରମୁଖ ବକ୍ତାଙ୍କୁ ନେଇ ଉକ୍ତ ଆଲୋଚନାଚକ୍ର ଅନୁଷ୍ଠିତ ହୋଇଥିଲା। ଏଥିରେ ଓଡ଼ିଶା ଓ ଏହାର ପଡ଼ୋଶୀ ରାଜ୍ୟର ବିଭିନ୍ନ ବର୍ଗର ୧୦୦ରୁ ଅଧିକ ଏନ୍‌ଜିଓଙ୍କୁ ଉକ୍ତ କର୍ମଶାଳାରେ ସାମିଲ କରାଯାଇଥିଲା। ଅପରପକ୍ଷରେ ଫାଉଣ୍ଡେଶନ ପକ୍ଷରୁ ଏକ ଜାତୀୟ ସ୍ତରର କର୍ମଶାଳାରେ ‘ଦେଶ ନିର୍ମାଣରେ ସିଏସ୍‌ଆର୍‌’ର ଭୂମିକା ଶୀର୍ଷକ ବିଷୟବସ୍ତୁ ଉପରେ ବିସ୍ତୃତ ଆଲୋଚନା କରାଯାଇଥିଲା। ଏହି ପରିପ୍ରେକ୍ଷୀରେ ନିଧି ପୁନଧିର କହିଥିଲେ, ସିଏସ୍‌ଆର୍‌ ଜରିଆରେ ଭାରତର ଚିତ୍ର (ଶିକ୍ଷା, ସ୍ବାସ୍ଥ୍ୟ ଓ ପରିବେଶ) ଓ ଏହାର ଗୋଷ୍ଠୀ ବିକାଶ ଯାତ୍ରା ସମ୍ପର୍କରେ ମୋଟାମୋଟି ଉପସ୍ଥାପନା ସହ ଗ୍ରାମ୍ୟ ବିକାଶ କ୍ଷେତ୍ରରେ ବିଭିନ୍ନ ସଂସ୍ଥାର ଉଲ୍ଲେଖନୀୟ କାର୍ଯ୍ୟ ଏବଂ ଏନ୍‌ଜିଓଗୁଡିକୁ ସମର୍ଥନ କରୁଥିବା ଏକ ଗୁରୁତ୍ୱପୂର୍ଣ୍ଣ ପ୍ରକଳ୍ପ ଏଚ୍‌ସିଏଲ୍‌ ଗ୍ରାଣ୍ଟ ସମ୍ପର୍କରେ ବିସ୍ତୃତ ଆଲୋକପାତ କରିଥିଲେ। ସେହିଭଳି କାର୍ଯ୍ୟକ୍ରମର ୮ମ ସଂସ୍କରଣରେ ମୋଟ ୧୬.୫ କୋଟି ଟଙ୍କାର ଅନୁଦାନ ପାଣ୍ଠି ଯୋଗାଇବାର ପ୍ରତିଶ୍ରୁତି ମଧ୍ୟ ଦିଆଯାଇଛି।