ନୂଆଦିଲ୍ଲୀ, ୯।୪: ରାଷ୍ଟ୍ରପତି ଦ୍ରୌପଦୀ ମୁର୍ମୁ ଶନିବାର ଆସାମର ତେଜପୁର ବାୟୁସେନା ଷ୍ଟେଶନରୁ ସୁଖୋଇ-୩୦ ଏମ୍କେଆଇ ଯୁଦ୍ଧବିମାନରେ ଉଡ଼ିଛନ୍ତି। ସେ ଏକ ମାଧ୍ୟାକର୍ଷଣ ନିରୋଧୀ ସୁଟ୍ ପିନ୍ଧିଥିବା ଦେଖାଯାଇଥିଲା। ଭାରତୀୟ ସଶସ୍ତ୍ର ବଳର ସର୍ବୋଚ୍ଚ କମାଣ୍ଡର ରାଷ୍ଟ୍ରପତି ପ୍ରାୟ ୩୦ ମିନିଟ୍ ଯୁଦ୍ଧବିମାନରେ ଉଡ଼ିଥିଲେ। ସେ ହିମାଳୟ ସମେତ ବ୍ରହ୍ମପୁତ୍ର ଓ ତେଜପୁର ଉପତ୍ୟକା ଦେଖିବାର ସୁଯୋଗ ପାଇଥିଲେ। ବହୁତ ଭଲ ଲାଗିଲା ବୋଲି ଅବତରଣ କରିବା ପରେ ରାଷ୍ଟ୍ରପତି ଖବରଦାତାମାନଙ୍କୁ କହିଛନ୍ତି। ୩ ଦିନିଆ ଆସାମ ଗସ୍ତରେ ଥିବା ରାଷ୍ଟ୍ରପତି ମୁର୍ମୁ ଶନିବାର ତେଜପୁରରେ ପହଞ୍ଚତ୍ବା ପରେ ତାଙ୍କୁ ଏୟାରବେସ୍ରେ ଏୟାର ମାର୍ଶାଲ ଏସ୍.ପି. ଧାରକର, ରାଜ୍ୟପାଳ ଗୁଲାବ ଚାନ୍ଦ୍ କାଟାରିଆ ଏବଂ ମୁଖ୍ୟମନ୍ତ୍ରୀ ହିମନ୍ତ ବିଶ୍ୱଶର୍ମା ସ୍ବାଗତ କରିଥିଲେ। ବାୟୁସେନା ଯବାନମାନେ ତାଙ୍କୁ ଗାର୍ଡ ଅଫ୍ ଅନର ଦେଇଥିଲେ। ପରେ ସେ ଫ୍ଲାଇଂ ସୁଟ୍ ପିନ୍ଧି ହ୍ୟାଙ୍ଗରରେ ପହଞ୍ଚତ୍ ଯୁଦ୍ଧବିମାନରେ ଚଢ଼ିଥିଲେ। ୧୦୬ ସ୍କ୍ବାଡ୍ରନ୍ର କମାଣ୍ଡିଂ ଅଫିସର ଗ୍ରୁପ୍ କ୍ୟାପ୍ଟେନ୍ ନବୀନ କୁମାର ଯୁଦ୍ଧବିମାନ ଉଡ଼ାଇଥିଲେ। ଏହା ସମୁଦ୍ର ପତ୍ତନଠାରୁ ୨ କିଲୋମିଟର ଉଚ୍ଚରେ ୮୦୦ କିଲୋମିଟର ବେଗରେ ଉଡ଼ିଥିଲା। ଯୁଦ୍ଧବିମାନରେ ଉଡ଼ିବାରେ ମୁର୍ମୁ ତୃତୀୟ ରାଷ୍ଟ୍ରପତି ଏବଂ ଦ୍ୱିତୀୟ ମହିଳା ରାଷ୍ଟ୍ରପତି।
