ସଜନାଗଡ, ୨୪।୧(ଡି.ଏନ.ଏ.) ବାଲେଶ୍ୱରରୁ ମୟୂରଭଞ୍ଜ ଜିଲାକୁ ସଂଯୋଗ କରିଥିବା ଶେରଗଡ଼-ନୀଳଗିରି-ଝରଣାଘାଟି ୧୯ନଂ. ରାଜ୍ୟ ରାଜପଥ ନୀଳଗିରି ନିକଟ ସଜନାଗଡ଼ ଦେଇ ଯାଇଥିବା ବଡ଼ ପୋଲ ବାଡା ସହ ୨୦ଫୁଟ ତଳକୁ ଅତଡା ଖସିଯାଇଛି। ରବିବାର ମୟୂରଭଞ୍ଜକୁ ସଂଯୋଗ କରୁଥିବା ଉକ୍ତ ପୋଲ ଉପରେ ଯାନବାହନ ଚଳାଚଳ ବନ୍ଦ କରିଦିଆଯାଇଛି। ଏସ୍ଡିଓ ଓ କନିଷ୍ଠଯନ୍ତ୍ରୀ ପହଞ୍ଚତ୍ ଅନୁଧ୍ୟାନ କରିବା ପରେ ଲୋକଙ୍କ ସୁରକ୍ଷାକୁ ଦୃଷ୍ଟିରେ ରଖି କେବଳ ୨ ଚକିଆ ଯାନକୁ ଯା’ଆସ ପାଇଁ ଅନୁମତି ମିଳିଥିବା ବେଳେ ଅନ୍ୟ ସମସ୍ତ ଯାନବାହାନ ଚଳାଚଳ ବନ୍ଦ କରାଯାଇଛି। ଏପରିକି ଆମ୍ବୁଲାନ୍ସ, ଦମକଳ ଗାଡ଼ି ଯାତାୟାତ ବନ୍ଦ କରାଯାଇଛି ା ଝିପି ଝିପି ବର୍ଷାରେ ରାସ୍ତା ବିଚ୍ଛିନ୍ନ ନ ହେବା ପାଇଁ ବାଲି ବସ୍ତା ପ୍ୟାକିଂ କରାଯାଉଛି। ଅତଡ଼ା ଖସିବା ସମୟରେ କାମ କରୁଥିବା ଶ୍ରମିକମାନେ ଅଳ୍ପକେ ବର୍ତ୍ତିଯାଇଛନ୍ତି। ବିଭାଗୀୟ ଅଧିକାରୀମାନେ ଜେନେରେଟର ବ୍ୟବସ୍ଥା କରାଇ ଅଧିକ ଶ୍ରମିକ ଲଗାଇ ବାଲିବସ୍ତା ପକାଇଛନ୍ତି ା
