ମୁମ୍ବାଇ: ବଲିଉଡ ଅଭିନେତା ସରମନ ଜୋଶୀ ବେଶ କିଛିଦିନ ହେବ ତାଙ୍କ ମୁଭି ‘କଗ୍ରାଚଲୈଶଂସ’କୁ ନେଇ ରହିଛନ୍ତି ଚର୍ଚ୍ଚାରେ । ଏହାଏକ ଗୁଜରାଟି ମୁଭି । ଏବେ ଏହାର ପ୍ରମୋଶନକୁ ନେଇ ସରମାନ ଏକ ଭିନ୍ନ ତରିକା ଆପଣାଇଛନ୍ତି । ଏହାକୁ ନେଇ ସେ ଏକ ଭିଡିଓ ଶେୟାର କରିଛନ୍ତି । ଏହି ଭିଡିଓରେ ସେ ସମସ୍ତଙ୍କ ଦୃଷ୍ଟି ଆକର୍ଷଣ କରିଛନ୍ତି । ଏହି ଭିଡିଓରେ ସରମନଙ୍କ ସହ ଆମିର ଖାଁ ଓ ଆର ମାଧବନ ବି ନଜର ଆସିଛନ୍ତି ।
ସରମନଙ୍କ ଦ୍ୱାରା ଶେୟାର କରାଯାଇଥିବା ଭିଡିଓ ସୋସିଆଲ ମିଡିଆରେ ଖୁବ୍ ଭାଇରାଲ ହେଉଛି । ଏହି ଭିଡିଓରେ ବେଶ କିଛି ଦିନର ବ୍ୟବଧାନ ପରେ ଥ୍ରୀ-ଇଡିଅଟ୍ସର ଯୋଡିଙ୍କୁ ଦେଖିବାକୁ ମିଳିଛି । ଆଉ ଏମାନଙ୍କୁ ଏକାଠି ଦେଖିବା ପରେ ପ୍ରଶଂସକମାନେ ଖୁସିରେ ଝୁମି ଉଠିଛନ୍ତି । ଶେୟାର କରାଯାଇଥିବା ଭିଡିଓରେ ଦେଖାଯାଇଛି ସରମନ ଏକ ଭିଡିଓ ଆରମ୍ଭ କରିବାକୁ ଯାଉଛନ୍ତି, ଯେଉଁଥିରେ ସେ ତାଙ୍କ ମୁଭି ‘କଗ୍ରାଚଲୈଶଂସ’ର ପ୍ରମୋଶନ କରିବାକୁ ଯାଉଛନ୍ତି । ଆଉ ଆରମ୍ଭରୁ ମାତ୍ର କେଇ ସେକେଣ୍ଡ ମଧ୍ୟରେ ଏଣ୍ଟ୍ରି ମାରିଛନ୍ତି ଅଭିନେତା ଆର ମାଧବନ । ସେଠାରେ ସେ ପହଞ୍ଚି ସରମାନଙ୍କୁ କ’ଣ କରୁଛ ବୋଲି ପଚାରିଛନ୍ତି । ସରମନ କହିଛନ୍ତି, ମୁଁ ମୋ ଫିଲ୍ମର ପ୍ରମୋଶନ କରିବାକୁ ଏକ ଭିଡିଓ କରୁଛି । ଏତିକିରେ ମାଧବନ ସାଇଡ ହୋଇଯାଇ କହୁଛନ୍ତି, ହଉ ଆରମ୍ଭ କର । ପୁଣିଥରେ ସରମନ ତାଙ୍କ ମୁଭିର ପ୍ରମୋଶନ ଭିଡିଓ ଆରମ୍ଭ କରୁଛନ୍ତି, ହେଲେ ଏଥର ବି ଠିକ୍ ପୂର୍ବପରି ଅଭିନେତା ଆମିର ଖାଁ ଏଣ୍ଟ୍ରି ମାରୁଛନ୍ତି ଆଉ ସମାନ ପ୍ରଶ୍ନ ପ୍ରଚାରୁଛନ୍ତି । ଆଉ ସରମନଙ୍କୁ ଡିଷ୍ଟର୍ବ କରୁଛନ୍ତି । ଏବେ ଏହି ଭିଡିଓଟି ସରମନ ସୋସିଆଲ ମିଡିଆରେ ଶେୟାର କରିବା ପରେ ଦର୍ଶକେ ଏକାଠି ରାଜୁ, ରାଂଚୋ ଓ ଫରହାନଙ୍କୁ ଦେଖି ଖୁସି ହୋଇଯାଇଛନ୍ତି ।
