ପାଟକୁରା,୨୦ା୮(ଡି.ଏନ୍.ଏ.): କେନ୍ଦ୍ରାପଡ଼ା ଜିଲା ପାଟକୁରା ଥାନା ଅନ୍ତର୍ଗତ ମାଣ୍ଡିଆ ଗ୍ରାମର ଜଣେ ବ୍ୟକ୍ତି ଶନିବାର ମଧ୍ୟାହ୍ନରେ ଗାଧୋଉଥିବା ବେଳେ ଭାସି ଯାଇଛନ୍ତି। ନିଖୋଜ ବ୍ୟକ୍ତି ଜଣକ ହେଲେ ମାଣ୍ଡିଆ ଗ୍ରାମର ଟହଲି ଚରଣ ସାହୁ(୮୦)। ଆଜି ଟହଲି ତାଙ୍କ ଭାଇ ସୁର ସାହୁଙ୍କ ସହ ମିଶି କଣ୍ଡିଆରେ ଥିବା ପଘାର ମଶାଣି ଦଣ୍ଡା ନିକଟରେ ଗାଧୋଉଥିଲେ। ହଠାତ୍ ଟହଲି ପାଣିରେ ବୁଡ଼ି ଯାଇଥିଲେ। ବନ୍ୟାଜଳର ସ୍ରୋତ ଅଧିକ ଥିବାରୁ ତାଙ୍କୁ ତାଙ୍କ ଭାଇ ସୁର ଉଦ୍ଧାର କରି ପାରି ନ ଥିଲେ। ନୈନ୍ଦପୁର ଅଗ୍ନିଶମ ବିଭାଗକୁ ଖବର ଦେବାରୁ ଅଗ୍ନିଶମ ବାହିନୀ କର୍ମଚାରୀମାନେ ପହଞ୍ଚି ପାଓ୍ବାର ବୋଟ୍ ଯୋଗେ ଖୋଜାଖୋଜି କରୁଛନ୍ତି। ବର୍ତ୍ତମାନ ସୁଦ୍ଧା ଟହଲିଙ୍କୁ ଉଦ୍ଧାର କରାଯାଇପାରିନାହିଁ।
